اعمال رَسولان 20:7 - کتاب مقدس به زبان مازندرانی - گویش شرقی

⁷ هفتهِ اَوِّلین روزِ دِله، نون تیکه هاکاردِنه وِسه جَمع بَیمی. پولُس مَردِمِ وِسه موعظه کارده، و چوون تَصمیم داشته فِردا اونجه جِم بوره، تا نصفِ شو شه گَبِ ادامه هِدا.

گیله ماز

⁷ هَفته یه اوَّلین روزِ دِلِه، نان پارِه هَکُردَنِ وَسین جَم هَبَیم. پولُس مَردُمِ وَسین موعظه کانِه با، وَ چون تَصمیم داشتِه فردَئی اوجِه یه جی بوشو تا نِصفِ شُو خودِشِه گَبِ ادامِه هَدَه.

کتاب مقدس به زبان مازندرانی - گویش غربی

⁷ هَفته ای اوَّلین روزی دِلِه، نون گِلی هاکِردَنی سِه جَم بَوِمی. پولُس مَردِنی سِه موعظه کِردِه، و چون تَصمیم داشتِه فردا اوجِه ای جا بورِه تا نِصفِ شُو شی گَبِ ادامِه هادا.

اعمال رَسولان 20:7 Iomraidhean Croise

مَرقُس 16:9

وَختی عیسی هَفتهِ اَوِّلین روزِ زودِ صِواحی زِنده بَییه، اَوِّل مریِم مَجْدَلیّه که وه جِم هفتا دِوو بیرون هاکارده بییه ره ظاهر بَییه.

لوقا 22:19

بعد نونِ بَییته، شکر هاکارده و اونِ تیکه هاکارده و وِشونِ هِدا و بااوته: «این مِ تَنِ که شِمه وسه فِدا بونه؛ اینِ مِ یاد به‌جا بیارین.»

لوقا 24:35

اون وَخت، اون دِتا هم بااوتِنه که راه دِله چه اتِّفاقی دَکِته و چی طی عیسی ره وَختی دَییه نونِ تیکه کارده بِشناسینه.

اِنجیلِ یوحنا 20:1

هفتهِ اَوِّلین روز، زودِ صِواحی، مووقه ای که هَمتی هِوا تاریک بییه، مَریِمِ مَجْدَلیّه مَقبرهِ سَر بییَمو و بَدیئه که سَنگ، مَقبره دَرِ وَر کِنار بُورده.

اِنجیلِ یوحنا 20:19

هَمون روز نِماشون، که هفته اَوِّلین روز بییه، شاگِردون دور هم جَمع بینه و یَهودیونِ تَرسِ جِم درا ره قفل هاکارده بینه، عیسی بییَمو و وِشونِ میون، اِیست هاکارده و بااوته: «سِلام بر شِما!»

اِنجیلِ یوحنا 20:26

هشت روزِ دییه عیسیِ شاگِردون اَی دِواره سِره دِله دَینه و توما وِشونِ هِمراه دَییه. با وجودِ اینکه درا قفل بینه، عیسی بییَمو و وِشونِ میون اِیست هاکارده و بااوته: «سِلام بر شِما!»

اعمال رَسولان 16:10

پولُس وَختی این رویا ره بَدیئه، دَرجا مَقدونیه بوردیمی چوون مِطمئن بَیمی خِدا اِما ره صدا هاکارده تا انجیلِ خَورِ خِشِ وِشونِ هادیم.

اعمال رَسولان 2:42

وِشون شه ره وَقف تَعلیم بَییتِن، رَسولونِ جِم و دییه ایموندارونِ هِمراه، مشارکت و نون تیکه هاکاردِن و دِعا، هاکاردِنه.

اعمال رَسولان 2:46

وِشون هر روز، مَعبِدِ دِله جَمع بونِسِنه و هَمدییه هِمراه شه سِره دِله نونِ تیکه کاردِنه و خِشی و ساده دِلِ هِمراه غِذا خاردِنه

اعمال رَسولان 20:11

بعد بالا بُورده و نونِ تیکه هاکارده و بَخُرده. وه تا سحر وِشونِ هِمراه گَب بَزو، و بعد اونجه جِم بورده.

اعمال رَسولان 20:31

پَس هوشیار بوئین و شه خاطِر بیارین که مِن سه سالِ تِموم، شو و روز، اَسریِ هِمراه یه لَحظه هم، شِمه هِشدار هِدائِنِ جِم، نِسّامه.

اعمال رَسولان 20:5

وِشون قبل از اِما بُوردِنه و تْروآسِ دِله اَمه اِنتِظارِ کَشینه.

اعمال رَسولان 20:9

یِتا جِوون که وه اسم اِفتیخوس بییه و پَنجِرهِ پَلی نیشته بییه، مووقه ای که پولُس هَمتی دَییه شه گَب ادامه دائه، اون جِوون کم کم سنگینِ خو بُورده و یِدَفه سِوّمین طبقهِ جِم، جِر دَکِته، وَختی وه ره بَییتِنه بَدینه وه بَمِرده.

اعمال رَسولان 28:23

پَس وِشون یِتا روزِ تعیین هاکاردِنه و خَله آدِمون پولُسِ سِره بییَمونه تا وه ره بَوینِن. وه صِواحی تا شو، خِدائه پادشاهیِ خَوِری وِشونِ وِسه شهادت دائه و تَقِلّا کارده، موسیِ تورات و پیغمبِرونِ نوِشتهِ هِمراه، عیسیِ خَوِری وِشون قانع هاکانه.

اوّلین نامِه قُرنتیانی سِه 10:16

مَگه اون برکتِ پیاله که اونِ وِسه شِکر کامبی، مَسیحِ خونِ دِله شَریک بَیِّن نییه؟ مَگه نونی که تیکه کامبی، مَسیحِ تَنِ دِله شَریک بَیِّن نییه؟

اوّلین نامِه قُرنتیانی سِه 15:10

ولی اونی که اَلان ویندِنی هَسِمه خِدائه فیضِ خاطِریِ، و وه فِیض مِ وِسه بی‌فایده نَییه. برعکس، مِن، تِمومِ وِشونِ جِم، سَخت‌تِر کار هاکاردِمه، ولی نا مِن، بلکه خِدائه فیضِ خاطِریِ که مِ هِمراه دَره.

اوّلین نامِه قُرنتیانی سِه 16:2

هر هفتهِ اَوِّلین روز، هر کِدوم از شِما، شه درآمدِ اِندا، یه چی کِنار بییِلّه، جَمع هاکانه، تا اون مووقه که شِمه پَلی اِمبه، لازم نَبوئه هدایا جَمع هاکانین.

دوم تیموتائوس 4:2

خِدائه کِلامِ اِعلام هاکان و وَخت و بی وَخت آماده باش و خَله صبر و کاملِ تعلیمِ هِمراه، اِصلاح و سَراکو و تَشویق هاکان.

یوحنایِ مکاشفه 1:10

خِداوندِ روزِ دِله، خِدائه روحِ جِم پِر بَیمه و یِتا بِلِندِ صِدا، شیپورِ صِدائه واری شه دِمبالِ سَر بِشنُسِمه