اعمال رَسولان 24:17 - کتاب مقدس به زبان مازندرانی - گویش شرقی

¹⁷ «مِن بعد از چَن سال، اورشَلیمِ دِله بییَمومه تا شه قومِ وِسه صدقه بیارم و هدایا تَقدیم هاکانِم.

گیله ماز

¹⁷ «مَن بعدِ چَن سال، به اورشَلیمِ بَشَم تا می قومِ وَسین صدَقِه بَبِرَم و هَدایا تقدیم هَکُنَم.

کتاب مقدس به زبان مازندرانی - گویش غربی

¹⁷ «مِن بعد از چَن سال، اورشَلیمی سِه بیمومِه تا شی قومی سِه صدَقِه بیارِم و هَدایا تقدیم هاکِنِم.

اعمال رَسولان 24:17 Iomraidhean Croise

اعمال رَسولان 20:16

پولُس تَصمیم داشته دریائه راهِ جِم اَفِسُسِ وَرِ جِم بِگذره تا شه وَختِ آسیائه مَنطقهِ دِله هَدِر نَده، چوون که عَجِله داشته که اگه بووه، پِنتیکاستِ روز اورشَلیم دِله دَووه.

اعمال رَسولان 20:31

پَس هوشیار بوئین و شه خاطِر بیارین که مِن سه سالِ تِموم، شو و روز، اَسریِ هِمراه یه لَحظه هم، شِمه هِشدار هِدائِنِ جِم، نِسّامه.

اعمال رَسولان 21:26

پَس، فِردائه اون روز، پولُس اون آدِمونِ شه هِمراه بَوِرده و وِشونِ هِمراه تطهیرِ رَسم و رسومِ به‌جا بیارده. بعد مَعبِدِ دِله بُورده تا تطهیرِ تاریخِ تِموم بَیّنِ روزا که اونِ دِله هر کِدومِ از وِشونِ وِسه قِروونی پیشکَش بونِسه ره اِعلام هاکانه.

اعمال رَسولان 24:26

علاوه بر این، امید داشته پولُس وه ره رِشوه هاده. اینِ وِسه، چَن کَش وه ره اَحضار کارده و وه هِمراه گَب زوئه.

رومی ایشون 15:31

تا یَهودیهِ بی ایمونونِ جِم جانِ سالم به‌دَر بَوِرِم و مِ خِدمَت اورشَلیمِ وِسه، مِقدّسینِ پَلی قبول بَووه.

دوّمین نامه قرنتیانِ وَسین 8:6

اینِ وِسه، تیتوسِ جِم بَخواسیمی هَمون‌ طی که قبلتر، شه، اَوِّلین قدمها ره بَییته بییه، اَلان هم شِمه میون اون کارِ خِیرِ کاملاً تِموم هاکانه.

دوّمین نامه قرنتیانِ وَسین 8:9

چوون اَمه خِداوند عیسی مَسیحِ فیضِ جِم باخَوِرِنی که هر چَن دولتمند بییه، شِمه خاطِری فقیر بَییه تا شِما وه فقرِ دِله دولتمند بَووین.

دوّمین نامه قرنتیانِ وَسین 9:12

چوون این خِدمِت، نا فِقَط مِقدَّسینِ احتیاجاتِ برطَرِف کانده، بلکه باعث بونه خَیلیا خِدا ره بی حدّ و اندازه شِکر هاکانِن.

غَلاطیان 2:10

وِشون فِقط اَمه جِم بَخواسِنه که فَقیرونِ ‌فکر بوئیم، هَمون کاری که مِن شه هم وه مِشتاق بیمه.