اعمال رَسولان 2:4 - کتاب مقدس به زبان مازندرانی - گویش شرقی

⁴ بعد همه روح‌القُدُسِ جِم پِر بَینه و هَمون طی که روح، وِشونِ گَب بَزوئِنِ قِوَّتِ دائه، دییه زِوون هائه هِمراه گَب بَزوئِنِ شِروع هاکاردِنه.

گیله ماز

⁴ ایما هَمِه روح القُدُسِ جی پُر هَبان و هَمونجور که روح اوشانِه قُوَّتِ گَب بَزَئن دَنِه با، دیگَر زَبانانِ هَمرهَ گَب بَزئنِ شروع هَکُردَن.

کتاب مقدس به زبان مازندرانی - گویش غربی

⁴ اَزما هَمه روح القُدُسی جا پِر بَوِنِه و هَمونجور گه روح وِشونِه گَب بَزوئَنی قِوَّتِ داوِه، دییَر زِوونایی هَمرا گَب بَزوئَنِ شِرو هاکِردِنِه.

اعمال رَسولان 2:4 Iomraidhean Croise

اِنجیلِ مَتّی 10:19

وَختی شِما ره دَسگیر کاندِنه، نِگِرون نَبوئین كه چی و چی طی بارین چوون اون مووقه اون چی وِنه بارین شِما ره هِدا بونه،

مَرقُس 16:17

و اونایی که مِ ره ایمون دارنِنه این نشونه و معجزه ها ره کاندنه: مِ اسمِ هِمراه دِوها ره بیرون کاندنه و جدیدِ زِوون هائه هِمراه گَب زَندِنه

لوقا 1:15

چوون وه خِداوندِ نَظِر، گَتِ مَردی بونه. یحیی نَووِسه هیچ وَخت، شِراب یا عَرِقِ تِک بَزِنه. حَتَّی وه شه مارِ اِشکِمِ دِله، روح‌القدسِ جِم پِر بونه،

لوقا 1:41

وَختی اِلیزابِت، مَریِمِ سِلامِ بِشنُسه، وَچه وه اِشکِمِ دِله تِکون بَخُرده، و اِلیزابِت، روح‌القدسِ جِم پِر بَییه،

لوقا 1:67

اون وَخت وه پییِر، زَکِریا، روح‌القدسِ جِم پِر بَییه و این طی نَبِوّت هاکارده:

لوقا 12:12

چوون هَمون مووقه روح‌القدس اونچی که وِنه بارینِ شِما ره گانه.»

لوقا 21:15

چوون مِن شِما ره کِلام و حِکمَتی دِمبه که هیچ کِدوم از شِمه دِشمِنون نَتونِن شِمه جِوابِ هادِن و شِمه روب رو اِیست هاکانِن.

لوقا 4:1

عیسی روح‌القُدسِ جِم پِر، اُردُنِ رودخانهِ جِم بَردَگِردِسه و خِدائه روح، وه ره صَحرائه دِله بَوِرده.

اِنجیلِ یوحنا 14:26

ولی اون پِشتیبون، یعنی روح‌القُدُس، که پییِر وه ره مِ اسمِ هِمراه رِسِندِنه، وه همه چی ره شِما ره یاد دِنه و هر چیِ که مِن شِما ره بااوتِمه ره شِمه یاد یارنه.

اِنجیلِ یوحنا 20:22

وَختی اینِ بااوته، فوت هاکارده و بااوته: «روح‌القُدُسِ بَیرین.

اعمال رَسولان 1:5

یحیی اوهِ هِمراه غسلِ تَعمید دائه، ولی شِما چَن روز دییه روح‌القُدسِ هِمراه غسلِ تَعمید گِرنِنی.»

اعمال رَسولان 1:8

ولی وَختی روح‌القُدُس شِمه سَر نازل بَووه، قِوَّت گِرنِنی و اورشَلیمِ شَهرِ دِله و تِمومِ یهودیه و سامِرهِ مَنطقه و دِنیائه دورتِرین نخطهِ جِم، مِ شاهِدون بونِنی.»

