اعمال رَسولان 20:38 - کتاب مقدس به زبان مازندرانی - گویش شرقی

³⁸ اونچی همه چیِ جِم ویشتر وِشونِ نارِحَت کارده، پولُسِ این گَب بییه که بااوته «دییه مِ ره نَویندِنی.» بعد تا کَشتیِ پَلی وه ره بَدرقه هاکاردِنه.

گیله ماز

³⁸ اونچه بیشتَر اَز هَمِه اوشانِه ناراحَت کانِه با، پولُسِ این گَب با که باگوتِه: «دیگه مَرِه نَینین.» ایما تا کَشتی یه وَر اونِه بَدرَقِه هَکُردَن.

کتاب مقدس به زبان مازندرانی - گویش غربی

³⁸ اونچی ویشتَر از هَمه وِشونِه نارحَت کِردِه، پولُسی هَین گَب وِه گه بُتِه: «دِ مِنِه نَوینِنی.» اَزما تا کَشتی ای وَر وِرِه بَدرَقِه هاکِردِنِه.

اعمال رَسولان 20:38 Iomraidhean Croise

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

اعمال رَسولان 20:25

«اِسا دومبه هیچ‌ کِدوم از شِما که مِن شِمه میون بَگِردِسِمه و خِدائه پادشاهی ره اِعلام هاکاردِمه، دییه مِ ره نَوینده.

اعمال رَسولان 21:16

شاگردونِ جِم بَعضیا که قیصریه زندگی کاردِنه هم اَمه هِمراه بییَمونه و اِما ره مِناسونِ سِره بَوِردِنه تا وه مِهمون بوئیم. مِناسون، اَهلِ قبرس و یِتا از قدیمی شاگِردون بییه.

اعمال رَسولان 21:5

وَختی اَمه بَمونِسِنِ فرصت تِموم بَییه، سَفِرِ وِسه راهی بَیمی. تِمومِ شاگِردون شه زَن ها و وَچونِ هِمراه تا شَهرِ بیرون اِما ره بَدرقه هاکاردِنه. اونجه دریالو زانو بَزومی و دِعا هاکاردیمی.

اعمال رَسولان 25:26

ولی نَدومبه اِمپراطورِ وِسه چی بَنویسِم، اینِ وِسه وه ره شِمه پَلی بیاردِمه، مخصوصاً شِمه پَلی، ای آگْریپاسِ پادشاه، تا وه جِم بازخواس هاکانیم و مِن یه چی بَنوِشتِنِ وِسه دارِم.

اوّلین نامِه قُرنتیانی سِه 16:11

پَس کِسی وه ره کِچیک نِشماره. وه ره ‌سِلامتیِ هِمراه سَفِرِ وِسه راهی هاکانین تا مِ پَلی بَردَگِرده؛ چوون مِن و بِرارون وه منتظِریمی.

غَلاطیان 6:10

پَس تا فرصت دارمی، تِمومِ مَردِمِ خواری هاکانیم، مخصوصاً اونایی که مَسیحِ ایمون دارنِنه.