اعمال رَسولان 21:22 - کتاب مقدس به زبان مازندرانی - گویش شرقی

²² اِسا چی وِنه هاکارد؟ حتماً وِشون تِ بییَموئِنِ جِم خَوِردار بونِنه.

گیله ماز

²² اَسه چه باید هَکُردَن؟ حتما، اوشان تی بَموئَنِ جی خَبَردار بونَن.

کتاب مقدس به زبان مازندرانی - گویش غربی

²² اِسا چی وِنِه هاکِردَن؟ حتماً، وِشون تی بیموئَنی جا خَوَردار وونِنِه.

اعمال رَسولان 21:22 Iomraidhean Croise

اعمال رَسولان 15:12

بعد تِمومِ اونایی که اونجه جَمع بینه ساکت بَینه و بَرنابا و پولُسِ گَبِ گوش هِدانه. وِشون، نشونه ها و معجزاتی ره که خِدا‌ وِشونِ دَسِ هِمراه غیرِ یَهودیونِ میون هاکارده بییه ره گاتِنه.

اعمال رَسولان 15:22

پَس رَسولون و مشایخ، تِمومِ کلیسائه هِمراه تَصمیم بَییتِنه شه دِله مَردایی ره انتخاب هاکانِن و وِشونِ پولُس و بَرنابائه هِمراه اَنطاکیهِ شَهر بَفرِسِن. پَس یهودائه مَعروف به بَرسابا و سیلاسِ که بِرارونِ دِله رَهبِر بینه ره، انتخاب هاکاردِنه.

اعمال رَسولان 19:32

جَمیِّت دِله غوغا بییه ومردِم گِج بینه. همه شونگ کَشینه و هر کس یه چی گاته و ویشتر مَردِم نَدونِسِنه چیِ وِسه جَمع بَینه.

اعمال رَسولان 21:21

وِشونِ میون این طی شایع بَییه که تِ تِمومِ یَهودیونی که غیرِیَهودیونِ دِله زندگی کاندنه ره تَعلیم دِنی که موسیِ پِیغَمبِرِ شَریعتِ جِم بَردَگِردِن، و وِشونِ گانی نَوِسه شه وَچونِ خَتِنِه هاکانِن و طِبق رَسم و رُسوم رِفتار هاکانِن.

اعمال رَسولان 21:23

پَس اونچی که تِ ره گامبی ره هاکان. اینجه اَمه پَلی چهارتا مَردی دَرِنه که نذر دارنِنه.

اوّلین نامِه قُرنتیانی سِه 14:15

پَس چی وِنه هاکانِم؟ شه روحِ هِمراه دِعا کامبه ولی شه عَقلِ هِمراه هم دِعا کامبه؛ شه روحِ هِمراه حَمد و ثناءِ سرودِ خوندِمبه ولی شه عَقلِ هِمراه هم حمد و ثناءِ سرودِ خوندِمبه.