اعمال رَسولان 25:8 - کتاب مقدس به زبان مازندرانی - گویش شرقی

⁸ پولُس شه جِم دِفاع هاکارده، و بااوته: «مِن نا علیه یَهودِ شَریعَت خطایی هاکاردِمه نا علیه مَعبِد نا علیه امپراطور.»

گیله ماز

⁸ پولُس خودِشه جی دِفاع هَکردِه و باگوتِه: «مَن نه یَهودِ شریعَت علیِه خطایی هَکُردَم نه مَعبد علیِه نه امپراطوری علیِه.»

کتاب مقدس به زبان مازندرانی - گویش غربی

⁸ پولُس شیجا دِفاع هاکِردِه و بُتِه: «مِن نا یَهودی شریعَتی علِیه خطایی هاکِردِمِه نا مَعبدی علِیه نا اِمپراطوری علِیه.»

اعمال رَسولان 25:8 Iomraidhean Croise

اعمال رَسولان 23:1

پولُس شورائه اعضا ره هارِشیه و بااوته: «بِرارون، مِن تا اَمروز پاکِ وِجدانِ هِمراه خِدائه حِضور زندگی هاکاردِمه.»

اعمال رَسولان 24:12

و این مِدّتِ دِله، نَدینه مِن هیچ کسِ هِمراه مَعبِدِ دِله جرِّ بحث هاکانِم یا اینکه عبادتگاه ها یا شَهر دِله، مَردِمِ تحریک هاکانِم.

اعمال رَسولان 24:14

ولی شِمه پَلی اِعتراف کامبه که طبقِ طَریقت که وِشون وه ره یِتا فِرقه دوندِنه، شه پییِرونِ خِدا ره پَرَسِش کامبه و هر اونچی هم که تورات و پیغمبِرونِ نوِشتهِ دِله بَنوِشته بَییه ره اعتقاد دارمه.

اعمال رَسولان 24:6

این آدِم حَتّی تَقِلّا هاکارده مَعبِدِ بی حِرمت هاکانه؛ ولی اِما وه ره دستگیر هاکاردیمی. [و خواسیمی طِبق شه شَریعَت وه ره مُحاکمه‌ هاکانیم

اعمال رَسولان 25:10

پولُس جِواب هِدا: «مِن اَلان اِمپراطورِ محکمهِ دِله اِیست هاکاردِمه که اونِ دِله وِنه محاکمه بَووِم. شِما شه خوار دوندِنی که مِن نسبت به یَهود هیچ خطایی نَکاردِمه .

اعمال رَسولان 28:17

سه روز دییه، پولُس یَهودِ گَت گَتِ ره شه پَلی دَعوِت هاکارده. وَختی جَمع بَینه، وِشونِ بااوته: «ای بِرارون، با این که مِن کاری شه قوم یا شه پییِرونِ رَسم و رسومِ علیه نَکارده بیمه، با این حال مِ ره اورشَلیمِ دِله دستگیر هاکاردِنه و رومیونِ تحویل هِدانه.

اعمال رَسولان 28:21

وِشون پولُسِ جِواب بااوتِنه: «اِما هیچ نامه ای تِ خَوِری یَهودیهِ جِم نَییتیمی، و هیچ کِدوم از برارونی که اونجه جِم بییَمونه، هیچ بَدِ چی ای تِ خَوِری نااوتِنه و خَوِری نِدانه.

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.