اعمال رَسولان 22:27 - کتاب مقدس به زبان مازندرانی - گویش شرقی

²⁷ فَرمونده پُولُسِ پَلی بییَمو و وه جِم بَپِرسیه: «بار هارِشِم، تِ رومِ تابعیتِ دارنی؟» پولُس جِواب هِدا: «اَره، دارمه.»

گیله ماز

²⁷ فَرماندِه پولُسِ وَرجه بوما و اونه جی بَپُرسیِه: «باگو بِیشَم، تو رومِ تابعیتِ داری؟» پولُس جِواب هَدَه: «آرِه، دارمِ.»

کتاب مقدس به زبان مازندرانی - گویش غربی

²⁷ فَرموندِه پولُسی وَر بیمو و ویجا بَپُرسیِه: «بُو هارشِم، تو رومی تابعیتِ دارنی؟» پولُس جِواب هادا: «اَرِه، دارمِه.»

اعمال رَسولان 22:27 Iomraidhean Croise

اِنجیلِ یوحنا 18:12

بعد سربازون، شه فرمونده و یَهودیونِ مأمورونِ هِمراه عیسی ره بییتِنه و وه ره دَوِسِنه

اعمال رَسولان 22:25

وَختی که پولسِ شِلّاق بَزوئِنِ وِسه وَسِّنه، پولُس اَفسِری که اونجه اِیست هاکارده بییه ره بااوته: «قانون، شِما ره این اِجازه ره دِنه یه نَفِرِ که رومِ تابعیتِ دارنه ره بی اینکه محاکِمه هاکانین شِلّاق بَزِنین؟»

اعمال رَسولان 22:26

اون افسر وَختی اینِ بِشنُسه، فرموندهِ پَلی بُورده و وه ره بااوته: «تِ دَره چی کاندی؟ این مَردی رومِ تابعیتِ دارنه!»

اعمال رَسولان 22:28

بعد فَرمونده بااوته: «مِن این تابعیتِ به‌دس بیاردِنِ وِسه، خَله بَها هِدامه.» پولُس وه جِواب بااوته: «ولی مِن این تابعیتِ هِمراه دِنیا بییَمومه!»