اعمال رَسولان 23:12 - کتاب مقدس به زبان مازندرانی - گویش شرقی

¹² وَختی صِواحی بَییه، یَهودیون هَمدییهِ هِمراه نَخشه بَکِشینه، قَسِم بَخُردِنه تا پولُسِ نَکوشِن، هیچی نَخُرِن و نَنوشِن.

گیله ماز

¹² وَختِی صُب هَبا، یهَودیِان هَمدیگَرِ هَمرهَ دَسیسِه دَچین، قَسَم بُخاردِن تا پولُسِ نَکوشِن، هیچی نُخارَن و هیچی نَنوشِن.

کتاب مقدس به زبان مازندرانی - گویش غربی

¹² وختی صِب بَوِه، یهَودیِن هَمدیَری هَمرا دَسیسِه دَچینِه، قَسَم بَخاردِنِه تا پولُسِ نَکوشِن، هیچی نَخارِن و هیچی نَنوشِن.

اعمال رَسولان 23:12 Iomraidhean Croise

اِنجیلِ مَتّی 26:4

هَمدییهِ هِمراه نَخشه بَکِشینه که چی طی عیسی ره حیلهِ هِمراه دَسگیر هاکانِن و بَکوشِن.

اِنجیلِ مَتّی 26:74

اون وَخت پِطرس لَعنِت هاکاردِنِ شِروع هاکارده و قَسِم بَخُرده بااوته: «مِن این مَردی ره اَصلاً نِشناسِمبه. هَمون لَحظه تِلا وَنگ هاکارده

اِنجیلِ مَتّی 27:25

تِمومِ مَردِم جِواب هِدانه: «وه خون اَمه گَردِن و اَمه وَچونِ گَردِن دَووه!»

اعمال رَسولان 23:13

این نَخشه دِله ویشتر از چهل نَفِر دَس داشتِنه.

اعمال رَسولان 23:14

وِشون گَت گَتِ کاهِنون و مشایخِ پَلی بُوردِنه و بااوتِنه: «اِما قَسِم بَخوردیمی که تا پولُسِ نَکوشیم، هیچی نَخُریم.

اعمال رَسولان 23:21

وِشونِ دَرخواسِ قَبول نَکِنین، چوون ویشتر از چهل نَفِر وه کمین نیشتِنه. وِشون قَسِم بَخُردِنه که تا وه ره نَکوشِن، هیچی نَخُرِن و نَنوشِن. اِسا آمادِنه، و فِقَط منتظِرِنه شِما وِشونِ درخواسِ قبول هاکانین.»

اعمال رَسولان 23:30

بَعد وَختی خَوِردار بَیمه وه علیه نَخشه بَکِشینه، دَرجا وه ره شِمه پَلی بَفرِسیمه. وه شاکیونِ هم دَستور هِدامه تا شکایتیِ که وه جِم دارنِنه ره شِمه پَلی بیارِن.»

اعمال رَسولان 25:3

وِشون اِصرارِ هِمراه فِستوسِ جِم بَخواسِنه وِشونِ سَر مِنّت بییِلّه و پولُسِ اورشَلیم بَفرِسه، چوون کمین نیشته بینه تا راه دِله وه ره بَکوشِن.

اعمال رَسولان 9:23

وَختی که خَله روزا بُگذِشته، یَهودیون نخشه بَکِشینه تا شائولِ بَکوشِن.

اعمال رَسولان 9:24

ولی شائول وِشونِ نَخشهِ جِم خَوِردار بَییه. وِشون، شو و روز شَهرِ دروازههائه پَلی کشیک کَشینه تا وه ره بَکوشِن.

اوّلین نامِه قُرنتیانی سِه 16:22

لعنت به کِسی که خِداوندِ دوس نِدارنه. اَمه خِداوند، بِرو!

دوّمین نامه قرنتیانِ وَسین 11:26

اون سَفر هائه دِله که پِشت در پِشت شیمه: رودخانه هائه خَطِرِ دِله، دِزائه خَطِر، شه قوم خَطِرِ جِم، غیرِ یَهودیونِ خَطِر؛ شَهرِ دلهِ خَطِر، صحرائه دلهِ خَطِر، دریائه دلهِ خَطِر؛ خطری که دِراغی بِرارونِ جِم داشتِمه؛

غَلاطیان 3:13

اَمه عَوِض، مَسیح لَعنِت بَییه و این‌طی اِما ره شَریعتِ لعنتِ بِن آزاد هاکارده، چوون توراتِ دِله بَنوِشت بَییه که: «هر‌ کی دار بَزو بَووه، مَلعونِ.»

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.