اعمال رَسولان 20:3 - کتاب مقدس به زبان مازندرانی - گویش شرقی

³ پولُس سه ماه، اونجه بَمونِسه. مووقه ای که قَصد داشته کَشتیِ هِمراه سوریه بُوره، یَهودیون وه علیه نَخشه بَکِشینه. پَس تَصمیم بَییته مقدونیهِ راهِ جِم بَردَگِرده.

گیله ماز

³ پولُس سِه ماه اوجِه بُمانِسّه. موقِه ایی که خَسِّه کَشتی یه هَمرهَ به سوریِه بوشو، یَهودیِان اونه علیِه دَسیسِه هَکوردَن. پَس تَصمیم بِیتِه مَقدونیه یه راهِ جی وَگِردِه.

کتاب مقدس به زبان مازندرانی - گویش غربی

³ پولُس سِه ماه اوجِه بَمونِسِه. موقِه ای گه قصد داشتِه کَشتی ای هَمرا سوریِه ای سِه بورِه، یَهودیِن وی علِیه دَسیسِه دَچینِه. پَس تَصمیم بَیتِه مَقدونیه ای راهی جا دَگِردِه.

اعمال رَسولان 20:3 Iomraidhean Croise

اِنجیلِ مَتّی 4:24

عیسیِ شِهرَت تِمومِ سوریهِ دِله دَپیته و تِمومِ اونایی که هَر جور دَرد و مَرِضِ دِچار بینه و اونایی که دِو بَزو بینه و غَشگری داشتِنه و چِلِخا ره وه پَلی یاردِنه و وه اونا ره شِفا دائه.

اعمال رَسولان 16:12

از اونجه فیلیپیِ شَهر بوردیمی که یِتا از شهرایی بییه که رومیون اونجه زندگی کاردِنه و مقدونیهِ خاکِ دِله دَییه، و چَن روز اون شَهرِ دِله بَمونِسیمی.

اعمال رَسولان 16:9

شوِ مووقه، پولُس رویائه دِله بَدیئه که یِتا مَقدونی مَردی وه پیش اِیست هاکارده و وه ره اِلتماس کانده «مقدونیه بِرو و اِما ره کُمِک هاکان.»

اعمال رَسولان 18:18

پولُس بعد از اینکه خَله زِمون قُرِنتُسِ دِله بَمونِسه، بِرارونِ هِمراه خِداحافظی هاکارده و دریائه راهِ جِم، سوریه بورده. این سَفِرِ دِله، پْریسکیلا و آکیلا هم وه هِمراه دَینه. پولُس کِنخْریه دِله شه کلّه ره بَتِراشیه، چوون این طی نَذر هاکارده بییه.

اعمال رَسولان 19:21

بعد از این اتفاقا، پولُس خِدائه روحِ هِمراه هِدایت بَییه که مقدونیه و اَخائیهِ مَنطقهِ راهِ جِم، اورشَلیم بَردَگِرده. پولُس گاته: «بعد از اینکه اونجه بُوردِمه، وِنه رومِ شَهرِ جِم هم دیدَن هاکانِم.»

اعمال رَسولان 20:1

وَختی بلوا تِموم بَییه، پولُس، شاگردونِ شه پَلی صدا هاکارده و بعد از این که وِشونِ تَشویق هاکارده، وِشونِ هِمراه خِداحافظی هاکارده و مقدونیهِ مَنطقه سمت راه دَکِته.

اعمال رَسولان 20:19

چی طی تِمومِ فروتنی و اَسریِ هِمراه خِداوندِ خِدمِت کاردمه، سختیهایی که یَهودیونِ نخشهِ پِشتی مِ سَر بییَمو ره تِحَمُّل هاکاردِمه.

اعمال رَسولان 20:2

پولُس اون مَنطقهِ جِم رَد بَییه، شه گَب هائه هِمراه ایموندارونِ خَله دلگرمی هِدا، تا یونان بَرِسیه

اعمال رَسولان 21:3

قبرسِ شه چپِ وَر بَدیمی و اونجهِ جِم رَد بَیمی، سوریهِ سمت راه دَکِتیمی. بعد صورِ دِله پیاده بَیمی، چوون وِنه اونجه، کَشتیِ بارِ خالی کاردِنه.

اعمال رَسولان 25:3

وِشون اِصرارِ هِمراه فِستوسِ جِم بَخواسِنه وِشونِ سَر مِنّت بییِلّه و پولُسِ اورشَلیم بَفرِسه، چوون کمین نیشته بینه تا راه دِله وه ره بَکوشِن.

دوّمین نامه قرنتیانِ وَسین 1:15

چوون اینِ جِم مطمئِن بیمه، خواسِمه اَوِّل شِمه بَدیئِن وِسه بِیِّم تا دِوّمین کَشِ وِسه فیضِ تجربه هاکانین.

دوّمین نامه قرنتیانِ وَسین 11:26

اون سَفر هائه دِله که پِشت در پِشت شیمه: رودخانه هائه خَطِرِ دِله، دِزائه خَطِر، شه قوم خَطِرِ جِم، غیرِ یَهودیونِ خَطِر؛ شَهرِ دلهِ خَطِر، صحرائه دلهِ خَطِر، دریائه دلهِ خَطِر؛ خطری که دِراغی بِرارونِ جِم داشتِمه؛

دوّمین نامه قرنتیانِ وَسین 7:5

چوون که حَتّی مووقه ای که اِما مَقدونیهِ مَنطقه بَرِسیمی، اَمه این تَن اِستراحت نَکارده، بلکه هر طَرِف مصیبتِ دِله دَیمی - بیرون، خَله دَعوا داشتیمی، و شه دلِ دِله تَرس داشتیمی.

غَلاطیان 1:21

بعد از اون، سوریه و کیلیکیهِ مَنطقه بوردِمه.