اعمال رَسولان 25:4 - کتاب مقدس به زبان مازندرانی - گویش شرقی

⁴ ولی فِستوس وِشونِ جِواب بااوته: «پولُس قیصریهِ شَهر، زِندونِ دِله دَره و مِن شه قَصد دارمه به زودی اونجه بُورِم.

گیله ماز

⁴ وَلی فِستوس اوشانِ جواب باگوتِه: «پولُس قیصریه شهر زندان دِلِه دَرِه و مَن خَنَم بِزودی اوجِه بوشوم.

کتاب مقدس به زبان مازندرانی - گویش غربی

⁴ ولی فِستوس وِشونی جِواب بُتِه: «پولُس قیصریه ای شهر زیندونی دِلِه دَرِه و مِن شِه قصد دارمِه بِزودی اوجِه بورِم.

اعمال رَسولان 25:4 Iomraidhean Croise

اعمال رَسولان 24:23

بعد اَفسری که مسئول بییه ره دَستور هِدا تا پولُسِ زیر نَظِر بَیره، ولی اَت کم آزادی هم وه ره هاده و وه دَمِ نَیره که وه آشنایون وه احتیاجاتِ بَرطَرِف هاکانِن.

اعمال رَسولان 24:27

دِ سال دییه، پورکیوس فِستوس، فِلیکْسِ جانشین بَییه. ولی فِلیکْس، اینِ وِسه که یَهودیونِ سَر مِنّت بییِلّه، پولُسِ هَمون طی زِندونِ دِله داشته.

اعمال رَسولان 25:1

فِستوس سه روز بعد از اینکه شه محلِ فرمونداری بییَمو، قیصریهِ جِم اورشَلیم بُورده.

اعمال رَسولان 25:13

بعد از این که چَن روز بُگذِشته، آگْریپاسِ پادشاه و بِرنیکی، فِستوسِ خِش آمِدگوییِ وِسه، قیصریهِ شَهر بییَمونه.

اعمال رَسولان 25:16

«وِشونِ بااوتِمه رومیون دِله رَسم نییه که متهمی ره قبل از اون که شه شاکیونِ هِمراه روب رو بَووه و بَتونه اِتهامایی که وه ره زَندِنه ره شه جِم دفاع هاکانه، تَسلیم هاکانِن.

اعمال رَسولان 25:5

فِستوس بااوته شِمه دِله اونایی که رَهبرِنه، توندِنه مِ هِمراه بِیِّن تا اگه این مَردیِ جِم خِطایی سَر بَزُو، شه شکایتِ وه علیه بارِن.»

اعمال رَسولان 25:6

فِستوس بعد از هشت دَه روز که وِشونِ هِمراه دَییه، قیصریه بَردَگِردِسه، فِردائه اون روز، مَحکمه ره تشکیل هِدا و دَستور هِدا پولُسِ بیارِن.

اعمال رَسولان 8:40

ولی فیلیپُس شه ره اَشدودِ مَنطقهِ دِله پی دا هاکارده. وه تِمومِ اون مَنطقهِ شهرهائه دِله گِردِسه و انجیل خَوِرِ خِشِ دائه، تا قیصریهِ شَهر بَرِسیه.