اعمال رَسولان 22:14 - کتاب مقدس به زبان مازندرانی - گویش شرقی

¹⁴ «حنانیا بااوته: ”اَمه پییِرونِ خِدا تِ ره انتخاب هاکارده تا وه اِراده ره بَدونی و اون صالح ره بَوینی و وه دِهونِ جِم گَب هایی ره بِشنُئی.

گیله ماز

¹⁴ «حَنانیا باگوتِه: ”اَمِی پیرانِ خدا تِرِه اِنتِخاب هَکردِه تا اونِه ارادِه رِه بِدانی و اون صالِح رِه بِینی و اونِه دَهَنِ جی گَبایی رِه بِشنُئی.

کتاب مقدس به زبان مازندرانی - گویش غربی

¹⁴ «حَنانیا بُتِه: ”اَمِه پیرِنی خِدا تِرِه اِنتِخاب هاکِردِه تا وی ارادِه رِه دِنّی و هون صالِحِ بَوینی و وی دِهِنی جا گَبایی رِه بِشنُئی.

اعمال رَسولان 22:14 Iomraidhean Croise

اِنجیلِ یوحنا 15:16

شِما مِ ره انتخاب نَکاردینی، بلکه مِن شِما ره اِنتخاب هاکاردِمه و بَفرِسیمه تا بُورین و میوه بیارین و شِمه میوه بَمونه، تا هر چی پییِرِ جِم مِ اسمِ هِمراه بَخواین شِما ره هاده.

اعمال رَسولان 13:17

این یَهودِ قومِ خِدا، اَمه پییِرونِ انتخاب هاکارده و اَمه قومِ اون مووقه ای که وِشون مصرِ مِلکِ دِله غَریب بینه ره سَر بِلِند هاکارده و قِوَّتِ هِمراه وِشونِ اون مِلکِ جِم بیرون بیارده،

اعمال رَسولان 22:15

چوون تِ تِمومِ مَردِمِ پَلی، وه شاهد بونی و اونچی که بَدیئی و بِشنُسی ره شِهادت دِنی.

اعمال رَسولان 22:18

و خِداوندِ بَدیمه که بااوته: ”عَجِله هاکان و هر چی زودتر اورشَلیمِ جِم بور، چوون وِشون تِ شِهادتِ مِ خَوِری قَبول نَکاندِنه.“

اعمال رَسولان 24:14

ولی شِمه پَلی اِعتراف کامبه که طبقِ طَریقت که وِشون وه ره یِتا فِرقه دوندِنه، شه پییِرونِ خِدا ره پَرَسِش کامبه و هر اونچی هم که تورات و پیغمبِرونِ نوِشتهِ دِله بَنوِشته بَییه ره اعتقاد دارمه.

اعمال رَسولان 26:16

پِرِس و شه لینگِ سَر هِرِس. مِن اینِ وِسه تِ ره ظاهر بَیمه تا تِ ره شه خادِم و شه شاهد هاکانِم، تا اونچیِ دِله که مِ ره بَدی و اونچیِ دِله که تِ ره ظاهر بومبه، شِهادت هادی.

اعمال رَسولان 5:30

اَمه پییِرونِ خِدا، هَمون عیسی که شِما صلیبِ بَکِشینی و بَکوشتینی ره مِرده هائه جِم زنده هاکارده

اعمال رَسولان 7:52

کِدوم یِتا از پِیغَمبرونِ که شِمه پییِرونِ دَسِ جِم آزار نَدیئه بوئه؟ وِشون پِیغَمبِرونی ره که اون صالحِ ظِهورِ پیشگویی هاکارده بینه ره بَکوشتِنه؛ و اَلان شِما شه وه ره تَسلیم هاکاردینی و وه ره بَکوشتینی،

اعمال رَسولان 9:15

ولی خِداوند، حَنانیا ره بااوته: «بور، چوون این مَردی وسیله ایِ که مِن انتخاب هاکاردِمه، تا مِ اسمِ غیریهودیون و پادشاهون و یَهودِ مَردِمِ بَرِسونه.

