اعمال رَسولان 21:40 - کتاب مقدس به زبان مازندرانی - گویش شرقی

⁴⁰ وَختی فَرمونده اِجازه هِدا، پولُس پلّه‌هائه سَر اِیست هاکارده و شه دسِ مَردِمِ سَمت تکون هِدا. وَختی همه جا کلاً ساکت بَییه، عبرانیونِ زِوونِ هِمراه وِشونِ این طی بااوته:

گیله ماز

⁴⁰ وَختِی فَرماندِه اِجازه هَدَه، پولُس پِلِّه‌ یه سَر بیِسَا و خودِشِه دَسِ مَردُمِ سَمت تِکان هَدَه، وَختِی همه جا کُلاً ساکِت هَبا، عبرانیانِ زَبانِ هَمرهَ اوشانِه اینجور باگوتِه:

کتاب مقدس به زبان مازندرانی - گویش غربی

⁴⁰ وختی فَرموندِه اِجازه هادا، پولُس پِلِّه‌ ای سَر هِرِسا و شی دَسِ مَردِنی سَمت دِکت هادا، وختی هَمه جا کُلاََ ساکِت بَوِه، عبرانینی زِوونی هَمرا وِشونِه هَینجور بُتِه:

اعمال رَسولان 21:40 Iomraidhean Croise

لوقا 23:38

یِتا نوِشته وه سَرِ پَلی بَچِسبِندی بینه که «این یَهودیونِ پادشاهِ.»

اِنجیلِ یوحنا 19:13

وَختی پیلاتُس این گَبِ بِشنُسه، عیسی ره بیرون بیارده و شه داوِریِ تَختِ سَر هِنیشته، جایی که به «سنگفرش» مَعروف بییه و آرامیِ زِوون اونِ «جَبّاتا» گاتِنه.

اِنجیلِ یوحنا 19:17

عیسی شه صَلیبِ دوش بَکِشیه، مَحَلی که وه اسمِ کَلّهِ کاسه و آرامیِ زِوون جُلجُتا گاتِنه، بورده.

اِنجیلِ یوحنا 19:20

یَته خَله یَهودیون اون کَتیبه ره بَخوندِسِنه، چوون جایی که عیسی ره مَصلوب هاکاردِنه شَهرِ نَزیکی بییه و اون کتیبه، آرامی و لاتینی و یونانیِ زِوون بَنوِشته بَییه بییه.

اِنجیلِ یوحنا 5:2

اورشَلیمِ دِله، «دروازه گُسفِنِ» پَلی یِتا حوض دَره که آرامیِ زِوون، اونِ «بِیت‌حِسْدا» گانِنه و پِنج تا رفاق دارنه و هر کِدوم، سایِبون دارنه.

اعمال رَسولان 1:19

تِمومِ اورشَلیم مَردِم این جَریانِ جِم خَوِر دار بَینه و شه زِوون، اون محلِ اِسمِ «حَقِلْ‌دَما»، یعنی خونِ زِمین بییِشتنه.

اعمال رَسولان 12:17

پِطرُس شه دَسِ هِمراه اشاره هاکارده که ساکت بوئِن و تَعریف هاکارده که چی طی خِداوند وه ره زِندونِ جِم بیرون بیارده. بعد بااوته: «یَعقوب و بَقیه بِرارونِ این جَریانِ جِم باخَوِر هاکانین.» بعد یه جا دییه بُورده.

اعمال رَسولان 13:16

پولُس اِیست هاکارده و دَسِ هِمراه اشاره هاکارده، بااوته: «ای یهودی مَردِم و شِما اِی خِداترسون، گوش هادین!

اعمال رَسولان 19:33

بعضیا گمون هاکاردِنه، اسکندر مسئولِ، چوون یَهودیون اسکندرِ جلو دینگو بینه، و بَعضیا جمیِّتِ دِله وه ره دستورایی دانه. وه شه دَسِ تکون هِدا و مَردِمِ جِم بَخواسه ساکت بوئِن و تِقَلّا هاکارده یه چی باره و شه جِم دِفاع هاکانه.

اعمال رَسولان 21:35

وَختی پولُس، قلعهِ پله‌هائه نَزیکی بَرِسیه، جَمیِّت اَنده عَصِبانی بینه که سربازون مجبور بَینه وه ره شه بالِ سَر بَوِرِن.

اعمال رَسولان 22:2

وَختی وِشون بِشنُسِنه که پولُس عبرانیونِ زِوونِ هِمراه وِشونِ وِسه گَب زَنده، ویشتر ساکت بَینه. اون وَخت پولُس بااوته:

اعمال رَسولان 26:14

همه بِنه سَر دَکِتیمی، و مِن یِتا صدا بِشنُسِمه که عبرانیونِ زِوونِ هِمراه مِ ره بااوته: ”شائول، شائول، چه مِ ره عِذاب دِنی؟ میخ ها ره لَقَد بَزوئِن تِ وِسه سختِ! فِقَط شه ره اَذیِّت کاندی!“

اعمال رَسولان 6:1

اون روزا که شاگِردون ویشتر بونِسنه، یَهودیونِ یونانی زِوون،‌ یَهودیونِ عِبرانی زِوونِ جِم شکایت داشتِنه که وِشونِ بیوه‌زَن ها ره سَر چِش نَینه و وِشونِ هر روزه غذائه سَهمِ دِرِس نَدِنِنه.

یوحنایِ مکاشفه 16:16

و اون سه تا پلیدِ روح، زِمینِ پادشاهونِ یِتا جا جَمع هاکاردِنه که عبرانیونِ زِوون اونِ «حارمَگِدّون» گانِنه.

یوحنایِ مکاشفه 9:11

هاویهِ چاهِ فرشته، وِشونِ پادشاهِ، که عبرانیونِ زِوونِ دِله وه اسم «اَبَدونِ»، و یونانی زِوونِ دِله «آپولیونِ». یعنی نابود کننده.