اعمال رَسولان 22:1 - کتاب مقدس به زبان مازندرانی - گویش شرقی

¹ «ای بِرارون و ای پیِیرون، مِ دِفاعیه که اَلان شِمه عَرض رِسِندِمبه ره گوش هادین.»

گیله ماز

¹ «اِی آداشان و اِی پیران، می دِفاعیِه رِه که اَلان شِیمی عَرض رِساندِنَم گوش هَدین.»

کتاب مقدس به زبان مازندرانی - گویش غربی

¹ «اِی بِرارِن و اِی پیرِن، می دِفاعیِه گه اَلَن شِمِه عَرض رَسامِّه رِه گوش هادین.»

اعمال رَسولان 22:1 Iomraidhean Croise

لوقا 12:11

وَختی شِما ره یَهودیونِ عبادتگاه ها و حاکمون و اونایی که اِقتدار دارنِنهِ پَلی وَرنِنه، نِگرون نَبوئین که چی طی شه جِم دِفاع هاکانین یا چی بارین،

لوقا 21:14

اینِ شه خاطِر دارین که جلوجلو دلواپَس نَبوئین که چی طی شه جِم دِفاع هاکانین.

اعمال رَسولان 13:26

«ای بِرارون، ای ابراهیمِ وَچونِ نَسل، و ای خِداترسونی که شِمه میون دَرِنه! این نِجاتِ پِیغوم، اَمه وسه بَفرِسی بَییه.

اعمال رَسولان 19:33

بعضیا گمون هاکاردِنه، اسکندر مسئولِ، چوون یَهودیون اسکندرِ جلو دینگو بینه، و بَعضیا جمیِّتِ دِله وه ره دستورایی دانه. وه شه دَسِ تکون هِدا و مَردِمِ جِم بَخواسه ساکت بوئِن و تِقَلّا هاکارده یه چی باره و شه جِم دِفاع هاکانه.

اعمال رَسولان 23:1

پولُس شورائه اعضا ره هارِشیه و بااوته: «بِرارون، مِن تا اَمروز پاکِ وِجدانِ هِمراه خِدائه حِضور زندگی هاکاردِمه.»

اعمال رَسولان 23:6

بعد پولُس که دونِسه بَعضی از وِشون عُلِمائه فرقهِ صَدّوقی و بَعضی عُلِمائه فرقهِ فَریسیِنه، شورائه پَلی بِلِندِ صِدائه هِمراه بااوته: «ای بِرارون، مِن فَریسی و فَریسی‌زادومه، و اینِ خاطِری که مِرده هائه زنده بَیِّنِ امید دارمه، دَره محاکمه بومبه.»

اعمال رَسولان 24:10

وَختی فرموندار پولُسِ اشاره هاکارده که گَب بَزِنه، وه این جور جِواب هِدا: «دومبه خَله سالِ که این قومِ داوِری کاندی؛ پَس خِشالیِ هِمراه، شه جِم دفاع کامبه.

اعمال رَسولان 25:16

«وِشونِ بااوتِمه رومیون دِله رَسم نییه که متهمی ره قبل از اون که شه شاکیونِ هِمراه روب رو بَووه و بَتونه اِتهامایی که وه ره زَندِنه ره شه جِم دفاع هاکانه، تَسلیم هاکانِن.

اعمال رَسولان 25:8

پولُس شه جِم دِفاع هاکارده، و بااوته: «مِن نا علیه یَهودِ شَریعَت خطایی هاکاردِمه نا علیه مَعبِد نا علیه امپراطور.»

اعمال رَسولان 26:24

وَختی پولُس این گَب هائه هِمراه شه جِم دفاع کارده، فِستوس داد بَزو: «پولُس، تِ شه عَقلِ از دَس هِدایی! زیادیِ علم، تِ ره خِل هاکارده.»

اعمال رَسولان 28:17

سه روز دییه، پولُس یَهودِ گَت گَتِ ره شه پَلی دَعوِت هاکارده. وَختی جَمع بَینه، وِشونِ بااوته: «ای بِرارون، با این که مِن کاری شه قوم یا شه پییِرونِ رَسم و رسومِ علیه نَکارده بیمه، با این حال مِ ره اورشَلیمِ دِله دستگیر هاکاردِنه و رومیونِ تحویل هِدانه.

اعمال رَسولان 7:2

استیفان بااوته: «ای بِرارون و ای پییرون، مِ ره گوش هادین! پِرجلالِ خِدا، وَختی اَمه پییر ابراهیمِ پِیغَمبِر بین‌النهرینِ مَنطقهِ دِله دَییه و هَمتی حَران نَشی بییه، وه ره ظاهر بَییه

رومی ایشون 2:15

وِشون نِشون دِنِنه که شَریعتِ اعمال وِشونِ دلِ سَر بَنوِشت بَییه، جوری که وِشونِ وجدان اینِ گِواهی دِنه چوون وِشونِ فِکرا یا وِشونِ مَحکوم کانده یا حَتَّی تبرئه کانده.

اوّلین نامِه قُرنتیانی سِه 9:3

مِ دِفاع، اونایی روب رو که مِ خَوِری قِضاوت کاندِنه، این‌ِ.

دوّمین نامه قرنتیانِ وَسین 12:19

مگه تا اینجه این فِکرِ دِله دَئینی که تَقِلّا کامبی شِمه روب رو شه جِم دفاع هاکانیم؟ اِما خِدائه پَلی کِسایی واری گَب زَمبی که مَسیح دِله دَرِ‌نه، و هر اونچی کامبی، ای عزیزون، شِمه ایمونِ تقویتِ وِسه هَسه.

دوّمین نامه قرنتیانِ وَسین 7:11

چوون که بَوینین این غُصّه ای که خِدائه وِسه بییه، شِمه دِله چه شور و شوقی بار بیارده: البته همین شور و شوقِ که نِشون دِنه که تقصیرکار نینی. چه غیظِ دِله چه تَرسِ دِله چه حَسرتِ دِله، چه غیرتِ دِله و چه مِجازاتِ دِله. هر لحاظِ جِم ثابت هاکاردینی که اون قضیهِ دِله بی‌تقصیر بینی.

فیلیپیان 1:17

ولی اون اَوِّلین دَسه، چِش و هم چِشیِ سَر مَسیح ره موعظه کاندِنه، نا خوارِ نیّتِ هِمراه، چوون خیال کاندِنه که مِ عِذاب ها ره زِندونِ دِله ویشتر کاندِنه.

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

دوم تیموتائوس 4:16

مِ اَوِّلین دفاعِ دِله، هیچ کی مِ پِشت دَر نییَمو، بلکه همه مِ ره وِل هاکاردِنه. نَکِنه این، وِشونِ حِساب بَنوِشته بَووه.

اول پِطرُس 3:15

بلکه شه دلِ دِله خِداوند مَسیحِ، قُدّوس بِشمارین و وه ره اِحترام بییِلین و هَمِش آماده بوئین تا هر کی اون امیدِ دلیلِ، که شِمه دِله دَره ره، بَپِرسه، وه ره جِواب هادین، البته اِحترام و نرمیِ هِمراه.