اعمال رَسولان 25:17 - کتاب مقدس به زبان مازندرانی - گویش شرقی

¹⁷ وَختی وِشون اینجه بییَمونه، مِن مَعطل نَکاردِمه و فِردائه اون روز، مَحکمه ره تشکیل هِدامه و دَستور هِدامه وه ره مِ پَلی بیارِن.

گیله ماز

¹⁷ وَختِی اوشان ایجِه بومَن، مَن مَتَّل نَکُردَم و فردای اون روز، مَحکَمِه رِه تَشکیل هَدَم و دستور هَدَم اونِه می وَر بیارِن.

کتاب مقدس به زبان مازندرانی - گویش غربی

¹⁷ وختی وِشون ایجِه بیمونِه، مِن مَتَّل نَکِردِمِه و فردای هون روز، مَحکَمِه رِه تَشکیل هادامِه و دستور هادامِه وِرِه می وَر بیارِن.

اعمال رَسولان 25:17 Iomraidhean Croise

اِنجیلِ مَتّی 27:19

هَمون مووقه که پیلاتُس داوِریِ تَختِ سَر نیشته بییه، وه زِنا وه ره پِیغوم بَفرِسیه و بااوته: «وه صالحِ مَردیِ، وه هِمراه کاری نِدار، مِن دیشو خُویی وه خَوِری بَدیمه که مِ ره خَله بَرِنجونیه»

اعمال رَسولان 25:10

پولُس جِواب هِدا: «مِن اَلان اِمپراطورِ محکمهِ دِله اِیست هاکاردِمه که اونِ دِله وِنه محاکمه بَووِم. شِما شه خوار دوندِنی که مِن نسبت به یَهود هیچ خطایی نَکاردِمه .

اعمال رَسولان 25:18

وَختی وه شاکیون بِلِند بَینه تا گَب بَزِنِن، وه ره هیچ‌ کِدوم از بَدِ کارایی که مِن اِنتِظار داشتِمه ره مِتّهم نَکاردِنه.

اعمال رَسولان 25:6

فِستوس بعد از هشت دَه روز که وِشونِ هِمراه دَییه، قیصریه بَردَگِردِسه، فِردائه اون روز، مَحکمه ره تشکیل هِدا و دَستور هِدا پولُسِ بیارِن.