اعمال رَسولان 25:25 - کتاب مقدس به زبان مازندرانی - گویش شرقی

²⁵ ولی مِن بِفَهمِسِمه که وه کاری نَکارده که وه سِزا بَمِردِن بوئه و چوون وه شه بَخواسه که اِمپراطورِ مَحمکه بوره، مِن هم تَصمیم بَییتِمه وه ره روم بَفرِسِم.

گیله ماز

²⁵ وَلی مَن بِفَهمِسَّم که اون کاری نَکُردِه که اونِه سِزا بَمِردَن هَبو. وَ چون اون خودِش بِخَسِّه امپراطورِ مَحکَمِه یه دِلِه بوشو، مَنَم تَصمیم بِیتمَ اونِه به رومِ روانه هَکونَم.

کتاب مقدس به زبان مازندرانی - گویش غربی

²⁵ ولی مِن بِفَهمِسِمِه گه وی کاری نَکِردِه گه وی سِزا بَمِردَن ووئِه. و چون وی شِه بَخوایسِه امپراطوری مَحکَمِه ای دِلِه بورِه، مِنَم تَصمیم بَیتِمِه وِرِه رومی سِه بَرِسانِم.

اعمال رَسولان 25:25 Iomraidhean Croise

لوقا 23:14

و وِشونِ بااوته: «این مَردی ره این اتهامِ هِمراه مِ پَلی بیاردینی که مَردِمِ گُمراه کانده. مِن شِمه پَلی وه جِم بازجویی هاکاردِمه، بَوینین هیچ خِطایی پی دا نَکاردِمه تا شِمه تِهمتها ره ثابت هاکانه.

لوقا 23:4

بعد پیلاتُس مَعبِدِ گَت گَتِ کاهِنون و جَمیِّتِ اِعلام هاکارده: «این مَردیِ دِله خَطایی پی دا نَکاردِمه که وه ره مَحکوم هاکانِم.»

اِنجیلِ یوحنا 18:38

پیلاتُس بَپِرسیه: «حَییقت چیه؟» وَختی اینِ بااوته، اَی دِواره بیرون یَهودیونِ پَلی بُورده و وِشونِ بااوته: «مِن هیچ دلیلی وه مَحکوم هاکاردِنِ وِسه پی دا نَکاردِمه.

اعمال رَسولان 23:29

بِفَهمِسِمه که وه اِتهام شه وِشونِ شَریعتِ مربوطِ، و وه جُرم اَنده نییه که وه سِزا مَرگ یا حبس بوئه.

اعمال رَسولان 23:9

یِتا گَتِ وَلوَشو بِلِند بَییه! بَعضی از توراتِ مَلِّمون که فَریسی بینه، بِلِند بَینه و بَدجور اِعتراض‌ هاکاردِنه بااوتِنه: «این مَردیِ دِله هیچ خَطایی نَویمبی. کجه جِم معلومِ که یِتا روح یا یِتا فرشته‌ وه هِمراه گَب نَزو بوئه.»

اعمال رَسولان 25:26

ولی نَدومبه اِمپراطورِ وِسه چی بَنویسِم، اینِ وِسه وه ره شِمه پَلی بیاردِمه، مخصوصاً شِمه پَلی، ای آگْریپاسِ پادشاه، تا وه جِم بازخواس هاکانیم و مِن یه چی بَنوِشتِنِ وِسه دارِم.

اعمال رَسولان 26:31

و وَختی که دَینه گَب زونه بیرون بُوردِنه، هَمدییه ره گاتِنه: «این مَردی کاری که بَمِردِن یا زِندونِ مِستَحق بوئه نَکارده.»

اعمال رَسولان 27:1

وَختی تَصمیم بَییتِنه که اِما، دریائه راهِ جِم ایتالیا بُوریم، پولُس و چَن تا دییه از زِندونیونِ، یِتا اَفسِر که وه اسم یولیوس و اِمپراطورِ گوردانِ جِم بییه، تحویل هِدانه.

اعمال رَسولان 28:18

وِشون مِ جِم بازخواس هاکاردِنه و خواسِنه مِ ره آزاد هاکانِن، چوون مِ دِله جرمی ندینه که وه سِزا مَرگ بوئه.