اعمال رَسولان 20:24 - کتاب مقدس به زبان مازندرانی - گویش شرقی

²⁴ ولی مِن، هم جانِ و هم زندگی ره شه وسه بی‌ارزش دومبه، فِقَط اگه بَتونِم شه دوره ره تِموم هاکانِم و خِدمِتیِ که عیسیِ خِداوندِ جِم بَییتِمه ره سَراِنجام بَرِسونِم و خِدائه فیضِ خَوِرِ خِشِ شِهادت هادِم.

گیله ماز

²⁴ وَلی مَن هَم جان و هَم زِندگی رِه می وَسین بی اَرزِش دانَم، فقط اگه بَتَّنَم می دورِه رِه تَمام هَکُنَم و خِدمَتی که عیسی یه خُداوند جی هِیتَم رِه، سَر اَنجام بَرِسانِم، وَ خُدای فیضِ خَبَرِ خوشِ شهادَت هَدَم.

کتاب مقدس به زبان مازندرانی - گویش غربی

²⁴ ولی مِن هَم جانِ هَم زِندگی رِه شیسِه بی اِرزِش دِمِّه، فقط اگه بَتِنِّم شی دورِه رِه تُوم هاکِنِم و خِدمَتی گه عیسای خِداوندی جا بَیتِمِه رِه، سَراَنجام بَرِسانِم، و خِدایی فیضی خَوِرخِشِ شهادَت هادِم.

اعمال رَسولان 20:24 Iomraidhean Croise

لوقا 16:28

چوون مِن پَنج تا بِرار دارمه. وه ره بَفرِس تا مِ بِرارونِ هِشدار هاده، نَکِنه وِشون هم اینجه دَکِفِن و عِذاب بَکِشِن.“

اِنجیلِ یوحنا 15:27

و شِما هم شِهادت دِنِنی، چوون از اَوِّل مِ هِمراه دَینی.

اِنجیلِ یوحنا 17:4

مِن کاریِ که تِ مِ ره بِسپارِسی ره اِنجام هِدامه، و این طی زِمینِ سَر تِ ره جِلال هِدامه.

اعمال رَسولان 1:17

چوون وه یِتا از اِما بییه و این خِدمِتِ دِله سَهمی داشته.»

اعمال رَسولان 11:23

وَختی برنابا اونجه بَرِسیه و خِدائه فیضِ بَدیئه، خِشال بَییه و همه ره تَشویق هاکارده تا تِموم دلِ هِمراه خِداوندِ وِفادار بوئِن،

اعمال رَسولان 13:25

وَختی یحیی شه خِدمِتِ تموم کارده، بااوته: ”مِ ره کی دوندِنی؟ مِن وه نیمِه؛ بلکه وه بعد از مِن اِنه و مِن حَتّی لایق نیمِه وه کوشِ بَندِ واز هاکانِم.“

اعمال رَسولان 14:3

پَس پولُس و بَرنابا خَله زِمون اونجه بمونِسِنه و جِرأتِ هِمراه خِداوندِ وِسه گَب بَزونه، خِداوندی که وِشونِ قِوَّت هِدا تا نشونه ها بیارِن و معجزات هاکانِن، این طی شه فِیض بَخشِ پیغومِ تأیید کارده.

اعمال رَسولان 15:7

بعد از اینکه خَله بَحث هاکاردِنه، سَرآخِر پِطرُس بِلِند بَییه و وِشونِ بااوته: «ای بِرارون، شِما دوندِنی که اَوِّلین روزائه دِله، خِدا مِ ره شِمه میون انتخاب هاکارده تا غیرِ یَهودیون مِ زِوونِ جِم اِنجیلِ پیغومِ بشنُئِن و ایمون بیارِن.

اعمال رَسولان 18:5

وَختی سیلاس و تیموتائوس مَقدونیهِ جِم بییَمونه، پولُس تِمومِ شه وَختِ، خِدائه کِلامِ وِسه بییشته بییه، یَهودیونِ شِهادت دائه که مَسیحِ موعود هَمون عیسیِ.

اعمال رَسولان 20:21

هم یَهودیون و هم یونانیونِ اِعلام هاکاردِمه که وِنه تووبهِ هِمراه خِدائه سَمت بَردَگِردِن و اَمه خِداوند عیسیِ مَسیحِ ایمون بیارِن.

اعمال رَسولان 20:23

مگه اون که هر شَهرِ دِله روح‌ القدس هِشدار دِنه که سختی و زندون مِ اِنتِظار دَره.

