اعمال رَسولان 23:6 - کتاب مقدس به زبان مازندرانی - گویش شرقی

⁶ بعد پولُس که دونِسه بَعضی از وِشون عُلِمائه فرقهِ صَدّوقی و بَعضی عُلِمائه فرقهِ فَریسیِنه، شورائه پَلی بِلِندِ صِدائه هِمراه بااوته: «ای بِرارون، مِن فَریسی و فَریسی‌زادومه، و اینِ خاطِری که مِرده هائه زنده بَیِّنِ امید دارمه، دَره محاکمه بومبه.»

گیله ماز

⁶ ایما پولُس که دانِسِّه بعضی از اوشان عُلَمای فِرقه صَدّوقی و بعضیان عُلَمای فِرقِه فریسین، شورای دِلِه بلَندِ صِدای هَمرهَ باگوتِه: «اِی آداشان، مَن فَریسی و فَریسی‌ زاده اَم، اینه خاطِری که مُردِگان زندِه هَبوسَّنِ امید دارم، دَرَم محاکمِه هَبوم.»

کتاب مقدس به زبان مازندرانی - گویش غربی

⁶ اَزما پولُس گه دِنِّسِه اَقَدّی از وِشون عِلَمای فِرقه صَدّوقی و اَقَدّی عِلَمای فِرقِه فریسینِه، شورایی دِلِه بِلَنِ اَوازی هَمرا بُتِه: «اِی بِرارِن، مِن فَریسی و فَریسی‌زادِمِه، هَینی خاطری گه مِردِگونی زینِّه بَووئَنِ اِمید دارمِه دِ مِحاکمِه وومِه.»

اعمال رَسولان 23:6 Iomraidhean Croise

اِنجیلِ مَتّی 10:16

«گوش هادین، مِن شِما ره گُسفِنائه واری وِرگائه دِله فِرِسِندِمبه. شِما وِنه مَرِ واری با هوش و کوتِرِ واری بی آزار بوئین.

اِنجیلِ مَتّی 22:23

هَمون روز عُلِمائه فِرقه صَدوقی که مُعتَقِد بینه مِرده ها دِواره زنده نَبونِنه، عیسی پَلی بییَمونه و وه جِم بَپِرسینِه:

اِنجیلِ مَتّی 3:7

وَختی یحیی بَدیئه خَله از عُلِمائه فِرقه فَریسی و عُلِمائه فِرقه صَدوقی تَعمید بَئیتِنِ وِسه بییَمونه، وِشونِ بااوته: «اِی مَرها، کی شِما ره گوشزَد هاکارده تا اون غَضِبی که دَره اِنهِ جِم دَر بُورین؟

اعمال رَسولان 22:3

«مِن یَهو‌دی مَردیمه، کیلیکیهِ تارسوسِ شَهرِ دِله دِنیا بییَمومه ولی اورشَلیمِ شَهرِ دِله گَت بَیمه. شه اَجدادِ شَریعتِ کاملاً، گامالائیلِ دَسِ بِن یاد بَییتِمه و خِدائه وِسه غیرت داشتِمه، هَمون طی که شِما همه اَمروز دارنِنی.

اعمال رَسولان 22:30

فِردائه اون روز، وَختی فَرمونده خواسه دقّتِ هِمراه بِفَهمه که چه یَهودیون پولُسِ مِتّهم هاکاردِنه، وه ره زِندونِ جِم آزاد هاکارده و دَستور هِدا گَت گَتِ کاهِنون و تِمومِ یَهودِ شورائه اعضا جَمع بَووِن. بعد، پولُسِ جِر بیارده تا وِشونِ روب رو حاضر بَووه.

اعمال رَسولان 22:5

کاهِنِ اَعظِم و تِمومِ یَهودِ اعضائه شورا، توندِنه این کارِ وِسه شِهادت هادِن، چوون وِشونِ جِم نامه‌هایی بِرارونِ وِسه که دَمشقِ دِله دَرِنه بَییتِمه تا اونجه بُورِم و این اَهلِ طَریقَتِ دسگیر هاکانِم و مِجازاتِ وِسه اورشَلیم بیارِم.

اعمال رَسولان 23:1

پولُس شورائه اعضا ره هارِشیه و بااوته: «بِرارون، مِن تا اَمروز پاکِ وِجدانِ هِمراه خِدائه حِضور زندگی هاکاردِمه.»

اعمال رَسولان 23:15

پَس اِسا شِما و شورائه اعضا، رومیِ فَرمونده جِم بِخوائین وه ره شِمه پَلی بیاره، این بهونهِ هِمراه که خوانِنی دَقیقتر وه قضیه ره بررسی هاکانین. اِما آمادِمی قبل از این که اینجه بَرِسه، وه ره بَکوشیم.»

اعمال رَسولان 23:20

پولُسِ خوارزا بااوته: «یَهودیون هَمدَس بَینه شِمه جِم بَخوان که فِردا پولُسِ شورائه پَلی بیارین، این بهونهِ هِمراه که خوانِنه دقیقتر وه قضیه ره بررسی هاکانِن.

اعمال رَسولان 23:7

وَختی پولُس اینِ بااوته، فَریسیون و صَدوقیونِ میون جرِّ بحث دَکِته و جَمیِّت دِ دَسه بَینه،

اعمال رَسولان 24:15

و مِن هم وِشونِ واری خِدا ره امید دارمه و اعتقاد دارمه، خوارِ آدِمون و بَدِ آدِمونِ وِسه زنده بَیِّنی در کارِ، دِرِس این آدِمونِ واری که قبول دارنِنه.

اعمال رَسولان 24:21

به جِز اینکه وِشونِ میون بِلِندِ صِدائه هِمراه بااوتِمه: ” مِرده هائه زنده بَیِّنِ خاطِریِ که اَمروز شِمه پَلی محاکمه بومبه»

اعمال رَسولان 28:20

اینِ وِسه بَخواسِمه شِما ره بَوینِم و شِمه هِمراه گَب بَزِنِم، چوون اون اِسرائیلِ امیدِ خاطِریِ که مِ ره این زَنجیلِ هِمراه دَوِسِنه.»

فیلیپیان 3:5

هشتمین روزِ دِله ختنه‌بَیِّن، اِسرائیلِ قومِ جِم، بِنیامینِ ایل و تبار جِم، عبرانی وچه، عبرانی پییِر مارِ جِم؛ طبقِ شَریعَت، فَریسی؛

کولُسیان 1:5

که اینا اون امیدی جِم سرچشمه گِرنه که شِمه وِسه آسِمونِ دِله داشتِنه. اون امید که قبلتر اونِ خَوِری، حَییقَتِ کِلامِ یعنی انجیلِ بِشنُسینی،

نامِه مَسیحینی عبرانی نِژادی سِه 6:19

این امید، اَمه جانِ وِسه یِتا لنگرِ واریِ که قرص و مِطمئِنِ، امیدی گه خیمه پردهِ اون طرف شونه، اون درونی جایگاه، به قُدسُ الاقداس.