اعمال رَسولان 9:17

پَس حَنانیا راه دَکِته و اون سِره دِله بُورده. شه دَسا ره سولُسِ سَر بییِشته، بااوته: «شائول بِرار، خِداوند عیسی که وَختی اینجه اییَموئی راه دِله تِ وِسه ظاهر بَییه، مِ ره بَفرِسیه تا شه بینایی ره دِواره به دَس بیاری و روح‌ القدسِ جِم پِر بَووی.»

رومی ایشون 1:1

پولُسِ طَرِف جِم، مَسیحْ عیسیِ نوکِر، که رسالتِ وِسه انتخاب بَییه و خِدائه اِنجیلِ وِسه وَقف بَییه؛

اوّلین نامِه قُرنتیانی سِه 11:23

چوون مِن اونچی که شِما ره بِسپارِسِمه ره، خِداوندِ جِم بَییتِمه، که عیسیِ خِداوند اون شویی دِله که وه ره دِشمِنِ تَسلیم هاکاردِنه، نونِ بَییته

اوّلین نامِه قُرنتیانی سِه 15:3

چوون مِن مهمترین چی که مِ ره بَرِسیه ره شِمه وِسه اِعلام هاکاردِمه: اینکه مَسیح اَمه گِناهونِ وِسه بَمِرده، هَمون طی که مِقدَّسِ نوِشته هائه دِله بییَمو،

اوّلین نامِه قُرنتیانی سِه 15:8

و سَر آخِر مِ وِسه هم، چِلیکِ وَچه ای واری که نارَس دِنیا بییَمو بوئه، ظاهر بَییه.

اوّلین نامِه قُرنتیانی سِه 9:1

مگه آزاد نیمه؟ مگه رسول نیمه؟ مگه اَمه خِداوند عیسی ره نَدیمه؟ مگه خِداوندِ دِله شِما مِ کارِ ثَمِر نینی؟

دوّمین نامه قرنتیانِ وَسین 5:21

خِدا کسیِ که گِناه ره نِشناسی بییه ره اَمه وِسه گِناه هاکارده، تا اِما وه دِله، خِدائه صالحی ره بَوینیم.

غَلاطیان 1:12

چوون که مِن اونِ هیچ آدِمی جِم نَییتِمه، و هیچ کی هم اونِ مِ ره یاد نِدا؛ بلکه عیسی مَسیح اونِ مِ وِسه دیار هاکارده.

غَلاطیان 1:15

ولی وَختی اون که مِ ره حَتَّی مِ مارِ اِشکمِ دِله، شه کارِ خاطری وَقف هاکارده بییه و شه فیضِ طریق مِ ره دَعوِت هاکرده، اونِ خِشالی اینِ دِله بییه

دوم تیموتائوس 1:1

پولُسِ طَرِفِ جِم، که خِدائه خواسِ هِمراه و طِبق اون زندگیِ وَعده که مَسیحْ عیسیِ دِله ئه، مَسیحْ عیسی رَسولِ،

تیتوس 1:1

پولُسِ طَرِف جِم، خِدائه نوکِر و عیسی مَسیحِ رسول، که تعیین بَیمه تا خِدائه انتخاب بَییه هائه ایمونِ تقویِت هاکانِم و اون حَییقتی که طبقِ دینداری هَسه ره بارِم.

اول پِطرُس 2:22

«وه هیچ گِناهی نَکارده، و وه دِهونِ دِله حیله ای پی دا نَییه.»

اوّل یوحنا 2:1

مِ کِچیکِ وَچون، اینِ شِمه وِسه نِویسِمبه تا گِناه نَکِنین. ولی اگه کِسی گِناهی هاکارده، یِتا مِدافع، پییِرِ پَلی دارمی، یعنی عیسی مَسیحِ صالح.