اعمال رَسولان 19:29 - کتاب مقدس به زبان مازندرانی - گویش شرقی

²⁹ تِمومِ شَهرِ دِله بَلوا بَییه! تِمومِ مَردِم هَمدَس بَینه و مسابقاتِ میدونِ سَمت هجوم بَوِردِنه. وِشون گایوس و آریستارخُسِ که اَهلِ مَقدونیه و پولُسِ هِمراهون بینه ره کَشینه و شه هِمراه وَردِنه.

گیله ماز

²⁹ تمام شَهرِ دِلِه بَلوا هَبا! تمام مَردم هَمدَس هَبان و میدانِ مسابقاتِ سَمت هُجوم بَبِردَن. اوشان گایوس و آریستارخوس که اَهل مَقدونیه و پولُسِ هَمراهِان بان رِه، کِرِش دَنِه بان و خودشانِه هَمرهَ بَرنِه بان.

کتاب مقدس به زبان مازندرانی - گویش غربی

²⁹ دِشتِه شَهری دِلِه بَلوا بَوِه! دِشتِه مَردِن هَمدَس بَوِنِه و مِسابقاتی میدونی سَمت هِجوم بَوِردِنِه. وشون گایوس و آریستارخوسِ گه اَهل مَقدونیه و پولُسی هَمراهِن وِنِه رِه، کَشینِه و شی هَمرا وَردِنِه.

اعمال رَسولان 19:29 Iomraidhean Croise

اعمال رَسولان 13:5

وَختی سَلامیسِ شَهرِ دِله بُوردِنه، یَهودیونِ عبادتگاه هائه دِله خِدائه کِلامِ اِعلام هاکاردِنه. اونا یوحنائه معروف به مَرقُس هم شه هِمراه بَوِردِنه تا وِشونِ کُمِک هاکانه.

اعمال رَسولان 16:12

از اونجه فیلیپیِ شَهر بوردیمی که یِتا از شهرایی بییه که رومیون اونجه زندگی کاردِنه و مقدونیهِ خاکِ دِله دَییه، و چَن روز اون شَهرِ دِله بَمونِسیمی.

اعمال رَسولان 16:9

شوِ مووقه، پولُس رویائه دِله بَدیئه که یِتا مَقدونی مَردی وه پیش اِیست هاکارده و وه ره اِلتماس کانده «مقدونیه بِرو و اِما ره کُمِک هاکان.»

اعمال رَسولان 17:8

وَختی مَردِم و شَهرِ حاکِمون اینِ بِشنُسِنه، پریشون بَینه.

اعمال رَسولان 19:21

بعد از این اتفاقا، پولُس خِدائه روحِ هِمراه هِدایت بَییه که مقدونیه و اَخائیهِ مَنطقهِ راهِ جِم، اورشَلیم بَردَگِرده. پولُس گاته: «بعد از اینکه اونجه بُوردِمه، وِنه رومِ شَهرِ جِم هم دیدَن هاکانِم.»

اعمال رَسولان 19:22

بعد شه همکارونِ جِم دِ نَفِر، تیموتائوس و اِراستوسِ، مقدونیه بَفرِسیه و شه چَن وَخت آسیائه مَنطقهِ دِله بَمونِسه.

اعمال رَسولان 19:32

جَمیِّت دِله غوغا بییه ومردِم گِج بینه. همه شونگ کَشینه و هر کس یه چی گاته و ویشتر مَردِم نَدونِسِنه چیِ وِسه جَمع بَینه.

اعمال رَسولان 20:34

شه شِما دوندِنی که شه دَسِ هِمراه، شه و شه هَمراهونِ نیازها ره فِراهم هاکاردِمه.

اعمال رَسولان 20:4

پولُسِ هَمراهون اینا بینه: بیریهِ جِم سوپاتِر، پیروسِ ریکا - تِسالونیکیِ جِم، آریستارخوس و سِکوندوس - دِربِه جِم، گایوس و تیموتائوس - آسیائه جِم، تیخیکوس و تْروفیموس.

اعمال رَسولان 21:30

تِمومِ شَهر شِلوغ بَییه! مَردِم هر طَرِفِ جِم هجوم بیاردِنه و پولُسِ بَییتِنه، معبِد جِم بیرون بَکِشینه و دَرجا مَعبِدِ درا، وِشونِ دِمبالِ سَر دَوِسه بَییه.

اعمال رَسولان 21:38

مَگه تِ هَمون مصری نیئی که چَن وَخت قبل شورش هاکارده و چهار هزارتا آدِمکُشِ شه هِمراه صَحرائه دِله بَوِرده؟»

اعمال رَسولان 27:2

پَس کَشتی ای که اَدرامیتینوسِ شَهرِ جِم بییَمو بییه و آسیائه مَنطقهِ بندرها شییه ره، سِوار بَیمی و راه دَکِتیمی. آریستارخوسِ مَقدونی، که تِسالونیکیِ جِم بییه هم اَمه هِمراه دَییه.

رومی ایشون 16:23

گایوس که مِ جِم و تِمومِ اینجهِ کلیسائه آدِمونِ جِم مِهمون نِوازی هاکارده، شِمه وِسه سِلام رِسِندِنه. اِراستوس که شَهرِ خزونه‌دارِ، و اَمه بِرار کوآرتوس شِمه وِسه سِلام رِسِندِنِنه.

اوّلین نامِه قُرنتیانی سِه 1:14

خِدا ره شِکر کامبه که اِلّا، کْریسپوس و گایوس، شِمه جِم هیچ کی دییه ره تَعمید نِدامه،

اوّلین نامِه قُرنتیانی سِه 4:9

چوون مِن فکر کامبه که خِدا اِما رَسولونِ، همهِ مَردمِ جِم آخِرتَر، تماشائه وِسه بییِشته. اونایی واری که بَمِردَنِ وِسه مَحکوم بَینه چوون دِنیا، فرشته ها و آدِمون اِما ره تِماشا کاندِنه.

دوّمین نامه قرنتیانِ وَسین 8:19

و نا فِقَط این، بلکه اون بِرار کِلیساهائه طَرِفِ جِم تعیین بَییه تا این کارِ خیر که اونِ اِنجام هِدائِن و اداره هاکاردِن اَمه وظیفه ئه، اَمه هِمراه همسَفِر بَووه. اون کاری که خِداوندِ جِلالِ وِسه هَسه و اَمه خیرخواهی ره هم سِراغ دِنه.

کولُسیان 4:10

آریستارخوس که مِ هِمراه زِندونِ دِله دَره، شِمه وِسه سِلام رِسِندِنه؛ همین طی هم مَرقُس، بَرنابائه عمو پِسِر، شِمه وِسه سِلام دارنه. که قبلاً وه خَوِری شِما ره سفارش هاکاردِمه که هر وَخت شِمه پَلی بِیّه، گرمیِ هِمراه وه ره قبول هاکانین.

فیلیمون 1:24

همین طی مِ همکارون، مَرقُس، آریستارخوس، دیماس و لوقا تِ وِسه سِلام رِسِندِنِنه.

سوّم یوحنا 1:1

شیخِ جِم، عزیزِ گایوسِ که مِن وه ره ’حَییقتِ‘ دِله دوس دارمه.