اعمال رَسولان 2:47 - کتاب مقدس به زبان مازندرانی - گویش شرقی

⁴⁷ وِشون خِدا ره حَمد و ثناء کاردِنه. همه مَردِم وِشونِ اِحترام اییِشتِنه؛ و خِداوند هر روز اونایی که نجات‌ گِتِنه ره، وِشونِ جَمعِ دِله اضافه کارده.

گیله ماز

⁴⁷ اوشان خَدا رِه حَمد و ثَنا گونِه بان. تمام مَردم اوشانِه اِحترام نَنِه بان، وَ خُداوند هر روز اوشانیکه نِجات گیرنِه بان رِه اوشانِ جَمع دِلِه اِضافِه کانهِ با.

کتاب مقدس به زبان مازندرانی - گویش غربی

⁴⁷ وِشون خِدارِه حَمد و ثَنا کِردِنِه. دِشتِه مَردِن وِشونِه اِحترام اِشتِنِه، و خِداوند هر روز اونانیگه نِجات گیتِنِه رِه وِشونی جَمی دِلِه اِضافِه کِردِه.

اعمال رَسولان 2:47 Iomraidhean Croise

لوقا 19:48

ولی شه کارِ وِسه هیچ راهی نَتونِسِنه پی دا هاکانِن، چوون تِمومِ مَردِم وه گَب بَزوئِنِ عاشق بینه.

لوقا 2:52

عیسی حِکمت و قامتِ دِله گَت بونِسه، هم خِدائه پَلی و هم مَردِمِ پَلی محبوب بییه.

اعمال رَسولان 11:21

خِداوندِ دَس هم وِشونِ هِمراه دَییه و خَیلیا ایمون بیاردِنه و خِداوندِ مِلحَق بَینه.

اعمال رَسولان 11:24

چوون برنابا خوارِ مَردی ای بییه، وه ایمون و روح القدس جِم پِر بییه. اینِ وِسه یِتا گَتِ جَمیَّت خِداوندِ ایمون بیاردِنه.

اعمال رَسولان 13:48

وَختی غیرِ یَهودیون اینِ بِشنُسِنه، خِشال بَینه و خِداوندِ کِلامِ حِرمت بییِشتِنه؛ و اونایی که اَبدی زندگی وِسه انتخاب بَییه بینه، ایمون بیاردِنه.

اعمال رَسولان 14:1

پولُس و بَرنابا قونیهِ شَهرِ دِله هم، یَهودِ عِبادَتگاهِ دِله بُوردِنه و جوری گَب بَزونه که یَته خَله یَهودیون و یونانیون، ایمون بیاردِنه.

اعمال رَسولان 14:21

وِشون اون شَهرِ دِله هم خَوِرِ خِشِ اِعلام هاکاردِنه و خَیلیا ره عیسیِ شاگرد هاکاردِنه. بعد به لِستْره و قونیه و اَنطاکیه بَردَگِردِسِنه.

اعمال رَسولان 16:5

پَس، کلیساها، ایمونِ دِله قِوَّت گِتِنه و هر روز وِشونِ تعداد ویشتر بونِسه.

اعمال رَسولان 17:12

این طی، یَهودیونِ جِم یَته خَله و سرشناسِ یونانی زَن ها و مردائه جِم هم یَته خَله ایمون بیاردِنه.

اعمال رَسولان 2:39

چوون این وَعده شِما و شِمه وَچونِ وِسه و تِمومِ اونایی وِسه هَسه که دور راه دَرِنه، یعنی هر کی خِداوندْ، اَمه خِدا وه ره شه پَلی دعوت هاکارده.»

اعمال رَسولان 2:41

پَس اونایی که پطرسِ پِیغومِ قبول هاکاردِنه، تَعمید بَییتِنه. هَمون روز حدود سه هزار نَفِر، وِشونِ مِلحَق بَینه.

اعمال رَسولان 4:21

شورائه آدِمون بعد از این که پِطرُس و یوحنا ره خَله تهدید هاکاردِنه، وِشونِ وِل هاکاردِنه چوون راهی پی دا نَکاردِنه تا وِشونِ مِجازات هاکانِن، چوون تِمومِ مَردِم اونچیِ وِسه که اتِّفاق دَکِته بییه، خِدا ره حمد و ثناء کاردِنه.

اعمال رَسولان 4:33

رَسولون عیسیِ خِداوندِ زِنده بَیِّن خَوِری قِوَّتِ هِمراه شِهادت دانه و خِدائه گَتِ فِیض، تِمومِ وِشونِ سَر دَییه.

اعمال رَسولان 4:4

ولی یَته خَله از وِشون که پیغومِ بِشنُسه بینه، ایمون بیاردِنه و مَردا حدود پِنج هزار نَفِر بَینه.

اعمال رَسولان 6:1

اون روزا که شاگِردون ویشتر بونِسنه، یَهودیونِ یونانی زِوون،‌ یَهودیونِ عِبرانی زِوونِ جِم شکایت داشتِنه که وِشونِ بیوه‌زَن ها ره سَر چِش نَینه و وِشونِ هر روزه غذائه سَهمِ دِرِس نَدِنِنه.

اعمال رَسولان 6:7

پَس خِدائه کِلام همه جا اِعلام بونِسه و اورشَلیمِ دلهِ شاگِردون، یَته خَله بونِسنه و یَهودِ کاهِنونِ جِم یِتا گَتِ جَمیَّت، ایمون بیاردِنه.

اعمال رَسولان 9:31

این طی کلیسا تِمومِ یهودیه و جلیل و سامِره دِله آرامش بَییته و قِوَّت گِته. وِشون خِداوندِ تَرسِ دِله زندگی کاردِنه و روح‌القُدُسِ تشویقِ هِمراه وِشونِ تعداد ویشتر بونِسه.

اعمال رَسولان 9:35

تِمومِ لُدَّه و شارونِ مَردِم وه ره بَدینه و خِداوندِ ایمون بیاردِنه.

رومی ایشون 14:18

هر کی این طی مَسیح ره خِدمِت هاکانه، خِدا وه ره قبول دارنه و مَردِم هم وه ره تأیید کاندِنه.

رومی ایشون 8:30

و اونایی ره که قبلتر تعیین هاکارده ره هم دَعوِت هاکارده؛ و اونایی که دعوت هاکارده ره هم، صالح بِشمارِسه؛ و اونایی که صالح بِشمارِسه ره هم، جِلال هِدا.

رومی ایشون 9:27

و اِشَعیائه پیغمبر اِسرائیلِ قومِ خَوِری گانه که: «حَتَّی اگه اِسرائیلِ قومِ تعداد، دریائه ریگِ واری بوئه، فِقَط اَتِ کم نِجات گِرنِنه.

اوّلین نامِه قُرنتیانی سِه 1:18

چوون صَلیبِ پِیغوم، اونایی وِسه که هِلاک بونِنه، نادونیِ، ولی اَمه وِسه که نِجات گِرمی، خِدائه قِوَّتِ.