اعمال رَسولان 21:11 - کتاب مقدس به زبان مازندرانی - گویش شرقی

¹¹ وه اَمه پَلی بییَمو و پولُسِ قِیشِ بَییته، شه دَس و لینگِ اونِ هِمراه دَوِسه و بااوته: «روح القدس گانه: ” اورشَلیمِ یَهودیون این قِیشِ صاحابِ این طی وَندِنِنه و غیرِ یَهودیونِ ‌تسلیم کاندِنه»

گیله ماز

¹¹ اون اَمِی وَرجه بوما و پولُسِ قیشِ بِیتِه، خودِشِه دَس و لِنگِ اونه هَمرهَ دَبِسِّه و باگوتِه: «روح القُدُس گونِه: ”اورشلیمِ یَهودیِان این قِیشِ صاحابِ اینجوری دَبِدِنِن و غیرِ یهودیِان دَس تَسلیم کانِن.“‌»

کتاب مقدس به زبان مازندرانی - گویش غربی

¹¹ وی اَمِه وَر بیمو و پولُسی قیشِ بَیتِه، شی دَس و لینگِ هونی هَمرا دَوِّسِه و بُتِه: «روح القُدُس گِنِه: ”اورشلیمی یَهودیِن هَین قِیشی صاحابِ هَینجوری وَنِنِّه و غیرِیهودیِنی تَسلیم کِنِنِه.“‌»

اعمال رَسولان 21:11 Iomraidhean Croise

اِنجیلِ یوحنا 18:1

عیسی بعد از اینکه شه گَبِ بَزو، شه شاگِردونِ هِمراه قِدْرونِ دَرّهِ اون دَس بُورده. اونجه یِتا باغ دَییه، عیسی و وه شاگِردون باغِ دِله بُوردِنه.

اعمال رَسولان 13:2

مووقه ای که وِشون روزه بینه و دَینه خِداوندِ پرسِش کاردِنه، روح القدُس بااوته: «بَرنابا و شائولِ کاریِ که مِن وِشونِ اونِ وِسه دَعوت هاکاردِمه، سیوا هاکانین.»

اعمال رَسولان 16:6

بعد، وِشون فْریجیه و غَلاطیهِ مَنطقهِ سراسرِ چرخ بَزونه، چوون روح القُدُس وِشونِ از اینکه کِلامِ، آسیائه مَنطقهِ دِله بَرِسونِن مَنع هاکارده بییه.

اعمال رَسولان 20:23

مگه اون که هر شَهرِ دِله روح‌ القدس هِشدار دِنه که سختی و زندون مِ اِنتِظار دَره.

اعمال رَسولان 21:33

فَرمونده جلو بییَمو و پولُسِ دستگیر هاکارده و دَستور هِدا وه ره دِتا زَنجیلِ هِمراه دَوِندِن. بعد بَپِرسیه وه کیِ و چی هاکارده.

اعمال رَسولان 21:4

شاگردونِ اونجه پی دا هاکاردیمی، هَفت روز وِشونِ پَلی بَمونِسیمی. وِشون خِدائه روحِ هدایتِ هِمراه، پولُسِ بااوتِنه اورشَلیم نَشوئه.

اعمال رَسولان 22:25

وَختی که پولسِ شِلّاق بَزوئِنِ وِسه وَسِّنه، پولُس اَفسِری که اونجه اِیست هاکارده بییه ره بااوته: «قانون، شِما ره این اِجازه ره دِنه یه نَفِرِ که رومِ تابعیتِ دارنه ره بی اینکه محاکِمه هاکانین شِلّاق بَزِنین؟»

اعمال رَسولان 24:27

دِ سال دییه، پورکیوس فِستوس، فِلیکْسِ جانشین بَییه. ولی فِلیکْس، اینِ وِسه که یَهودیونِ سَر مِنّت بییِلّه، پولُسِ هَمون طی زِندونِ دِله داشته.

اعمال رَسولان 26:29

پولُس وه جِواب بااوته: خِدائه جِم خوامبه که دیر یا زود، نا فِقَط شِما، بلکه تِمومِ کِسایی که اَمروز مِ گَبِ اِشنُنِنه، مِ واری بَووِن، البته نا زنجیلِ دِله!»

