اعمال رَسولان 21:34 - کتاب مقدس به زبان مازندرانی - گویش شرقی

³⁴ جَمیِّتِ میونِ جِم هر کَس داد زوئه یه چی گاته. فَرمونده که اون همه سرصِدائه جِم نَتونِسه حَییقِتِ بِفَهمه، دَستور هِدا پولُسِ قَلعه بَوِرِن.

گیله ماز

³⁴ جَماعتِ میَن جی هر کی داد زَنِه با و یِچی گونِه با. فَرماندِه که اون همه سَر و صدای جی نَتَّنِسِّه حَقیقَتِ بِفَهمِه، دَستور هَدَه پولُسِ قلعه یه سَمت بَبِرَن.

کتاب مقدس به زبان مازندرانی - گویش غربی

³⁴ جَماعتی میِنی جا هر کی داد زووِه و یَچی گِتِه. فَرموندِه گه هون هَمه سَر و صدایی جا نَتِنِسِه حَیقَتِ بِفَهمِه، دَستور هادا پولُسِ قلعه ای سِه بَوِرِن.

اعمال رَسولان 21:34 Iomraidhean Croise

اعمال رَسولان 19:32

جَمیِّت دِله غوغا بییه ومردِم گِج بینه. همه شونگ کَشینه و هر کس یه چی گاته و ویشتر مَردِم نَدونِسِنه چیِ وِسه جَمع بَینه.

اعمال رَسولان 21:37

هَمتی پولُسِ، قلعهِ دِله نَوِرده بینه که فَرمونده ره بااوته: «اِجازه دِنی یه چی شِما ره بارِم؟» فَرمونده بااوته: «تِ یونانی بَلِدی؟

اعمال رَسولان 22:24

فَرمونده دَستور هِدا پولُسِ قَلعه بَوِرِن، شِلّاق بَزِنِن و وه جِم بازخواس هاکانِن تا مَعلوم بَووه چی وِسه مَردِم این طی وه علیه داد کَشِنِنه.

اعمال رَسولان 22:30

فِردائه اون روز، وَختی فَرمونده خواسه دقّتِ هِمراه بِفَهمه که چه یَهودیون پولُسِ مِتّهم هاکاردِنه، وه ره زِندونِ جِم آزاد هاکارده و دَستور هِدا گَت گَتِ کاهِنون و تِمومِ یَهودِ شورائه اعضا جَمع بَووِن. بعد، پولُسِ جِر بیارده تا وِشونِ روب رو حاضر بَووه.

اعمال رَسولان 23:10

اَنده دَعوا بالا بَییته که فَرمونده بَتِرسیه نَکِنه پولُسِ تیکه پاره هاکانِن. پَس سربازونِ دَستور هِدا جِر بورِن و پولُسِ وِشونِ چنگِ جِم در بیارِن، قلعهِ دِله بَوِرِن.

اعمال رَسولان 23:16

ولی پولُسِ خوارزا این نَخشه جِم خَوِردار بَییه و قَلعه بُورده، پولُسِ سَرساب هاکارده.

اعمال رَسولان 23:32

فِردائه اون روز پیاده سَربازون، قلعه بَردَگِردِسِنه، فِقَط سِواره سَربازون‌ وه ره همراهی کاردِنه.

اعمال رَسولان 25:26

ولی نَدومبه اِمپراطورِ وِسه چی بَنویسِم، اینِ وِسه وه ره شِمه پَلی بیاردِمه، مخصوصاً شِمه پَلی، ای آگْریپاسِ پادشاه، تا وه جِم بازخواس هاکانیم و مِن یه چی بَنوِشتِنِ وِسه دارِم.