اعمال رَسولان 10:46

چوون اِشنُسِنه که وِشون دییه زِوون هائه هِمراه گَب زَندِنه و خِدا ره جِلال دانه. اون وَخت پِطرُس بااوته:

اعمال رَسولان 10:47

«اِسا که اینا اَمه واری روحِ القدسِ بَییتِنه، کی تونده مِ دَمِ بَیره که چه وِشونِ غُسلِ تَعمید دِمبه»

اعمال رَسولان 11:15

«وَختی گَب بَزوئِنِ شِروع هاکاردِمه، روح القُدُس وِشونِ وِسه بییَمو، دِرِس همون‌طی که اَوِّل اَمه وِسه بییَمو بییه.

اعمال رَسولان 11:24

چوون برنابا خوارِ مَردی ای بییه، وه ایمون و روح القدس جِم پِر بییه. اینِ وِسه یِتا گَتِ جَمیَّت خِداوندِ ایمون بیاردِنه.

اعمال رَسولان 13:52

شاگِردون روح القدس و خِشالیِ جِم پِر بینه.

اعمال رَسولان 13:9

ولی شائول، که وه ره پولُس هم گاتِنه، روح القدسِ جِم پِر بَییه، اون مَردیِ چشِ دِله ره هارِشیه و بااوته:

اعمال رَسولان 15:8

و خِدایی که دلِ جِم خَوِر دارنه، وِشونِ وِسه شِهادت هِدا و روح القُدُسِ وِشونِ هِدا، هَمون طی که اِما ره هِدا.

اعمال رَسولان 19:6

و مووقه ای که پولُس، وِشونِ سَر دَس بییِشته، روح القدس‌ وِشونِ وِسه بییَمو و وِشون یِتا دییه زِوونِ هِمراه گَب بَزونه و نَبِوّت هاکاردِنه.

اعمال رَسولان 2:11

هم یَهودی و هم اونایی که یَهودِ دینِ قبول هاکاردِنه؛ و همین طی کْرت و عربِستانِ مَردِم - همه اِشنُمبی که اینا اَمه زِوون، خِدائه قِوَّت و عجیبِ کارائه جِم گَب زَندِنه.»

اعمال رَسولان 2:3

بعد یه چی، تَشِ اَلوک واری بَدینه که رَسِد بَییه و هر کِدومِ سَر هِنیشته.

اعمال رَسولان 4:31

بعد از وِشونِ دِعا، جایی که اونجه جَمع بینه ‌لَرزه دَکِته و همه روح‌القُدُسِ جِم پِر بَینه، و خِدائه کِلامِ جِرأتِ هِمراه گاتِنه.

اعمال رَسولان 4:8

اون وَخت پِطرُس روح‌القدسِ جِم پِر بَییه، وِشونِ جِواب هِدا: «ای قومِ گَت گَتِ و مَشایخ،

اعمال رَسولان 6:3

ای بِرارون، اینِ وِسه، شه میون هَفت نَفِر که خِش نومِنه و خِدائه روح و حِکمتِ جِم پِرِنه ره انتخاب هاکانین تا وِشونِ این کارِ سَر بییِلیم

اعمال رَسولان 6:5

اونچی که رسولون بااوتِنه همه نَظِر خوار بییَمو و این آدِمونِ انتخاب هاکاردِنه: اِستیفان، مَردی که روح‌القُدُس و ایمونِ جِم پِر بییه، فیلیپُس، پْروخُروس، نیکانُر، تیمُن، پارمِناس و نیکُلائوس که اَنطاکیهِ دِله یَهودی بَییه بییه.

اعمال رَسولان 6:8

استیفان، فِیض و قِوَّتِ جِم پِر بییه و قومِ دِله خَله عجیبِ کارا و معجزات کارده.

اعمال رَسولان 7:55

ولی استیفان روح‌القُدُس جِم پِر، آسمونِ زِل بَزو، خِدائه جِلالِ بَدیئه و عیسی ره که خِدائه راسِ دَسِ وَر اِیست هاکارده بییه.

اعمال رَسولان 8:17

پَس پِطرُس و یوحنا شه دَسا ره وِشونِ سَر بییِشتِنه و وِشون روح القدوسِ بَییتِنه.

