اعمال رَسولان 24:25 - کتاب مقدس به زبان مازندرانی - گویش شرقی

²⁵ وَختی پولُس؛ صالح بییَن و پرهیزگاری و آیندهِ داوِریِ جِم گَب میون بیارده، فِلیکْس هَراسون بَییه و بااوته: «فعلاً وَسّه! توندی بُوری. اَی اَت کَش دییه تِ ره شه پَلی صدا کامبه.»

گیله ماز

²⁵ وَختِی پولُس، صالِح هَبوسَّن و پرهیزگاری و آینده یه داوری جی گَب میَن بیاردِه، فِلیکْس هَراسان هَبا و باگوتِه: «فعلاً بَسِّه! تانی بیشی. باز یِدَفِه دیگَه تِرِه می وَر دُخواندِنَم.»

کتاب مقدس به زبان مازندرانی - گویش غربی

²⁵ وختی پولُس، صالِح ووئَن و پرهیزگاری و آینده ای داوری جا گَب میِن بیاردِه، فِلیکْس هَراسون بَوِه و بُتِه: «فعلاً وَسِّه! بَتِنّی بوری. اَی یَکَش دییَر تِرِه شی کَفا خُومِّه.»

اعمال رَسولان 24:25 Iomraidhean Croise

اِنجیلِ مَتّی 22:5

ولی وِشون اِعتنا نَکاردِنه و هر کِدوم شه کارِ پِی بُوردِنه. یِتا شه زِمینِ سَر بورده و یِتا دییه شه كَسب و کارِ دِمبال.

اِنجیلِ یوحنا 16:8

وَختی اون پِشتیبون بِیّه، دِنیائه مَردِمِ گِناه و صالح بییَن و داوِریِ وِسه مَحکوم کانده.

اعمال رَسولان 10:42

وه اِما ره دَستور هِدا تا حَییقَتِ قومِ وِسه اِعلام هاکانیم و شِهادَت هادیم که خِدا وه ره انتخاب هاکارده تا زِنده ها و مِرده هائه داوِر بوئه.

اعمال رَسولان 17:13

وَختی تِسالونیکیِ یَهودیون بِفَهمِسِنه که پولُس بیریهِ دِله هم خِدائه کِلامِ اِعلام کانده، اونجه بُوردِنه و مَردِمِ تحریک هاکاردِنه و شَهرِ آشوب بَکِشینه.

اعمال رَسولان 17:2

پولُس طبقِ شه عادت عبادتگاه بُورده، وه سه تا مِقدَّسِ شنبه، وِشونِ هِمراه مِقَدَّسِ نوِشته هائه جِم، بحث کارده

اعمال رَسولان 17:32

وَختی وِشون مِرده هائه زِنده بَیِّنِ خَوِری، بِشنُسِنه، بَعضیا پوزخن بَزونه، ولی بَقیه بااوتِنه: «اِما اَی هم تِ جِم این جَریانِ خَوِری اِشنُمبی.»

اعمال رَسولان 2:37

وَختی وِشون این گبا ره بِشنُسِنه، جوری بَینه که انگار وِشونِ دِل خَنجِر بَخُرده بوئه، پِطرُسِ و دییه رَسولونِ بااوتِنه: «ای بِرارون، چی هاکانیم؟»

اعمال رَسولان 24:15

و مِن هم وِشونِ واری خِدا ره امید دارمه و اعتقاد دارمه، خوارِ آدِمون و بَدِ آدِمونِ وِسه زنده بَیِّنی در کارِ، دِرِس این آدِمونِ واری که قبول دارنِنه.

اعمال رَسولان 24:26

علاوه بر این، امید داشته پولُس وه ره رِشوه هاده. اینِ وِسه، چَن کَش وه ره اَحضار کارده و وه هِمراه گَب زوئه.

اعمال رَسولان 26:28

آگْریپاس پولُسِ بااوته: «اَنده زود خوانی مِ ره قانع هاکانی مسیحی بَووِم؟»

اعمال رَسولان 9:6

اِسا، پِرِس و شَهر بور. اونجه تِ ره گانِنه چی وِنه هاکانی.»

رومی ایشون 12:1

پَس ای بِرارون، خِدائه رَحمِت هائه خاطِری، شِمه جِم خواهش کامبه که شه تَن ها ره، زنده قِروونیِ واری، مِقَدَّس و خِدائه بابِ دِل پیشکَش هاکانین که شِمه روحانی عبادَت همینِ.

رومی ایشون 14:12

هر کِدوم از اِما شه حِسابِ خِدا ره پَس دِنه.

رومی ایشون 2:16

این اون روزِ دِله اِتفاق کَفِنه که خِدا طبقِ اون اِنجیلی که مِن اِعلام کامبه، آدِمونِ رازها ره عیسیِ مَسیحِ طَریقِ جِم قِضاوِت کانده.

