اعمال رَسولان 20:11 - کتاب مقدس به زبان مازندرانی - گویش شرقی

¹¹ بعد بالا بُورده و نونِ تیکه هاکارده و بَخُرده. وه تا سحر وِشونِ هِمراه گَب بَزو، و بعد اونجه جِم بورده.

گیله ماز

¹¹ ایما جآر بَشَه و نان پارِه هَکردِه و بُخاردِه. اون تا سَحر اوشانِ هَمرهَ گَب بَزه، وَ ایما اوجِه یه جی بَشَه.

کتاب مقدس به زبان مازندرانی - گویش غربی

¹¹ اَزما لُو بوردِه و نونِ گِلی هاکِردِه و بَخاردِه. وی تا سَحر وِشونی هَمرا گَب بَزو، و اَزما اوجِه ای جا بوردِه.

اعمال رَسولان 20:11 Iomraidhean Croise

اعمال رَسولان 2:42

وِشون شه ره وَقف تَعلیم بَییتِن، رَسولونِ جِم و دییه ایموندارونِ هِمراه، مشارکت و نون تیکه هاکاردِن و دِعا، هاکاردِنه.

اعمال رَسولان 20:12

مَردِم اون جِوونِ، زنده سِره بَوِردِنه و خَله تَسلِّی بَییتِنه.

اعمال رَسولان 20:7

هفتهِ اَوِّلین روزِ دِله، نون تیکه هاکاردِنه وِسه جَمع بَیمی. پولُس مَردِمِ وِسه موعظه کارده، و چوون تَصمیم داشته فِردا اونجه جِم بوره، تا نصفِ شو شه گَبِ ادامه هِدا.

اعمال رَسولان 20:9

یِتا جِوون که وه اسم اِفتیخوس بییه و پَنجِرهِ پَلی نیشته بییه، مووقه ای که پولُس هَمتی دَییه شه گَب ادامه دائه، اون جِوون کم کم سنگینِ خو بُورده و یِدَفه سِوّمین طبقهِ جِم، جِر دَکِته، وَختی وه ره بَییتِنه بَدینه وه بَمِرده.