اعمال رَسولان 9:17

پَس حَنانیا راه دَکِته و اون سِره دِله بُورده. شه دَسا ره سولُسِ سَر بییِشته، بااوته: «شائول بِرار، خِداوند عیسی که وَختی اینجه اییَموئی راه دِله تِ وِسه ظاهر بَییه، مِ ره بَفرِسیه تا شه بینایی ره دِواره به دَس بیاری و روح‌ القدسِ جِم پِر بَووی.»

رومی ایشون 15:13

بوئه خِدایی که امید دِنه، شِما ره ایمونِ دِله خِشالی و آرامشِ جِم، پِر هاکانه، اون طی که روح‌القدُسِ قِوَّتِ هِمراه، امیدِ جِم پِر بوئین.

اوّلین نامِه قُرنتیانی سِه 12:10

یه نَفِرِ مُعجزاتِ اِنجام هِدائِنِ قِدرَت هِدا بونه و یه نَفِرِ دییه ره نَبِوَّت، و یه نَفرِ روح هائه تشخیص هِدائِنِ قِدرَت هِدا بونه. یه نَفِرِ، جورواجورِ زِوون ها، گَب بَزوئِنِ وِسه هِدا بونه و یه نَفِرِ دییه ره جورواجورِ زِوون ها، ترجمه هاکاردِنِ وِسه هِدا بونه.

اوّلین نامِه قُرنتیانی سِه 13:1

اگه آدِمون و فرشته هائه زِوون ها گَب بَزِنِم، ولی مِحَبَّت نِدارِم، یِتا سِنج که خَله سَر صِدا کانده و یِتا توخالی طَبلِ واریمه.

اوّلین نامِه قُرنتیانی سِه 13:8

مِحَبَّت هیچ وَخت تِموم نَوونه. ولی نَبِوّتها از بین شونه و زِوون ها تِموم بونِنه و معرفت از بین شونه.

اوّلین نامِه قُرنتیانی سِه 14:18

خِدا ره شِکر کامبه که شِما همهِ جِم ویشتَر، دییه زِوون هائه هِمراه گَب زَمبه؛

اوّلین نامِه قُرنتیانی سِه 14:5

اِسا مِن خوامبه که تِمومِ شِما دییه زِوونِ هِمراه گَب بَزِنین، ولی ویشتر خوامبه که نَبِوَّت هاکانین. اونی که نَبِوّت کانده، اونی که دییه زِوونِ هِمراه گَب زَندهِ جِم گَت تِرِ مگه اینکه یه نَفِر ترجمه هاکانه تا کلیسائه ایمون تَقویت بَووه.

اِفِسُسیان 3:19

و مَسیحِ مِحبَّتِ که بشرِ مَعرفتِ جِم بالاترِ ره بِشناسین- تا خِدائه کاملِ پِریِ جِم سَرمشت بَووین.

اِفِسُسیان 5:18

شِرابِ جِم مَست نَووین، که شِما ره بَدِ کارائه سَمت کَشِنه؛ بلکه خِدائه روحِ جِم پِر بَووین.

اِفِسُسیان 6:18

و هَمش، هر جور دِعا و خواهشِ هِمراه، خِدائه روحِ دِله دِعا هاکانین و هَمینِ وِسه بیدار و هوشیار بوئین و هَمش پایداریِ هِمراه تِمومِ مِقَدَّسینِ وِسه دِعا هاکانین.

اول پِطرُس 1:12

وِشونِ وِسه دیار بَییه که نا شه ره بلکه شِما ره خِدمِت کاردِنه، اون مووقه که اون چیائه خَوِری گَب زونه که اَلان اونِ انجیلِ پِیغوم رِسونونِ جِم اِشنُنِنی، وِشونی جِم که روح القدُسِ طریق که آسمونِ جِم بَفرِسیه بَییه، اون خَوِرِ خِشِ شِما ره دِنِنه. حَتَّی فرشته ها هم آرزو دارنِنه این چیا ره بَوینِن.

پطرسی دِوّمین نامِه 1:21

چوون هیچ نَبِوَّتی، آدِمیِ ارادهِ هِمراه نییَمو، بلکه آدِمون، روح‌القُدسِ طریق خِدائه طَرِفِ جِم گَب بَزونه.