اعمال رَسولان 23:10 - کتاب مقدس به زبان مازندرانی - گویش شرقی

¹⁰ اَنده دَعوا بالا بَییته که فَرمونده بَتِرسیه نَکِنه پولُسِ تیکه پاره هاکانِن. پَس سربازونِ دَستور هِدا جِر بورِن و پولُسِ وِشونِ چنگِ جِم در بیارِن، قلعهِ دِله بَوِرِن.

گیله ماز

¹⁰ دَعوا جوری بالا بِیتِه که فرماندِه بَترسیِه نَکُنِه پولُسِ تیکه پارِه هَکُنَن. پَس سَربازانِ دَستور هَدَه جیر بوشون و پولُسِ اوشانِ چَنگِ جی دَر بیارِن، وَ قلعه یه دِلِه بَبِرَن.

کتاب مقدس به زبان مازندرانی - گویش غربی

¹⁰ دَعوا جوری بالا بَیتِه گه فرموندِه بَترسیِه نَکِنِه پولُسِ گِل گِلی هاکِنِن. پَس سَربازِنِ دَستور هادا جِر بورِن و پولُسِ وِشونی چَنگی جا دَر بیارِن، و قلعه ای دِلِه بَوِرِن.

اعمال رَسولان 23:10 Iomraidhean Croise

اعمال رَسولان 21:37

هَمتی پولُسِ، قلعهِ دِله نَوِرده بینه که فَرمونده ره بااوته: «اِجازه دِنی یه چی شِما ره بارِم؟» فَرمونده بااوته: «تِ یونانی بَلِدی؟

اعمال رَسولان 22:24

فَرمونده دَستور هِدا پولُسِ قَلعه بَوِرِن، شِلّاق بَزِنِن و وه جِم بازخواس هاکانِن تا مَعلوم بَووه چی وِسه مَردِم این طی وه علیه داد کَشِنِنه.

اعمال رَسولان 23:16

ولی پولُسِ خوارزا این نَخشه جِم خَوِردار بَییه و قَلعه بُورده، پولُسِ سَرساب هاکارده.

اعمال رَسولان 23:27

یَهودیون این مَردی ره بَییتِنه، قَصد داشتِنه وه ره بَکوشِن، ولی مِن شه سربازونِ هِمراه بُوردِمه و وه ره نِجات هِدامه، چوون بِشنُسه بیمه رومِ تابعیتِ دارنه.

اعمال رَسولان 23:28

چوون خواسِمه بَدونِم چی وِسه وه ره اتهام زَندِنه، وه ره وِشونِ شورائه پَلی بَوِردِمه.

اعمال رَسولان 23:32

فِردائه اون روز پیاده سَربازون، قلعه بَردَگِردِسِنه، فِقَط سِواره سَربازون‌ وه ره همراهی کاردِنه.

اعمال رَسولان 24:7

ولی فَرمونده لیسیاس بییَمو و وه ره زور زوری اَمه دَسِ بِن بیرون بیارده،

دوّمین نامه قرنتیانِ وَسین 11:26

اون سَفر هائه دِله که پِشت در پِشت شیمه: رودخانه هائه خَطِرِ دِله، دِزائه خَطِر، شه قوم خَطِرِ جِم، غیرِ یَهودیونِ خَطِر؛ شَهرِ دلهِ خَطِر، صحرائه دلهِ خَطِر، دریائه دلهِ خَطِر؛ خطری که دِراغی بِرارونِ جِم داشتِمه؛

یعقوبِ نامه 1:19

مِ عزیزِ بِرارون، اینِ بَدونین: هر کی وِنه بِشنُسِنِ دِله تِند، بااوتِنِ دِله یِواش و عَصِبانی بَیِّنِ دِله یواش بوئه!

یعقوبِ نامه 3:14

ولی اگه شه دلِ دِله تَلِ حسودی و خِد خواهی دارنِنی، شه ره نَیرین و خِلافِ حَییقَت گَب نَزِنین.