اعمال رَسولان 19:27 - کتاب مقدس به زبان مازندرانی - گویش شرقی

²⁷ و این خَطِر دَره که نا فِقَط اَمه کسبِ کار، رونقِ جِم دَکِفه، بلکه آرتِمیس اَمه گَتِ الههِ معبد هم هیچ بَووه و حَتَّی شه عَظِمتِ از دَس هاده، وه که تِمومِ آسیائه مَنطقه و دِنیائه دِله پَرَسِش بونه.»

گیله ماز

²⁷ وَ این خطر دَرِه که نه فقط اَمِی کاسبی رونقِ جی دَکِه، بَلکِه آرتِمیس اَمِی گَتِه اِلهه یه معبد هم هیچ هَبو، وَ حتی خودِشِه عَظِمَتِ اَز دَس هَدِه. اونکه تمام آسیای منطقه و دُنیایِ دِلِه پَرسِش بونِه.»

کتاب مقدس به زبان مازندرانی - گویش غربی

²⁷ و هَین خطر دَرِه گه نا فقط اَمِه کسب و کار رونقی جا دَکِفِه، بَلگی آرتِمیس اَمِه گَتِه اِلهه ای معبد هَم هیچ بَوو، و حتّی شی عَظِمَتِ از دَس هادِه. ویگِه دِشتِه آسیایی مَنطقِه و دِنیایی دِلِه پَرسِش وونِه.»

اعمال رَسولان 19:27 Iomraidhean Croise

اِنجیلِ مَتّی 23:13

«وای به حال شِما اِی توراتِ مَلِّمون وعُلِمائه فَریسیِ دِرو! شِما آسِمونِ پادشاهیِ دَرِ، مَردِم رو وَندِنِنی، نا شه دِله شونِنی، و نا اییِلنِنی اونایی که راهِ دِله دَرِنه هم، دِله بورِن.

اِنجیلِ مَتّی 24:14

سَر آخِر وَختی پادشاهیِ خَوِرِ خِش، تِمومِ دِنیائه آدِمون گوش بَرِسه و تِمومِ قوم ها اونِ جِم خَوِر دار بَوِون، اون وَخت دِنیا به آخِر رِسِنِه.

اعمال رَسولان 19:10

دِ سال همین طی بُگذِشته و این مُدّتِ دِله، تِمومِ آسیائه مَنطقهِ مَردِم، چه یهودی و چه یونانی، خِداوندِ کِلامِ بِشنُسِنه.

اعمال رَسولان 19:21

بعد از این اتفاقا، پولُس خِدائه روحِ هِمراه هِدایت بَییه که مقدونیه و اَخائیهِ مَنطقهِ راهِ جِم، اورشَلیم بَردَگِرده. پولُس گاته: «بعد از اینکه اونجه بُوردِمه، وِنه رومِ شَهرِ جِم هم دیدَن هاکانِم.»

اول تیموتائوس 6:5

و هَمش مَردِمِ میون جَنگ و جِدالِ باعث بونه که وِشونِ فکر فاسد بَییه و حَییقَتِ جِم بی نَصیب بونِنه، خیال کاندِنه، دینداری یِتا وسیله منفعتِ وِسه هَسه.

اوّل یوحنا 5:19

اِما دومبی که خدائه جِم هَسیمی و تِمومِ دِنیا اون شَریرِ قِدرتِ بِن دَره.

یوحنایِ مکاشفه 13:3

یِتا از اون وحشی جانورِ کلّه ها اِنگاری یِتا کُشنده زَخم بَییته بییه، ولی اون کُشنده زخم خوار بَییه بییه و تِمومِ زِمین بِهت هاکاردِنه و اون وحشی جانورِ جِم پیروی هاکاردِنه.

یوحنایِ مکاشفه 13:8

و تِمومِ اونایی که زِمینِ سَر دَرِنه و اون وحشی جانورِ پَرَسِش کاندِنه - یعنی هر کس که وه اسم، وَرهِ حیاتِ دفتر دِله بَنوشته نَییه، هَمون وَره که قبل از این که دِنیا خَلق بَووه، قِروونی بَییه بییه.

یوحنایِ مکاشفه 14:9

بعد یِتا دییه فرشته یعنی سِوّمین فرشته اون دِتائه دِمبال سَر بییَمو و یِتا بِلِندِ صِدائه هِمراه بااوته: «اگه کِسی اون وحشی جانور و وه مجسمه ره پَرَسِش هاکانه و شه پیشونی سَر یا شه دَسِ سَر وه علامِتِ قبول هاکانه،