اعمال رَسولان 19:28 - کتاب مقدس به زبان مازندرانی - گویش شرقی

²⁸ وِشون وَختی اینِ بِشنُسِنه، خَله عَصِبانی بَینه، داد بَزونه که «گَتِ، اَفِسُسیونِ آرتِمیس!»

گیله ماز

²⁸ اوشان وَختِی اینه بِشنَوِسَّن، خِیلی عَصبانی هَبان، داد بَزَن که «گَتِه هیسِه، اَفِسُسیِانِ آرتِمیس!»

کتاب مقدس به زبان مازندرانی - گویش غربی

²⁸ وِشون وختی هَینِه بِشنُسِنِه، خِیلی عَصبانی بَوِنِه، داد بَزونِه گه «گَتِ، اَفِسُسیِنی آرتِمیس!»

اعمال رَسولان 19:28 Iomraidhean Croise

اِنجیلِ مَتّی 2:16

وَختی هیرودیس سَرساب بَییه كه عالمینِ سِتارِه شِناس وه ره گول بَزونِه، خَله عَصِبانی بَییه و طِبقِ تاریخی که سِتارِه شِناسون جِم خَوِردار بَییه بییه، آدِم بَفرِسیه تِمومِ ریکا وَچونِ که دِ سال و دِ سال کَمتِر بینه ره، بیت لِحِم و تِمومِ اون مَنطقهِ دِله بَکوشِن،

اعمال رَسولان 18:19

وَختی اَفِسُسِ شَهر بَرِسینه، پولس شه هَمسَفِرونِ جِم سیوا بَییه و شه، عبادتگاه بُورده، یَهودیونِ هِمراه بَحث هاکارده.

اعمال رَسولان 19:24

یِتا نِقره‌کار که وه اِسم دیمیتریوس بییه و آرتمیس مَعبِدِ جِم نِقره ای کارا ساته و این راهِ جِم خَله درآمد صنعتگرونِ عاید هاکارده بییه،

اعمال رَسولان 7:54

شورائه آدِمون وَختی این گَب ها ره بِشنُسِنه، عصبانیتِ جِم تَش بَییتِنه و شه دَندونا ره جِق دانه.

یوحنایِ مکاشفه 12:12

پَس اِی آسمونون و ای کِسایی که آسمونونِ دِله دَرِنی، خِشالی هاکانین! ولی وای به حالِ شِما، ای زِمین، و اِی دریا، چوون که اِبلیس بَدجور غیظِ هِمراه شِمه سَر جِر بَییَمو، چوون دونده وَخت کَمِ.»

یوحنایِ مکاشفه 13:4

مَردِم اژدها ره پِرسش کاردِنه، چوون شه اقتدارِ اون وحشی جانورِ هِدا بییه. و اون وحشی جانورم پرسِش کاردِنه و گاتِنه: «کیِ که بَتونه اون وحشی جانورِ واری بوئه؟ کیِ که بَتونه وه هِمراه جَنگ هاکانه؟»

یوحنایِ مکاشفه 17:13

وِشون همه یِتا فکر دارنِنه و شه قِدرَت و اِقتدارِ اون وحشی جانورِ دِنِنه.