اعمال رَسولان 24:7 - کتاب مقدس به زبان مازندرانی - گویش شرقی

⁷ ولی فَرمونده لیسیاس بییَمو و وه ره زور زوری اَمه دَسِ بِن بیرون بیارده،

گیله ماز

⁷ وَلی لیسیاسِ فرماندِه بوما و اونِه بِزور اَمِی دَسِ جیر دِرگا بیاردِه،

کتاب مقدس به زبان مازندرانی - گویش غربی

⁷ ولی فرموندِه لیسیاس بیمو و وِرِه بِزور اَمِه دَسِ بِن دیرگا بیاردِه،

اعمال رَسولان 24:7 Iomraidhean Croise

اعمال رَسولان 21:31

و هَمون طی که خواسِنه وه ره بَکوشِن، رومیِ سربازونِ فَرمونده ره خَوِر هِدانه که تِموم اورشَلیمِ دِله، آشوب بَییه.

اعمال رَسولان 21:35

وَختی پولُس، قلعهِ پله‌هائه نَزیکی بَرِسیه، جَمیِّت اَنده عَصِبانی بینه که سربازون مجبور بَینه وه ره شه بالِ سَر بَوِرِن.

اعمال رَسولان 23:10

اَنده دَعوا بالا بَییته که فَرمونده بَتِرسیه نَکِنه پولُسِ تیکه پاره هاکانِن. پَس سربازونِ دَستور هِدا جِر بورِن و پولُسِ وِشونِ چنگِ جِم در بیارِن، قلعهِ دِله بَوِرِن.

اعمال رَسولان 23:23

پَس فَرمونده دِ نَفِر شه اَفسرونِ شه پَلی صدا هاکاردو وِشونِ بااوته: «دویست تا پیاده سرباز، هِفتاد تا سِواره سرباز و دویست تا نیزه‌دار آماده هاکانین تا اِمشو ساعت نه قیصریه بورِن.

اعمال رَسولان 24:6

این آدِم حَتّی تَقِلّا هاکارده مَعبِدِ بی حِرمت هاکانه؛ ولی اِما وه ره دستگیر هاکاردیمی. [و خواسیمی طِبق شه شَریعَت وه ره مُحاکمه‌ هاکانیم

اعمال رَسولان 24:8

و وه شاکیونِ دَستور هِدا تا شِمه پَلی بِیِّن.] اِسا، اگه شه شِما وه جِم بازخواس هاکانین، هر اونچیِ حَییقَتِ که وه ره مِتّهم کامبی، شِمه وِسه دیار بونه.»