اعمال رَسولان 20:9 - کتاب مقدس به زبان مازندرانی - گویش شرقی

⁹ یِتا جِوون که وه اسم اِفتیخوس بییه و پَنجِرهِ پَلی نیشته بییه، مووقه ای که پولُس هَمتی دَییه شه گَب ادامه دائه، اون جِوون کم کم سنگینِ خو بُورده و یِدَفه سِوّمین طبقهِ جِم، جِر دَکِته، وَختی وه ره بَییتِنه بَدینه وه بَمِرده.

گیله ماز

⁹ ایتا جَوان که اونِه اِسم اِفتیخوس با و آبِشکِه یه وَر نیشته با، موقِه ایی که پولُس هَلَه دَبا خودِشِه گَبِ ادامِه هَدِه، اون جَوان کَم کَم سَنگین خواب دِلِه بَشَه و یدَفه سِوّمین طَبقه یه جی جیر بَکِته، وَختِی اونِه بِیتَن بَدییَن اون بَمِردِه.

کتاب مقدس به زبان مازندرانی - گویش غربی

⁹ یَتِه جَوون گه وی اِسم اِفتیخوس وِه و آبِشکه ای وَر نیشت وِه، موقِه ای گه پولُس حَلا دِ شی گَبِ ادامِه داوِه، هون جَوون کَم کَم سَنگینِ خُو بوردِه و ناخوَکی سِوّمین طَبقه ای جا جِر کَتِه، وختی وِرِه بَیتِنِه بَئینِه وی بَمِردِه.

اعمال رَسولان 20:9 Iomraidhean Croise

مَرقُس 13:36

نَکِنه که وه یهویی بِیّه و شِما ره خوِ دِله بَوینه.

مَرقُس 9:26

روح نَعره بَکِشیه و ریکا ره بَدجور تکون هِدا و وه جِم بیرون بییَمو. ریکا مِیّتِ واری بَییه، جوری که خَله از جَمیَّت بااوتِنه: «بَمِرده.»

اعمال رَسولان 14:19

ولی یَهودیونی، اَنطاکیه و قونیهِ شهرائه جِم بییَمونه و مَردِمِ شه هِمراه همدَس هاکاردِنه، پولُسِ سَنگسار هاکاردِنه و این گَمونِ هِمراه که بَمِرده، وه ره شَهرِ جِم بیرون بَوِردِنه.

اعمال رَسولان 20:10

پولُس جِر بُورده، شه ره جِوونِ مَردیِ سَر دِم هِدا و وه ره کَشه بَزو و بااوته: «نَتِرسین، هَمتی جان دارنه!»

اعمال رَسولان 20:7

هفتهِ اَوِّلین روزِ دِله، نون تیکه هاکاردِنه وِسه جَمع بَیمی. پولُس مَردِمِ وِسه موعظه کارده، و چوون تَصمیم داشته فِردا اونجه جِم بوره، تا نصفِ شو شه گَبِ ادامه هِدا.

اعمال رَسولان 20:8

اون بالاخانه ای دِله که جَمع بَییه بیمی، یَته خَله لَمپا رووشِن بییه.