اعمال رَسولان 2:17 - کتاب مقدس به زبان مازندرانی - گویش شرقی

¹⁷ «‌”خدا گانه: آخِرین روزائه دِله، شه روحِ، تِمومِ مَردِمِ وِسه شَندِمبه. شِمه ریکائون و کیجائون نَبِوّت کاندنه، شِمه جِوونون رؤیا و شِمه پیرون خو ویندِنه.

گیله ماز

¹⁷ «‌”خدا گونِه: آخرین روزای دِلِه می روحِ جی تمام مَردُمِ سَر ریزِنَم. شِیمی ریکاشان و کیجاشان نَبُوّت کانَن، شِیمی جَوانان رؤیاها و شِیمی پیران خواب دینَن.

کتاب مقدس به زبان مازندرانی - گویش غربی

¹⁷ «‌”خدا گِنِه: آخرین روزایی دِلِه شی روحِ دِشتِه مَردِنی سِه ریزمِه. شِمِه ریک ریکا و کیجکیجا نَبِوّت کِنِنِه، شِمِه جَوونِن رؤیاها و شِمِه پیرِن خُو وینِنِه.

اعمال رَسولان 2:17 Iomraidhean Croise

لوقا 3:6

اون وَخت تِمومِ مَردِم خِدائه نِجاتِ ویندِنه»

اِنجیلِ یوحنا 17:2

چوون تِمومِ آدِمونِ اِختیارِ وه ره هِدایی، تا تِمومِ اونایی که تِ وه ره هِدایی ره اَبدی زندگی هاده.

اِنجیلِ یوحنا 7:39

عیسی اینِ گَبِ روحِ القُدسِ خَوِری بَزو، که اونایی که وه ره ایمون بیارِن اونِ پی دا کاندِنه چوون روح القُدس هَمتی هِدا نَییه بییه، اینِ وِسه که عیسی هَمتی جِلال نَییته بییه.

اعمال رَسولان 10:45

اون ایموندارونی که اَهلِ خَتنه جِم بینه یعنی اونایی که اِصالتاً یَهودی بینه‌ و پِطرُسِ هِمراه بییَمو بینه، وَختی بَدینه روح القدس حَتّی غیریهودیونِ وِسه هم بییَمو، مات و مَبهوت بَمونِسِنه.

اعمال رَسولان 11:27

اون روزا چَن تا پِیغَمبِر اورشَلیمِ جِم اَنطاکیه بییَمونه.

اعمال رَسولان 11:28

یِتائه اسم که آگابوس بییه، بِلِند بَییه و خِدائه روحِ هِمراه پیشگویی هاکارده که تِمومِ دِنیائه دِله بَدجور قَحطی اِنه. این قَحطی کْلودیوسِ امپراطوریِ حکومتِ دوره اتِّفاق دَکِته.

اعمال رَسولان 2:16

بلکه این همونِ که یوئیلِ پِیغَمبِر وه خَوِری این طی پیشگویی هاکارده بییه:

اعمال رَسولان 2:18

اون روزا، حَتَّی شه نوکِرون و کُلفِتونِ وِسه، شه روحِ جِم شَندِمبه و وِشون، نبِوّت کاندنه.

اعمال رَسولان 2:33

عیسی خِدائه راسِ دَسِ وَر بالا بُورده و آسِمونی پییِرِ جِم، روح‌القُدُسِ موعودِ بَییته و دَشِندیه، اینِ که اَلان ویندینی و اِشنُنِنی ره.

اعمال رَسولان 21:9

فیلیپُس چهار تا اَذِبِ کیجا داشته که نَبِوّت کاردِنه.

رومی ایشون 5:5

و امید اَمه شرمندگیِ باعث نَوونه، چوون خِدائه مِحبَّت، روح القدوسِ طریقِ جِم که اِما ره هِدا بَییه، اَمه دلهائه دِله دَشِندی بَییه.

اوّلین نامِه قُرنتیانی سِه 12:10

یه نَفِرِ مُعجزاتِ اِنجام هِدائِنِ قِدرَت هِدا بونه و یه نَفِرِ دییه ره نَبِوَّت، و یه نَفرِ روح هائه تشخیص هِدائِنِ قِدرَت هِدا بونه. یه نَفِرِ، جورواجورِ زِوون ها، گَب بَزوئِنِ وِسه هِدا بونه و یه نَفِرِ دییه ره جورواجورِ زِوون ها، ترجمه هاکاردِنِ وِسه هِدا بونه.

اوّلین نامِه قُرنتیانی سِه 12:28

خِدا کلیسائه دِله، اَوِّل رَسولون، دِوّم پِیغَمبِرون، سوّم مَلِّمون؛ بعد معجِزاتِ قِدرَت، بعد شِفا هِدائِنِ عطایا و کُمِک و مدیریت و جورواجورِ زِوون ها، گَب بَزوئِنِ وِسه تعیین هاکارده.

نامِه مَسیحینی عبرانی نِژادی سِه 1:2

ولی این آخِرین روزائه دِله، وه شه ریکائه طریق اَمه هِمراه گَب بَزو، اون ریکا که وه ره یِتا وارثِ واری، همه چیِ دِله تَعیین هاکارده و وه طریق جهانِ خَلق هاکارده.

یعقوبِ نامه 5:3

شِمه طِلا و نِقره زَنگ بَزو، و اونائه زنگ بَزوئِن، شِمه علیه گواهی دنه و تَشِ واری، شِمه تَنِ گوشتِ خوارنه. شِما آخِرِ روزائه دِله، این طی مال و مِنال جَمع هاکاردینی!

پطرسی دِوّمین نامِه 3:3

قبل از هر چی، بَدونین که آخِرین روزائه دِله کِسایی که مسخره کاندِنه، اِنِنه و شه پلیدِ خواسه هائه دِمبال دَرِنه و مسخره وار