اعمال رَسولان 26:10 - کتاب مقدس به زبان مازندرانی - گویش شرقی

¹⁰ و این هَمون کاری بییه که اورشَلیم دِله هاکاردِمه. مِن گَت گَتِ کاهِنونِ جِم مجوز گِتِمه و مِقدّسونِ زیادی ره زندونی کاردِمه، و وَختی مَرگِ مَحکوم بونِسِنه، وِشونِ علیه رأی دامه.

گیله ماز

¹⁰ وَ این هَمون کاری با که اورشلیمِ دِلِه هَکُردَم. مَن گَتِه کاهِنانِ جی مُجَوِز گیرنه بام و مقدّسینِ زیادی رِه زندانِ دِلِه تُووادِنه بام، وَ وَختِی مرگِ وَسین محکوم بونه بان، اوشانِ علیه رأی دَنهِ بام.

کتاب مقدس به زبان مازندرانی - گویش غربی

¹⁰ و هَین هَمون کاری وِه گه اورشلیمی دِلِه هاکِردِمِه. مِن گَت گَتِه کاهِنِنی جا مِجَوِز گیتِمِه و یَتِخِیلی مِقدّسینِ زیندونی کِردِمِه، و وختی مرگی سِه محکوم وونِسِنِه، وِشونی علِیه رأی داوِمِه.

اعمال رَسولان 26:10 Iomraidhean Croise

اعمال رَسولان 7:58

وه ره سَرکَش هاکاردِنه و شَهرِ جِم بیرون بَوِردنه و سَنگسار هاکاردِنه. شاهدون شه لِواسا ره بَکِندینه و یِتا جوونِ لینگِ پَلی که وه اسم سولُس بییه بییِشتِنه.

اعمال رَسولان 8:1

سولُس اِستیفانِ بَکوشتِنِ هِمراه موافق بییه. از اون روز به بعد، یِتا گَتِ آزار اذیّت اورشَلیمِ کلیسائه علیه شِروع بَییه، جوری که به جِز رَسولون، همه، یهودیه و سامِرهِ مَنطقهِ سَمت پَخش و پِلا بَینه.

اعمال رَسولان 8:3

ولی سولُس تِمومِ شه غیظِ هِمراه کلیسا ره حمله کارده و سِره سِره گِردِسه، زَن ها و مَردا ره بیرون کَشییه و زِندونِ دِله دِم دائه.

اعمال رَسولان 9:21

هر کی وه پِیغومِ اِشنُسه مات و مبهوت بونِسه و گاته: «مگه این هَمون نییه که اورشَلیمِ دِله اونایی میون که عیسیِ اسمِ شه زِوون یاردنه، آشوب کارده. مگه اینِ وِسه اینجه نییَمو تا وِشونِ دَستگیر هاکانه و گَت گَتِ کاهنونِ پَلی بَوِره؟»

اعمال رَسولان 9:26

وَختی شائول اورشَلیم بَرِسیه، خواسه شاگردونِ مِلحق بَووه، ولی همه وه جِم تَرسینه، چوون باوِر نَکاردِنه وه واقعاً عیسیِ شاگرد بَییه بوئه .

اعمال رَسولان 9:32

ولی پِطرُس که تِمومِ مَنطقهِ دِله گِردِسه، لُدَّهِ مِقدِّسونِ بَدیئِنِ وِسه بُورده.

اعمال رَسولان 9:41

پِطرُس طابیتائه دَسِ بَییته و وه ره بِلِند هاکارده. بعد بیوه‌زن ها و اونایی ره که عیسی ره ایمون داشتِنه ره صدا هاکارده و وه ره زنده وِشونِ تَحویل هِدا.

اوّلین نامِه قُرنتیانی سِه 15:9

چوون مِن رَسولونِ میون کِچیکترینِمه، و یه ذِرّه هم لایق نیمه که خِدائه رَسول بَخوندِسه بَووِم، چوون که خِدائه کلیسا ره آزار دامه.

غَلاطیان 1:13

چوون که شِما مِ قدیمی زندگیِ تعریفِ اون مووقه که یهودی بیمه بِشنُسینی، که چی طی خِدائه کلیسا ره آزار اذیّت کاردِمه و تَقِلّا کاردِمه اونِ نابود هاکانِم.

اِفِسُسیان 1:1

پولُسِ طَرِف جِم که خِدائه خواسِ هِمراه، مَسیحْ عیسیِ رَسولِ، مِقدَّسینی ره که اَفِسُسِ شَهرِ دِله دَرِنه، اونایی که مَسیحْ عیسیِ دِله وِفادارِنه:

یوحنایِ مکاشفه 17:6

و بَدیمه که اون زِنا مقدّسینِ خون و اونایی که عیسیِ خاطِری شهید بَینهِ خونِ هِمراه مَسِّ. همین که زِنا ره بَدیمه خَله تَعجِّب هاکاردِمه.