اعمال رَسولان 28:17

سه روز دییه، پولُس یَهودِ گَت گَتِ ره شه پَلی دَعوِت هاکارده. وَختی جَمع بَینه، وِشونِ بااوته: «ای بِرارون، با این که مِن کاری شه قوم یا شه پییِرونِ رَسم و رسومِ علیه نَکارده بیمه، با این حال مِ ره اورشَلیمِ دِله دستگیر هاکاردِنه و رومیونِ تحویل هِدانه.

اعمال رَسولان 28:20

اینِ وِسه بَخواسِمه شِما ره بَوینِم و شِمه هِمراه گَب بَزِنِم، چوون اون اِسرائیلِ امیدِ خاطِریِ که مِ ره این زَنجیلِ هِمراه دَوِسِنه.»

اعمال رَسولان 28:25

پَس هَمون طی که هَمدییهِ هِمراه جرِّ بحث کاردِنه، اونجه جِم بوردِنه. ولی قبل از اون که اونجه جِم بورِن، پولُس شه آخِرین گَبِ بَزو و بااوته: «روح القدس چَنده خوار شِمه پیِیرونِ هِمراه گَب بَزو، اون مووقه که اِشَعیائه پِیغَمبِرِ طریق بااوته:

اعمال رَسولان 8:29

اون وَخت خِدائه روح فیلیپُسِ بااوته: «نَزیک بور و اون ارابه ره بَرِس.»

اعمال رَسولان 9:16

چوون مِن وه ره سِراغ دِمبه که مِ اسمِ خاطِری چَنده وِنه عِذاب بَکِشه.»

اِفِسُسیان 3:1

اینِ وِسه مِن، پولُس، که شِما غیرِیَهودیونِ خاطِری، مَسیحْ عیسیِ زندونیمه -

اِفِسُسیان 4:1

پَس مِن که خِداوندِ خاطِری زِندونِ دِله دَرِمبه، خواهش کامبه که شِمه رِفتار، اون دعوتی که شِمه جِم بَییه ئه، لایق بوئه.

اِفِسُسیان 6:20

هَمون اِنجیل که اونِ سَفیرِمه، هر چَن زنجیلِ دِله! دِعا هاکانین که اونِ جِرأتِ هِمراه، اون طی که وه لایقِ، اِعلام هاکانِم.

اول تیموتائوس 4:1

ولی خِدائه روح، واضح گانه که آخِرین زِمون هائه دِله، بَعضیا شه ره اون روح ها که گول زَندِنه و دِوهائه تعالیمِ، وَقف کاندِنه و ایمونِ جِم بَرگِردِنِنه،

دوم تیموتائوس 2:9

اینِ وِسه ئه که یِتا جنایتکارِ واری زنجیلِ دِله دَرِمبه و دَره عِذاب کَشِمبه. ولی خِدائه کِلام زَنجیلِ دِله دَنییه.

نامِه مَسیحینی عبرانی نِژادی سِه 10:34

چوون شِما اونایی هِمراه که زِندونِ دِله دَینه، همدردی کاردینی و اون مووقه که شِمه مال و مِنالِ غارِت کاردِنه خِشالیِ هِمراه قبول کاردینی، چوون شِما شه دونِسِنی یِتا بهترِ مال و مِنالِ صاحابِنی که تا اَبد موندِنه.

نامِه مَسیحینی عبرانی نِژادی سِه 3:7

پَس هَمون‌ طی که روح‌القدس گانه: «اَمروز، اگه وه صِدا ره اِشنُنِنی،

اول پِطرُس 1:12

وِشونِ وِسه دیار بَییه که نا شه ره بلکه شِما ره خِدمِت کاردِنه، اون مووقه که اون چیائه خَوِری گَب زونه که اَلان اونِ انجیلِ پِیغوم رِسونونِ جِم اِشنُنِنی، وِشونی جِم که روح القدُسِ طریق که آسمونِ جِم بَفرِسیه بَییه، اون خَوِرِ خِشِ شِما ره دِنِنه. حَتَّی فرشته ها هم آرزو دارنِنه این چیا ره بَوینِن.