اعمال رَسولان 25:2 - کتاب مقدس به زبان مازندرانی - گویش شرقی

² اونجه گَت گَتِ کاهِنون و یَهودِ قومِ گَت گَتِ وه روب رو حاضر بَینه و شه شکایتِ پولُسِ علیه بااوتِنه.

گیله ماز

² اوجِه گَتِه کاهِنان و یهودِ قومِ گَتِشان اونِه پیش حاضِر هَبان و خودِشانِه شکایَتِ پولُس علیِه باگوتِن.

کتاب مقدس به زبان مازندرانی - گویش غربی

² اوجِه گَت گَتِه کاهنِن و یهودی قومی گَت گَتِه وی پِش حاضِر بَوِنِه و شی شکایَتِ پولُسی علِیه بُتِنِه.

اعمال رَسولان 25:2 Iomraidhean Croise

اعمال رَسولان 24:1

بَعدِ پَنج روز، کاهِن اَعظِم، حَنانیا، چَن نَفِر از مَشایخ و یِتا وَکیلِ هِمراه که وه اِسم تِرتولُس بییه، قیصریه بییَمونه. وِشون شه شکایتِ پولُسِ علیه فرموندارِ پلی بَوِردِنه.

اعمال رَسولان 25:15

وَختی اورشَلیمِ دِله دَیمه، گَت گَتِ کاهِنون و یَهودِ مشایخ وه ره اتهامایی بَزونه و خواسِنه وه مَحکوم بَووه.

اعمال رَسولان 25:24

فِستوس بااوته: «ای آگْریپاسِ پادشاه، و ای تِمومِ حضار! تِمومِ یَهودِ مَردِم، چه اینجه و چه اورشَلیمِ دِله این مَردیِ جِم که ویندِنی مِ پَلی شکایت هاکاردِنه و دادِ بیداد هاکاردِنه که نَوِسه زِنده بَمونه.

اعمال رَسولان 28:17

سه روز دییه، پولُس یَهودِ گَت گَتِ ره شه پَلی دَعوِت هاکارده. وَختی جَمع بَینه، وِشونِ بااوته: «ای بِرارون، با این که مِن کاری شه قوم یا شه پییِرونِ رَسم و رسومِ علیه نَکارده بیمه، با این حال مِ ره اورشَلیمِ دِله دستگیر هاکاردِنه و رومیونِ تحویل هِدانه.

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.