اعمال رَسولان 24:5 - کتاب مقدس به زبان مازندرانی - گویش شرقی

⁵ «اَمه وِسه ثابت بَییه که این مَردی، آدِمیِ که فِتنه دِم دِنه و تِمومِ دِنیائه یَهودیونِ میون آشوب به پا کانده. همین طی هم ناصری فرقهِ سَردَسه ئه.

گیله ماز

⁵ «اَمِرِه ثابت هَبا که این مَردای، آدَمی یِه که فِتنِه تُووادِنِه و تمام دنیای یَهودیِان میَن آشوب به پا کانِه. هَمینجورَم ناصری یه فِرقه یه سَردَسِّیِه.

کتاب مقدس به زبان مازندرانی - گویش غربی

⁵ «اَمِنِه ثابت بَوِه گه هَین مَردی، آدَمیِه گه فِتنِه دیم دِنِه و دِشتِه دِنیایی یَهودیِنی میِن آشوب به پا کِنِّه. هَمینجورَم ناصری ای فِرقه ای سَردَسِئِه.

اعمال رَسولان 24:5 Iomraidhean Croise

اِنجیلِ مَتّی 10:25

شاگرد شه مَلِّمِ واری بَووه وه وِسه وَسّه و نوکِر شه اربابِ واری. اَگه سِرهِ اَربابِ بِعِلزِبول، که اِبلیسِ، بارِن، چَنده ویشتر وه اَهلِ سِره ره توهین کاندِنه؟

اِنجیلِ مَتّی 2:23

یوسِف بُورده و یِتا شَهرِ دِله، که وه اسم ناصره بییه زِندِگی هاکارده. این طی، اون پیشگویی که پِیغَمبِرون هاکارده بینه اِنجام بَرِسیه که: «وه ناصری بااوته بونه.»

مَرقُس 1:24

«ای عیسیِ ناصری، اِما ره چی کار دارنی؟ بییَموئی اِما ره نابود هاکانی؟ دومبّه کی هَسی! تِ اون خِدائه قِدّوسی!»

لوقا 23:19

بارْاباس یِتا شورشِ خاطِری که شَهرِ دِله اِتّفاق دَکِته بییه، و هم قتلِ خاطِری، زِندونِ دِله دَییه.

لوقا 23:2

و وه جِم شکایِت هاکاردِنه، بااوتِنه: «این مَردی ره پی دا هاکاردیمی که اَمه قومِ گُمراه کانده و اِما ره نییِلنه اِمپراطورِ مالیاتِ هادیم و ادّعا کانده شه مَسیحِ موعودِ، یعنی یِتا پادشاه.»

لوقا 23:25

وه یِتا مَردی ره که شورش و قتلِ خاطِری زِندون دِله دَییه و جَمیِّت خواسِنه آزاد‌ بَووه ره وِل هاکارده، ولی عیسی ره وِشونِ تحویل هِدا تا شه دِلبِخواه وه هِمراه رِفتار هاکانِن.

لوقا 23:5

ولی وِشون اصرارِ هِمراه بااوتِنه: «وه تِمومِ یَهودیهِ دِله مَردِمِ شه تعلیمِ هِمراه تَحریک کانده. جَلیلِ مَنطقهِ جِم شِروع هاکارده و حَتّی اینجه هم بَرِسیه.»

اعمال رَسولان 15:5

ولی بَعضی از عُلِمائه فِرقه فریسی که ایمون بیارده بینه، بِلِند بَینه، بااوتِنه: «واجبِ که وِشون خَتنه بَووِن و وِشونِ دَستور هادِن که موسیِ شَریعتِ دارِن.»

اعمال رَسولان 21:28

شونگ کَشینه: «ای یَهودیون، کُمِک هاکانین؛ این هَمونِ که تِمومِ مَردِمِ همه جا اَمه قوم و اَمه شَریعتِ علیه و این مَکانِ علیه تَعلیم دِنه. قبل از این، یونانیونِ مَعبِدِ دِله بیارده و این مقدّسِ جا ره نَجس هاکارده.»

اعمال رَسولان 22:22

مَردِم تا اینجه پولُسِ گَبِ گوش دانه، ولی وَختی اینِ بااوته، شه صِدا ره بِلِند هاکاردِنه، داد بَکِشینه: «زِمینِ، این طی آدِمِ جِم پاک هاکانین نَوِسه اِجازه هِدا این طی آدِم زِنده بَمونه!»

اعمال رَسولان 24:14

ولی شِمه پَلی اِعتراف کامبه که طبقِ طَریقت که وِشون وه ره یِتا فِرقه دوندِنه، شه پییِرونِ خِدا ره پَرَسِش کامبه و هر اونچی هم که تورات و پیغمبِرونِ نوِشتهِ دِله بَنوِشته بَییه ره اعتقاد دارمه.

اعمال رَسولان 24:4

ولی اینِ وِسه که شِمه وَختِ ویشتر نَیریم، خواهش کامبی لطف هاکانی، اَت کم اَمه گَبِ بِشنُئی.

اعمال رَسولان 25:7

وَختی پولُس، دِله بییَمو، یهودیونی که اورشَلیمِ جِم بییَمو بینه، وه دور اِیست هاکاردِنه و بَدجور اِتهامایی وه ره بَزونه، ولی نَتونِسِنه اونا ره ثابت هاکانِن.

اعمال رَسولان 26:5

وِشون قدیمِ جِم، خَوِردارنِنه و اگه بَخوان، توندِنه شِهادت هادِن که مِن به عنوان یِتا فَریسی، شه دینِ سختگیرترین فِرقه جِم پیروی کاردِمه.

اعمال رَسولان 28:22

ولی خوامبی تِ نظراتِ بِشنُئیم، چوون دومبی که مَردِم این فِرقه علیه همه جا گَب زَندِنه.»

اعمال رَسولان 5:17

ولی کاهِنِ اَعظِم و تِمومِ اونایی که وه هِمراه دَینه یعنی صَدّوقیونِ فِرقه بِلِند بَینه و حَسودیِ جِم دَس به‌کار بَینه

اعمال رَسولان 6:13

وِشون چَن تا دِراغی شاهد هم بیاردِنه که گاتِنه: «این آدِم این کارِ جِم دَس نَکِشِنه و هَمِش مِقَدَّسِ مَعبِد و شَریعتِ، بد گانه.

اوّلین نامِه قُرنتیانی سِه 11:19

چوون وِنه این دِ دَسِگی شِمه میون دَووه تا این طی اونایی که شِمه میون راس راسی ایمون دارنِنه مَعلوم بَووِن.

اوّلین نامِه قُرنتیانی سِه 4:13

وَختی اِما ره تِهمَت زَندِنه، خواریِ هِمراه جِواب دِمبی. تا همین ‌اَلانِم، اِما دِنیائه دِله تِفاله و همه چیِ آشغال بَیمی.

اول پِطرُس 2:19

چوون یِتا کاریِ که فیضِ جِم پِرِ که اونی که خِدا ره چِش دارنه، وَختی که ناحقِّ رَنج بَکِشه، بی اِنصافی ره تِحَمُّل هاکانه.