اعمال رَسولان 20:32

«اِسا شِما ره خِدا و وه فِیض بَخشِ کِلامِ دَس اِسپارِمبه که تونده شِما ره بِنا هاکانه و تِموم کِسایی میون که تَقدیس بَینه اِرثیه هاده.

اعمال رَسولان 21:13

ولی پولُس جِواب هِدا: «این چه کاریِ که کاندینی؟ چه شه بِرمهِ هِمراه مِ دلِ اِشکِنِنی؟ مِن حاضِرِمه عیسیِ خِداوندِ اسمِ خاطِری نا فِقَط زِندون بُورِم، بلکه اورشَلیمِ دِله بَمیرِم.»

اعمال رَسولان 22:21

خِداوند مِ ره بااوته: ”بور؛ چوون مِن تِ ره دورِ دورِ جاها، غیرِ یَهودیونِ پَلی فِرِسِندِمبه»

اعمال رَسولان 9:15

ولی خِداوند، حَنانیا ره بااوته: «بور، چوون این مَردی وسیله ایِ که مِن انتخاب هاکاردِمه، تا مِ اسمِ غیریهودیون و پادشاهون و یَهودِ مَردِمِ بَرِسونه.

رومی ایشون 11:6

ولی اگه فِیض راهِ جِم بوئه، دییه اَعمالِ وِسه نییه؛ والا فِیض دییه فِیض نییه. ولی اگه اَعمالِ راهِ جِم بوئه، دییه فیضِ وِسه نییه؛ والا عَمِل دییه عَمِل نییه.

رومی ایشون 4:4

اِسا اونی که کار کانده، وه مِزد وه حَقِّ، نا هَدیه.

اوّلین نامِه قُرنتیانی سِه 15:58

پَس، مِ عزیزِ بِرارون، پابرجا و پایدار بوئین، هَمش خِداوندِ کارِ ویشتر و ویشتر اِنجام هادین، چوون دوندِنی شِمه زَحمِت خِداوندِ دِله بیخودی نییه.

دوّمین نامه قرنتیانِ وَسین 12:10

پَس مَسیحِ خاطِری، ضعفا، فحشا، سختیا، آزار اذیّت و بِلاهائه دِله، راضیمه. چوون وَختی ضعیفِمه، پَس قَویمه.

دوّمین نامه قرنتیانِ وَسین 4:1

پَس چوون اون رَحمتی وِسه که اِما ره هِدا بَییه، این طی خِدمِتی دَره کامبی، نا امید نَوومبی.

دوّمین نامه قرنتیانِ وَسین 4:12

پَس مَرگ اَمه دِله کار کانده، ولی زندگی شِمه دِله.

دوّمین نامه قرنتیانِ وَسین 5:8

اَره، اَمه دِل حسابی گرمِ و اینِ بهتر دومبی که این تَنِ جِم دور بوئیم و خِداوندِ هِمراه سِرهِ دِله زندگی هاکانیم.

دوّمین نامه قرنتیانِ وَسین 7:4

مِن خَله جِرأتِ هِمراه دَره شِمه هِمراه گَب زَمبه. مِن خَله شِما ره اِفتخار کامبه؛ مِن خَله تَسِلّی بَییتِمه. تِمومِ شه مصیبت هائه دِله، خِشالیِ جِم پِرِمه.

غَلاطیان 1:1

پولُسِ طَرِف جِم، رَسولی که وه رِسالت نا آدِمونِ جِم و نا آدِمِ طریق، بلکه عیسی مَسیح و خِدائه پییِرِ جِم هَسه، که وه ره مِرده هائه جِم زنده هاکارده،

اِفِسُسیان 1:6

تا وه پِر جِلالِ فِیض حَمد و ثِناء بَووه، هَمون فیضی که شه عزیزِ دِله اِما ره بَرکَت هِدا.

اِفِسُسیان 3:13

پَس شِمه جِم خواهش کامبه اون رنجهایی خاطِری که دَره شِمه وِسه کَشِمبه، دلسَرد نَووین، چوون اونا شِمه اِفتخارِ باعثِ.

فیلیپیان 2:17

حَتّی اگه لازم بَووه که مِ خون یِتا‌ پیشکشِ واری، شِمه ایمونِ قِروونیِ وِسه دَشِندی بَووه، ذوق دارمه و شِما هَمهِ هِمراه خِشالی کامبه.

