اعمال رَسولان 20:17 - کتاب مقدس به زبان مازندرانی - گویش شرقی

¹⁷ وه میلیتوسِ جِم یِتا پِیغوم اَفِسُسِ وِسه بَفرِسیه و کلیسائه مشایخِ شه پَلی صدا هاکارده.

گیله ماز

¹⁷ اون میلیتوسِ جی ایتا پِیغام اَفِسُسِ وَسین روانه هَکوردِه و کلیسای مَشایِخ رِه خودِشِه وَر دُخوانِسِّه.

کتاب مقدس به زبان مازندرانی - گویش غربی

¹⁷ وی میلیتوسی جا یَتِه پِیغِم اَفِسُسی سِه بَرِسانیِه و کلیسایی مَشایِخِ شی کَفا بَخونِسِه.

اعمال رَسولان 20:17 Iomraidhean Croise

اعمال رَسولان 11:30

پَس این طی هاکاردِنه و اون پول هایی که جَمع هاکارده بینه ره بَرنابا و شائولِ هِدانه تا مَشایِخِ دَس بَرِسونِن.

اعمال رَسولان 14:23

وِشون هر کلیسائه دِله مَشایخی ره ایموندارونِ وِسه بییشتِنه و دِعا و روزهِ هِمراه وِشونِ خِداوندی که وه ره ایمون بیارده بینهِ دَس بِسپارِسِنه.

اعمال رَسولان 15:23

بعد یِتا نامه ‌وِشونِ دَس هِدانه، که بنوشته بَییه: اِما بِرارونِ طَرِف جِم هم رَسولون و هم مشایخ، غیریهودِ بِرارونِ وِسه که اَنطاکیه، سوریه و کیلیکیهِ دِله دَرِنی، سِلام!

اعمال رَسولان 15:4

وَختی اورشَلیم بَرِسینه، کلیسا و رَسولون و مشایخ وِشونِ پیشواز بییَمونه. پولُس و بَرنابا هر اونچی خِدا وِشونِ دَسِ هِمراه هاکارده بییه ره وِشونِ بااوتِنه.

اعمال رَسولان 15:6

پَس رَسولون و مشایخ جَمع بَینه تا این قضیه ره بررسی هاکانِن.

اعمال رَسولان 16:4

وِشون وَختی از شَهری یِتا دییه شَهر شینه، اون قانوناییِ که رَسولون و مشایخ، اورشَلیمِ دِله بااوته بینه ره مَردِمِ گاتِنه تا اونا ره رعایت هاکانِن.

اعمال رَسولان 18:19

وَختی اَفِسُسِ شَهر بَرِسینه، پولس شه هَمسَفِرونِ جِم سیوا بَییه و شه، عبادتگاه بُورده، یَهودیونِ هِمراه بَحث هاکارده.

اعمال رَسولان 20:15

از اونجه کَشتیِ هِمراه راه دَکِتیمی و فِردائه اون روز خیوسِ جزیره بَرِسیمی. پیرا ساموسِ جزیره بُوردیمی و پیرو، میلیتوسِ شَهر بَرِسیمی.

اعمال رَسولان 20:28

شِمه حِواس دَووه و تِمومِ گلّه ای که روح القدس شِما ره وِشونِ نظارتِ وِسه بییِشتهِ مِواظِب بوئین و خِدائه کلیسا ره که اونِ شه خونِ هِمراه بَخریه ره چَپونی هاکانین.

اول تیموتائوس 5:17

مشایخی که خوار رهبری هاکارده بوئِن، دِ بِرابر حِرمتِ لیاقت دارنِنه، مخصوصاً اونایی که موعظه و تعلیمِ وِسه زَحمِت کَشِنِنه.

تیتوس 1:5

اینِ وِسه تِ ره کْرتِ جزیرهِ دِله سَر اییِشتِمه تا نصف و نیمه کارا ره سَرسامون هادی و هَمون‌ طی که تِ ره بااوتِمه، هر شهری دِله مشایخی ره بییِلی.

یعقوبِ نامه 5:14

شِمه میون کِسی مَریضِ؟ بییِل کلیسائه گَت گَتِ ره صدا هاکانه و وِشون وه وِسه دعا هاکانِن و خِداوندِ اسمِ هِمراه وه ره راغونِ هِمراه مَسح هاکانِن.

اول پِطرُس 5:1

مِن که شه، یِتا از مشایخِمه و مَسیحِ رَنج هائه شاهد بیمه و اون جِلالی دِله که ظاهر بونه شریکِمه، مشایخی که شِمه میون دَرِنه ره سفارش کامبه:

دوم یوحنا 1:1

شیخِ جِم، مِحتَرَمِ خانِم و وه وَچونِ که ’حَییقَتِ‘ دِله وِشونِ دوس دارمه - و نا فِقَط مِن، بلکه تِمومِ اونایی که حَییقَتِ بِشناسینه -

سوّم یوحنا 1:1

شیخِ جِم، عزیزِ گایوسِ که مِن وه ره ’حَییقتِ‘ دِله دوس دارمه.