اعمال رَسولان 22:3 - کتاب مقدس به زبان مازندرانی - گویش شرقی

³ «مِن یَهو‌دی مَردیمه، کیلیکیهِ تارسوسِ شَهرِ دِله دِنیا بییَمومه ولی اورشَلیمِ شَهرِ دِله گَت بَیمه. شه اَجدادِ شَریعتِ کاملاً، گامالائیلِ دَسِ بِن یاد بَییتِمه و خِدائه وِسه غیرت داشتِمه، هَمون طی که شِما همه اَمروز دارنِنی.

گیله ماز

³ «مَن یَهودی مَردای هیسَم و کیلیکیه تارسوسِ شهرِ دِلِه دُنیا بومَم، وَلی این شَهرِ دِلِه گَت هَبام. می اَجدادِ شریعَتِ کامِلاً، گامالائیلِ دَسِ جیر یاد بِیتَم و خُدای وَسین غیرَت داشتِم، هَمونجوری که شما همه امروز دارِین.

کتاب مقدس به زبان مازندرانی - گویش غربی

³ «مِن یَهودی مَردیمِه و کیلیکیه ای تارسوسی شهری دِلِه دِنیا بیمومِه، ولی هَین شَهری دِلِه گَت بَوِمِه. شی اَجدادی شریعَتِ کامِلاََ، گامالائیلی دَسِ بِن یاد بَیتِمِه و خِدایی سِه غیرَت داشتِمِه، هَمونجوری گه شِما هَمه اَمرِز دارِنی.

اعمال رَسولان 22:3 Iomraidhean Croise

لوقا 10:39

مارتا یِتا خواخر داشته که وه اِسم مَریِم بییه. مَریِم عیسیِ لینگِ پَلی نیشته بییه و وه گَبِ گوش دائه.

لوقا 2:46

سه روز دییه وه ره مَعبِدِ دِله پی دا هاکاردِنه. عیسی مَلِّمونِ میون نیشته بییه و وِشونِ گَبِ گوش دائه و وِشونِ جِم سِئال کارده.

لوقا 8:35

پَس مَردِم بیرون بییَمونه تا اونچی ره اتّفاق دَکِته بییه ره بَوینِن، وَختی عیسیِ پَلی بَرِسینه و بَدینه اون مَردی که دِوها وه جِم در بییَمو بینه، لِواس دَپوشیه و عاقل عیسیِ لینگِ پَلی نیشته، بَترسینه.

اعمال رَسولان 11:25

پَس بَرنابا تارسوسِ شَهر بُورده تا شائولِ پی دا هاکانه.

اعمال رَسولان 15:23

بعد یِتا نامه ‌وِشونِ دَس هِدانه، که بنوشته بَییه: اِما بِرارونِ طَرِف جِم هم رَسولون و هم مشایخ، غیریهودِ بِرارونِ وِسه که اَنطاکیه، سوریه و کیلیکیهِ دِله دَرِنی، سِلام!

اعمال رَسولان 15:41

پولُس وَختی دَییه سوریه و کیلیکیهِ جِم رَد بونِسه، کلیساها ره تَقویت کارده.

اعمال رَسولان 21:20

وِشون وَختی بِشنُسِنه، خِدا ره حمد و ثناء بااوتِنه. بعد پولُسِ بااوتِنه: «ای بِرار، هَمون طی که ویندی هزارون یَهودی ایمون بیاردِنه و همه شَریعتِ وِسه غیرت دارنِنه.

اعمال رَسولان 21:39

پولُس جِواب هِدا: «مِن یَهودیمه و کیلیکیهِ تارسوسِ ‌جِم هَسِمه، شهری که بی‌نام و نِشون نییه. خواهش کامبه اِجازه هادین مَردِمِ هِمراه گَب بَزِنِم.»

اعمال رَسولان 23:34

فرموندار نامه ره بَخوندِسه و پولُسِ جِم بَپِرسیه کِجائیه. وَختی بِفَهمِسه کیلیکیهِ مَنطقهِ جِم هَسه،

اعمال رَسولان 23:6

بعد پولُس که دونِسه بَعضی از وِشون عُلِمائه فرقهِ صَدّوقی و بَعضی عُلِمائه فرقهِ فَریسیِنه، شورائه پَلی بِلِندِ صِدائه هِمراه بااوته: «ای بِرارون، مِن فَریسی و فَریسی‌زادومه، و اینِ خاطِری که مِرده هائه زنده بَیِّنِ امید دارمه، دَره محاکمه بومبه.»

اعمال رَسولان 26:5

وِشون قدیمِ جِم، خَوِردارنِنه و اگه بَخوان، توندِنه شِهادت هادِن که مِن به عنوان یِتا فَریسی، شه دینِ سختگیرترین فِرقه جِم پیروی کاردِمه.

اعمال رَسولان 26:9

«مِ باوِرم این بییه که عیسیِ ناصریِ اسمِ علیه هر کاری که مِ دَس بَر اِنه ره هاکانِم.

اعمال رَسولان 5:34

ولی عُلِمائه فِرقه فَریسیِ جِم، یه نَفِر که وه اسم گامالائیل و شَریعتِ مَلّم بییه و همه وه ره احترامِ اییِشتِنه، مجلسِ دِله بِلِند بَییه و دَستور هِدا چَن لَحظه رَسولونِ بیرون بَوِرِن.

اعمال رَسولان 6:9

اون مووقه چَن نَفِر، یِتا عبادتگاه جِم، که اونِ اسم «آزاد بَییه هائه عبادتگاه» بییه، که قیرَوانِ یَهودیونِ جِم و اسکندریه و کیلیکیه و آسیائه مَنطقهِ جِم هم بینه، استیفانِ هِمراه بَحث هاکاردِنه.

اعمال رَسولان 9:1

ولی سولُس که خِداوندِ شاگِردونِ تَهدید کارده و وِشونِ بَکوشتِنِ ادامه دائه، کاهِن اعظمِ پَلی بُورده

اعمال رَسولان 9:11

خِداوند وه ره بااوته: «پِرِس و یِتا کوچه که وه اسم ”راسِ“ بور و یهودائه سِره دِله سولُسِ تارسوسیِ سِراغِ بَیر. وه دَره دِعا کانده

اعمال رَسولان 9:30

وَختی بِرارون این جَریانِ جِم خَوِردار بَینه، شائولِ قیصریه شَهر بَوِردِنه و اونجه جِم، تارسوسِ شَهر، راهی هاکاردِنه.

رومی ایشون 11:1

پَس پِرسِمبه: مگه خِدا شه قومِ رَد هاکارده؟ اَصلاً چوون مِن، شه اسرائیلیمه، ابراهیمِ نَسل و بِنیامینِ ایل و تبارِ جِم هَسِمه.

دوّمین نامه قرنتیانِ وَسین 11:22

اونا عبرانی‌نه؟ مِنِم هَسِمه! اونا اسرائیلی‌ِنه؟ مِنِم هَسِمه! اونا ابراهیمِ وچونِنه؟ مِنِم هَسِمه!

غَلاطیان 1:14

و یهودیگریِ دِله، خَله شه سَر و هَمسَرونِ جِم پیش دَکِتِمه، شه قومِ دِله و اَمه اَجدادِ رَسم و رسوم هائه خاطِری خَله غیرت داشتِمه.

غَلاطیان 1:21

بعد از اون، سوریه و کیلیکیهِ مَنطقه بوردِمه.