اعمال رَسولان 21:3 - کتاب مقدس به زبان مازندرانی - گویش شرقی

³ قبرسِ شه چپِ وَر بَدیمی و اونجهِ جِم رَد بَیمی، سوریهِ سمت راه دَکِتیمی. بعد صورِ دِله پیاده بَیمی، چوون وِنه اونجه، کَشتیِ بارِ خالی کاردِنه.

گیله ماز

³ قبرسِ اَمی چَپِ وَر بَدییَیم و اوجِه یه جی بُگذشتِیم، سوریه یه سَمت رادَکِتِیم. ایما صورِ دِلِه پیادِه هَبَیم، چون بایِسّی اوجِه کَشتی یه بارِ خالی هَکونَن.

کتاب مقدس به زبان مازندرانی - گویش غربی

³ قبرسِ شی چَپِ وَر بَئیمی و اوجِه ای جا بِگذِشتِمی، سوریه ای سِه راه دَکِتِمی. اَزما صوری دِلِه پیادِه بَوِمی، چون وِیسه اوجِه کَشتی ای بارِ خالی هاکِنِن.

اعمال رَسولان 21:3 Iomraidhean Croise

اِنجیلِ مَتّی 11:21

بااوته:«وای بَر تِ اِی خورازین شَهر، وای بَر تِ اِی بیت‌صیدائه شَهر! اَگه معجِزِه هایی كه شِمه دِله اِنجام بَییه صور و صیدونِ شهرائه دِله اِنجام بونِسه، خَله قبل اَز این، پلاس‌ دَپوشیه و سَر تیل دَوِسه، تووبه کاردِنه.

اِنجیلِ مَتّی 4:24

عیسیِ شِهرَت تِمومِ سوریهِ دِله دَپیته و تِمومِ اونایی که هَر جور دَرد و مَرِضِ دِچار بینه و اونایی که دِو بَزو بینه و غَشگری داشتِنه و چِلِخا ره وه پَلی یاردِنه و وه اونا ره شِفا دائه.

لوقا 10:13

«وای بر تِ، ای خورازینِ شَهر! وای بر تِ، ای بِیت‌صِیْدائه شَهر! چوون اگه معجزاتی که شِمه دِله اِنجام بَییه، صور و صیدونِ شهرائه دِله اِنجام بونِسه، اونجهِ مَردِم خَله قبلتر پلاس شه تَن کاردِنه و شه سَرِ تیل وَسِنه و توبه کاردِنه.

لوقا 2:2

این اَوِّلین سَرشِماری، مووقه ای اِنجام بَییه که کورینیوس سوریهِ فَرموندار بییه.

اعمال رَسولان 11:19

اون ایموندارونی که بعد از استیفانِ آزار اذیت پخش و پِلا بَییه بینه، تا فینیقیه و قبرس و اَنطاکیهِ سَمت سَفِر هاکاردِنه. وِشون فِقَط خِدائه کِلامِ یَهودیونِ اِعلام کاردِنه و بَس.

اعمال رَسولان 12:20

هیرودیس صور و صیدونِ شَهرِ مَردِم هِمراه غیظ هاکارده بییه. وِشون بْلاستوس، پادشاهِ دربارِ خِدمِتکارِ راضی هاکاردِنه تا هیرودیسِ پَلی بِیّن تا آشتی هاکانِن، چوون وِشونِ خِراک و مایَحتاج، هیرودیسِ مِلکِ جِم فِراهم بونِسه.

اعمال رَسولان 13:4

این طی، اون دِتا که روح القُدُسِ طَرِفِ جِم بَفرِسی بَییه بینه، سِلوکیهِ بندر بُوردِنه و اونجه جِم کَشتیِ هِمراه قبرس بَرِسینه.

اعمال رَسولان 15:23

بعد یِتا نامه ‌وِشونِ دَس هِدانه، که بنوشته بَییه: اِما بِرارونِ طَرِف جِم هم رَسولون و هم مشایخ، غیریهودِ بِرارونِ وِسه که اَنطاکیه، سوریه و کیلیکیهِ دِله دَرِنی، سِلام!

اعمال رَسولان 15:39

اونجه پولُس و بَرنابائه میون بَدجور اِختلاف دَکِته که هَمدییه جِم سیوا بَینه. برنابا، مَرقُسِ بَییته و دریائه راهِ جِم قِبرس بوردِنه؛

اعمال رَسولان 15:41

پولُس وَختی دَییه سوریه و کیلیکیهِ جِم رَد بونِسه، کلیساها ره تَقویت کارده.

اعمال رَسولان 18:18

پولُس بعد از اینکه خَله زِمون قُرِنتُسِ دِله بَمونِسه، بِرارونِ هِمراه خِداحافظی هاکارده و دریائه راهِ جِم، سوریه بورده. این سَفِرِ دِله، پْریسکیلا و آکیلا هم وه هِمراه دَینه. پولُس کِنخْریه دِله شه کلّه ره بَتِراشیه، چوون این طی نَذر هاکارده بییه.

اعمال رَسولان 21:16

شاگردونِ جِم بَعضیا که قیصریه زندگی کاردِنه هم اَمه هِمراه بییَمونه و اِما ره مِناسونِ سِره بَوِردِنه تا وه مِهمون بوئیم. مِناسون، اَهلِ قبرس و یِتا از قدیمی شاگِردون بییه.

اعمال رَسولان 21:2

اونجه یِتا کَشتی پی دا هاکاردیمی که دَییه فینیقیه شیه. اونِ سِوار بَیمی و راه دَکِتیمی.

اعمال رَسولان 21:7

اِما شه سَفِر دِریایی ره صورِ بندرِ جِم شِروع هاکاریمی و پْتولامائیسِ شَهر بَرِسیمی. اونجه بِرارونِ جِم دیدن هاکاردیمی و یِتا روز وِشونِ پَلی بَمونِسیمی.

اعمال رَسولان 27:4

اَت کش دییه اونجه جِم دریائه راهی بَیمی، ولی چوون بَرعکس وا زوئه پَس مجبور بَیمی قبرسِ اون وَرِ جِم که وا نَزو بییه راه دَکِفیم .

اعمال رَسولان 4:36

یوسِف هم که لاویِ قَبیلهِ جِم و قپرسی بییه و رَسولون وه ره برنابا یعنی ’تشویقِ ریکا‘ لَقب هِدا بینه،