اعمال رَسولان 23:35 - کتاب مقدس به زبان مازندرانی - گویش شرقی

³⁵ وه ره بااوته: «وَختی تِ شاکیون اینجه بَرِسینه، تِ گَبِ گوش دِمبه.» بعد دَستور هِدا تا پولُسِ، هیرودیسِ کاخِ دِله زیر نَظِر دارِن.

گیله ماز

³⁵ اونِه باگوتِه: «وَختِی تی شاکیِان ایجِه بَرِسییَن، تی گَبِ گوش دَنَم.» ایما دَستور هَدَه تا پولُسِ هیرودیسِ کاخِ دِلِه بِدارَن و اونه بِپّائَن.

کتاب مقدس به زبان مازندرانی - گویش غربی

³⁵ وِرِه بُتِه: «وختی تی شاکیِن ایجِه بَرِسینِه، تی گَبِ گوش دِمِه.» اَزما دَستور هادا تا پولُسِ هیرودیسی کاخی دِلِه زیر نظر دارِن.

اعمال رَسولان 23:35 Iomraidhean Croise

اِنجیلِ مَتّی 2:1

عیسی، هیرودیسِ پادشاهِ حِکمرونیِ دُوره، بیت‌لِحِمِ شَهرِ دِله، یَهودیهِ مَنطقهِ جِم دِنیا بییَمو. بَعد از وه دِنیا بییَموئِن سِتاره شِناسون، مشَرق زمِین جِم اورشَلیم بییَمونه

اِنجیلِ مَتّی 2:16

وَختی هیرودیس سَرساب بَییه كه عالمینِ سِتارِه شِناس وه ره گول بَزونِه، خَله عَصِبانی بَییه و طِبقِ تاریخی که سِتارِه شِناسون جِم خَوِردار بَییه بییه، آدِم بَفرِسیه تِمومِ ریکا وَچونِ که دِ سال و دِ سال کَمتِر بینه ره، بیت لِحِم و تِمومِ اون مَنطقهِ دِله بَکوشِن،

اِنجیلِ مَتّی 2:3

وَختی هیرودیسِ پادشاه اینِ بِشنُسه، خَله پَریشون بَییه و تِمومِ اورشَلیمِ مَردِم هم وه هِمراه پَریشون بَینه.

اِنجیلِ مَتّی 27:27

سَربازون اَوِّل عیسی ره فَرموندارِ کاخِ حیاط دِله بَوِردِنه و هَمهِ دییه سَربازون هم وه دور جَمع بَینه.

اِنجیلِ یوحنا 18:28

بعد زود صِواحی، عیسی ره قیافائه وَرِ جِم، فرموندارِ کاخِ دِله بَوِردِنه. وِشون شه، فرموندارِ کاخِ دِله نَشینه تا نَجس نَووِن و بَتونِن پِسَخِ عیدِ شومِ بَخُرِن.

اعمال رَسولان 23:30

بَعد وَختی خَوِردار بَیمه وه علیه نَخشه بَکِشینه، دَرجا وه ره شِمه پَلی بَفرِسیمه. وه شاکیونِ هم دَستور هِدامه تا شکایتیِ که وه جِم دارنِنه ره شِمه پَلی بیارِن.»

اعمال رَسولان 24:1

بَعدِ پَنج روز، کاهِن اَعظِم، حَنانیا، چَن نَفِر از مَشایخ و یِتا وَکیلِ هِمراه که وه اِسم تِرتولُس بییه، قیصریه بییَمونه. وِشون شه شکایتِ پولُسِ علیه فرموندارِ پلی بَوِردِنه.

اعمال رَسولان 24:10

وَختی فرموندار پولُسِ اشاره هاکارده که گَب بَزِنه، وه این جور جِواب هِدا: «دومبه خَله سالِ که این قومِ داوِری کاندی؛ پَس خِشالیِ هِمراه، شه جِم دفاع کامبه.

اعمال رَسولان 24:19

ولی اونجه چَن تا یهودی آسیائه مَنطقه جِم دَینه که وِنه اینجه شِمه روب رو حاضر بونِسِنه تا اگه مِ علیه شکایتی دارنِنه، بارِن.

اعمال رَسولان 24:22

اون وَخت فِلیکْس که طَریقتِ خَله خوار اِشناسیه، محاکمه ره یه وَختِ دییهِ وِسه بییِشته و بااوته: «وَختی فَرمونده لیسیاس بِیّه، اون مووقه شِمه شکایتِ وِسه تَصمیم گِرمه.»

اعمال رَسولان 24:23

بعد اَفسری که مسئول بییه ره دَستور هِدا تا پولُسِ زیر نَظِر بَیره، ولی اَت کم آزادی هم وه ره هاده و وه دَمِ نَیره که وه آشنایون وه احتیاجاتِ بَرطَرِف هاکانِن.

اعمال رَسولان 25:16

«وِشونِ بااوتِمه رومیون دِله رَسم نییه که متهمی ره قبل از اون که شه شاکیونِ هِمراه روب رو بَووه و بَتونه اِتهامایی که وه ره زَندِنه ره شه جِم دفاع هاکانه، تَسلیم هاکانِن.