اوّلین نامِه قُرنتیانی سِه 4:5

پَس هیچیِ خَوِری قبل از وه مووقه قِضاوِت نَکِنین، تا اینکه خِداوند بِیّه. وه اونچی ره که اَلان تاریکیِ دِله جا هِدا هسه ره روشناییِ دِله دیار کانده و دِل هائه نیّتها ره بَر مِلا کانده. بعد هر کی شه تَعریف و تَمجیدِ خِدائه جِم گِرنه.

دوّمین نامه قرنتیانِ وَسین 5:10

چوون اِما همه وِنه مَسیحِ داوِریِ تَختِ روب رو حاضر بَوویم، تا هر کی طِبق خوار و بَدِ اعمال که شه تَنِ دِله زندگی کارده، اِنجام هِدا سزا بَوینه.

دوّمین نامه قرنتیانِ وَسین 6:2

چوون خِدا اِشعیائه پِیغَمبِرِ کتابِ دِله گانه: «یِتا خوارِ مووقه دِله، تِ جِوابِ هِدامه و نِجاتِ روزِ دِله، تِ کُمِک بییَمومه.» هارش، اَلان خِدائه خوارِ مووقهِ؛ هارش، اَلان نِجاتِ روزِ.

غَلاطیان 3:22

ولی مِقدَّسِ نوشته ها اِعلام هاکارده که همه گِناهِ دِله اسیرِنه، تا اون وَعده که عیسی مَسیحِ ایمونِ راهِ جِم هَسه، کِسایی که ایمون بیاردِنه ره هِدا بَووه.

غَلاطیان 5:23

ملایمت و شه دَمِ بَییتِن. هیچ شریعتی اینائه ضِد نییه.

دوم تیموتائوس 4:1

مِن خِدا و مَسیحْ عیسیِ روب رو که مِرده ها و زنده ها ره داوِری کانده، و وه بییَموئِن و وه پادشاهی‌ِ خاطِری، تِ ره سفارش کامبه که

تیتوس 1:8

بلکه مِهمون​نواز بوئه و خواری ره دوسدارِ و دِرِسکار و مِقَدَّس بوئه و نظم داره؛

نامِه مَسیحینی عبرانی نِژادی سِه 12:21

راس راسی این صَحنه اَنده ترسناک بییه که موسی بااوته: «مِن تَرسِ جِم دَره لَرزِمبه.»

نامِه مَسیحینی عبرانی نِژادی سِه 3:13

بلکه هر روز، تا مووقه ای که اونِ «اَمروز» گانِنه هَمدییه ره نصیحت هاکانین تا شِمه جِم کِسی گِناهِ گول بَخُردِنِ خاطِری، سَنگ دِل نَووه.

نامِه مَسیحینی عبرانی نِژادی سِه 4:1

پَس با اینکه این وعدهِ بوردَن وه آسایشِ دِله هَمتی پابرجائه، تَرسِمبی که نَکِنه دیار بَووه که یه نَفِر شِمه جِم اون وعدهِ به دَس بیاردِنِ وِسه شکست بَخُره.

نامِه مَسیحینی عبرانی نِژادی سِه 6:2

و غسلِ تعمیدهائه یاد هِدائِن، دسگذاری‌ها، مِرده هائه جِم زنده بَیِّن و اَبدی داوِری ره بییِلیم.

نامِه مَسیحینی عبرانی نِژادی سِه 9:27

و هَمون‌ طی که تعیین بَییه که، انسان اَت کَش بَمیره و بعد از اون داوِری اِنه،

یعقوبِ نامه 2:19

تِ باوِر دارنی که خِدا یِتائه. خوب کاندی! حَتَّی دِوها هم این‌طی باوِر دارنِنه و تَرسِ جِم لَرزِنِنه!

اول پِطرُس 3:15

بلکه شه دلِ دِله خِداوند مَسیحِ، قُدّوس بِشمارین و وه ره اِحترام بییِلین و هَمِش آماده بوئین تا هر کی اون امیدِ دلیلِ، که شِمه دِله دَره ره، بَپِرسه، وه ره جِواب هادین، البته اِحترام و نرمیِ هِمراه.

پطرسی دِوّمین نامِه 1:6

و معرفتِ هِمراه، خویشتنداری و خویشتنداریِ هِمراه، پایداری و پایداریِ هِمراه، دینداری،

اوّل یوحنا 3:10

خِدائه وَچون و اِبلیسِ وَچون این‌طی مَعلوم بونِنه: هر کی اونچی که دِرِسِ ره اِنجام نَدِنه، خِدائه جِم نییه و همین طی کِسی که شه بِرارِ دوس نِدارنه، خِدائه جِم نییه.

اوّل یوحنا 3:7

ای کِچیکِ وَچون نییِلین هیچ کِسی شِما ره گمراه هاکانه. هر کی که صالحِ آدِمِ واری عَمِل هاکانه، صالحِ، هَمون طی که وه صالحِ.