فیلیپیان 2:30

چوون که وه مَسیحِ کارِ وِسه دَییه مِردهِ و شه جانِ خَطِر دِم هِدا تا شِمه خِدمِتِ کم و کاستی مِ ره جبران بَووه.

کولُسیان 1:24

اِسا اون زجرهایی که شِمه خاطِری کَشِمبهِ وِسه خِشالِمه، و وه تَنِ خاطِری که کلیسائه، اونچی که مَسیحِ عِذاب هائه دِله کم هَسه ره شه جِسمِ دِله تلافی کامبه.

اوّل تِسالونیکیان 2:2

بلکه هر چَن قبلاً فیلیپیِ شَهرِ دِله عِذاب بَکِشیمی و اِما ره بَدی هاکاردِنه، اون طی که خجالِت آوِر بییه، هَمون طی که دوندِنی، ولی اِما شه خِدائه کُمِکِ هِمراه جرأت هاکاردیمی تا خِدائه انجیلِ خَله مخالفتهائه میون شِما ره اِعلام هاکانیم.

اوّل تِسالونیکیان 3:3

تا هیچ‌کَس این سختیهائه وِسه سِست نَووه، چوون شِما شه خوار دوندِنی که اِما اینِ وِسه تَعیین بَیمی.

دوم تیموتائوس 1:12

همینِ وِسه این طی عِذاب کَشِمبه، ولی عار نِدارمه، چوون دومبه کیِ ایمون بیاردِمه و قانع بَیمه که وه تونده اونچی که مِ ره بِسپارِسه بَییه ره تا اون روز محافظت هاکانه.

دوم تیموتائوس 3:11

و اون رَنج و آزار اذیّتی که اَنطاکیه، قونیه و لِستْرهِ شهرهائه دِله مِ سَر بییَمو و اون رَنج و آزار اذیّتیِ که طاقت بیاردِمه، ولی خِداوند تِمومِ این چیائه جِم نِجات هِدا.

دوم تیموتائوس 4:17

ولی خِداوند مِ هِمراه بییه و مِ ره قِوَّت هِدا تا اون پِیغوم، مِ طَریقِ جِم کاملاً اِعلام بَووه و تِمومِ غیر یَهودیون اونِ بِشنُئِن. و این طی شیرِ دِهونِ جِم دَر بوردِمه.

تیتوس 1:3

و خوار مووقه، اون وَعده دیار بَییه، اون کلامِ دِله که اونِ اِعلام اَمه نِجات​دهنده خِدائه حِکمِ هِمراه مِ ره بِسپارِسه بَییه،

تیتوس 2:11

چوون خِدائه فِیض دیار بَییه، اون فِیض که همه مَردِمِ نجات‌ دِنه

نامِه مَسیحینی عبرانی نِژادی سِه 10:34

چوون شِما اونایی هِمراه که زِندونِ دِله دَینه، همدردی کاردینی و اون مووقه که شِمه مال و مِنالِ غارِت کاردِنه خِشالیِ هِمراه قبول کاردینی، چوون شِما شه دونِسِنی یِتا بهترِ مال و مِنالِ صاحابِنی که تا اَبد موندِنه.

اول پِطرُس 5:12

سیلاسِ طریق که وه ره یِتا وِفادارِ بِرار دومبه، شِمه وِسه خِلاصه بَنوِشتمه تا شِما ره سفارش هاکانِم و شِما ره اِعلام هاکانِم که خِدائه حَییقی فِیض اینِ. اونِ دِله پابرجا بَمونین.

اوّل یوحنا 3:16

اونجه جِم مِحَبَّتِ بِشناسیمی که وه شه جانِ اَمه راهِ وِسه بییِشته، و اِما هم وِنه شه جانِ، بِرارونِ راهِ وِسه بییِلیم.

یوحنایِ مکاشفه 12:11

و وِشون، وَرهِ خونِ هِمراه و شه شِهادتِ کِلامِ هِمراه وه سَر حریف بَینه. چوون که وِشون شه جانِ دوس نِداشتِنه، حَتّی تا مَرگِ مووقه.

یوحنایِ مکاشفه 6:11

و هر کِدوم از وِشونِ، اسبهِ قَوا هِدا بَییه و وِشونِ بااوته بَییه که اَت کم ویشتر آروم بَیرین تا وِشونِ هم خِدمتون و بِرارونِ تعداد که قرارِ وِشونِ واری بَکوشته بَووِن، کامل بَووه.