اعمال رَسولان 2:3 - کتاب مقدس به زبان مازندرانی - گویش شرقی

³ بعد یه چی، تَشِ اَلوک واری بَدینه که رَسِد بَییه و هر کِدومِ سَر هِنیشته.

گیله ماز

³ ایما یِچّی تَشِ اَلویه مِثان بَدییَن که تقسیم هَبا و هر کُدامِ سَر بَنیشتِه.

کتاب مقدس به زبان مازندرانی - گویش غربی

³ اَزما یَچی هِتی تَشی اَلوکی تَرا بَئینِه گه رَسَد بَوِه و هر کِدیمی سَر هِنیشتِه.

اعمال رَسولان 2:3 Iomraidhean Croise

اِنجیلِ مَتّی 3:11

مِن شِما ره اوهِ هِمراه تَعمید دِمبه، ولی اونی که بَعدِ از مِن اِنه، مه جِم قویتر هَسه و مِن حَتَّی لایِقِ این کار نیمِه كه وه کوشِ، وه لینگِ وَر جِفت هاکانِم. وه شِما ره روح القدس و تَشِ هِمراه تَعمید دِنه.

اِنجیلِ مَتّی 3:15

ولی عیسی وه جِواب بااوته: «بییِل اَلان این طی بَووه، چوون اَمه وِسه این طی دِرِسِ که تِمومِ شَریعتِ حِکم، اِنجام بَرِسه» پَس یحیی قبول هاکارده.

لوقا 24:32

وِشون هَمدییه ره بااوتِنه: «وَختی راه دِله اَمه هِمراه گَب زوئه و مِقدَّسِ نوِشته ها ره اَمه وِسه توضی دائه، مگه اَمه دِل تَپ تَپ نَزو بییه»

اعمال رَسولان 1:15

یِتا از اون روزا، پِطرُس، بِرارونِ میون که حدود صد و بیست نَفِر بینه، اِیست هاکارده

اعمال رَسولان 2:11

هم یَهودی و هم اونایی که یَهودِ دینِ قبول هاکاردِنه؛ و همین طی کْرت و عربِستانِ مَردِم - همه اِشنُمبی که اینا اَمه زِوون، خِدائه قِوَّت و عجیبِ کارائه جِم گَب زَندِنه.»

اعمال رَسولان 2:2

که یِهویی یِتا صِدا، تندِ وائه صِدائه واری آسِمونِ جِم بییَمو و تِمومِ سِره ایِ که اونِ دِله نیشته بینه ره، پِر هاکارده.

اعمال رَسولان 2:4

بعد همه روح‌القُدُسِ جِم پِر بَینه و هَمون طی که روح، وِشونِ گَب بَزوئِنِ قِوَّتِ دائه، دییه زِوون هائه هِمراه گَب بَزوئِنِ شِروع هاکاردِنه.

اوّلین نامِه قُرنتیانی سِه 12:10

یه نَفِرِ مُعجزاتِ اِنجام هِدائِنِ قِدرَت هِدا بونه و یه نَفِرِ دییه ره نَبِوَّت، و یه نَفرِ روح هائه تشخیص هِدائِنِ قِدرَت هِدا بونه. یه نَفِرِ، جورواجورِ زِوون ها، گَب بَزوئِنِ وِسه هِدا بونه و یه نَفِرِ دییه ره جورواجورِ زِوون ها، ترجمه هاکاردِنِ وِسه هِدا بونه.

یعقوبِ نامه 3:6

زِوون هم تَشِ؛ یه دِنیا نادِرِسی، که اَمه تَنِ په دِله دَره و آدِمِ تِمومِ تَنِ کثیف کانده و تِمومِ وه زندگی ره تَش کَشِنه - تَشی که جَهنِّم اونِ رووشِن هاکارده!

یوحنایِ مکاشفه 11:3

و مِن شه دِتا شاهدِ اِقتدار دِمبه که پلاس دَپوشِن و هزار و دویست و شصت روز نَبِوّت هاکانِن.»

یوحنایِ مکاشفه 14:6

بعد یِتا دییه فرشته‌ بَدیمه که آسمونِ میون پرواز کارده و اَبدی اِنجیلِ شه هِمراه داشته تا اونِ اونایی که زِمینِ دِله دَرِنه، و هر ملّت و طایفه و زِوون و قومِ اِعلام هاکانه.