اعمال رَسولان 22:22 - کتاب مقدس به زبان مازندرانی - گویش شرقی

²² مَردِم تا اینجه پولُسِ گَبِ گوش دانه، ولی وَختی اینِ بااوته، شه صِدا ره بِلِند هاکاردِنه، داد بَکِشینه: «زِمینِ، این طی آدِمِ جِم پاک هاکانین نَوِسه اِجازه هِدا این طی آدِم زِنده بَمونه!»

گیله ماز

²² مَردم تا ایجِه پولُسِ گَبِ گوش دَنِه بان، وَلی وَختِی اینه باگوتِه خودشانِه صِدا رِه بُلَند هَکُردَن و داد بَزَن: «زمین رِه اینجور آدَمِ جی پاک هَکُنین، نباید اجازِه هَدین اینجور آدَم زندِه بُمانِه!»

کتاب مقدس به زبان مازندرانی - گویش غربی

²² مَردِن تا ایجِه پولُسی گَبِ گوش داوِنِه، ولی وختی هَینِه بُتِه شی اَوازِ بِلَن هاکِردِنِه و داد بَزونِه: «زمینِ هَینجور آدَمی جا پاک هاکِنین، نِنِه اجازِه هادائَن هَینجور آدَم زینِّه بَمونِّه!»

اعمال رَسولان 22:22 Iomraidhean Croise

لوقا 23:18

ولی وِشون یَک صِدا داد کَشینه: «این مَردی ره بَکوش، بارْاباسِ اَمه وسه آزاد هاکان!»

اِنجیلِ یوحنا 19:15

وِشون داد بَکِشینه: «وه ره بَکوش! وه ره بَکوش و وه ره مَصلوب هاکان!» پیلاتُس وِشونِ بااوته: «خوانِنی شِمه پادشاه ره مَصلوب هاکانِم؟» مَعبِدِ گَت گَتِ کاهِنون جِواب هِدانه: «اِما به جِز قیصر پادشاهِ دییه ای نِدارمی.»

اعمال رَسولان 21:36

جَمیِّتی که وِشونِ دِمبال اییَمو، داد زونه: «وه ره بَکوشین!»

اعمال رَسولان 25:24

فِستوس بااوته: «ای آگْریپاسِ پادشاه، و ای تِمومِ حضار! تِمومِ یَهودِ مَردِم، چه اینجه و چه اورشَلیمِ دِله این مَردیِ جِم که ویندِنی مِ پَلی شکایت هاکاردِنه و دادِ بیداد هاکاردِنه که نَوِسه زِنده بَمونه.

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.