اعمال رَسولان 19:23 - کتاب مقدس به زبان مازندرانی - گویش شرقی

²³ هَمون مووقه، اَهل ’طریقتِ‘ علیه یِتا گَتِ بَلوا بِلِند بَییه.

گیله ماز

²³ هَمون موقِه، علیِه اَهلِ ’طریقت‘ ایتا گَتِه بَلوا بُلَند هَبا.

کتاب مقدس به زبان مازندرانی - گویش غربی

²³ هَمون موقِه، اَهلِ’طریقتی‘ علِیه یَتِه گَتِه بَلوا بِلَن بَوِه.

اعمال رَسولان 19:23 Iomraidhean Croise

اعمال رَسولان 18:26

آپولُس جِرأتِ هِمراه یَهودیونِ عِبادَتگاهِ دِله گَب بَزوئِنِ شِروع هاکارده. ولی وَختی پْریسکیلا و آکیلا وه گَبِ بِشنُسِنه، وه ره یِتا گوشه بَکِشینه و خِدائه راهِ، دِرِستر وه ره سِراغ هِدانه.

اعمال رَسولان 19:9

ولی بعضیا سَرسختی کاردِنه و ایمون نیاردِنه و همهِ چِشِ پَلی اَهلِ، ’طریقتِ‘ بَد گاتِنه. پَس پولُس شه شاگردونِ بَییته و وِشونِ جِم دور بَییه، و تِمومِ روز، تیرانوسِ مدرسهِ دِله بحث کارده و گَب زوئه.

اعمال رَسولان 22:4

مِن ’اَهلِ طَریقَتِ‘ تا مَرگ، آزار بَرِسِندیمه و وِشونِ چه زِنا چه مَردی، دَسگیر کاردِمه و زِندونِ دِله دِم دامه.

اعمال رَسولان 24:14

ولی شِمه پَلی اِعتراف کامبه که طبقِ طَریقت که وِشون وه ره یِتا فِرقه دوندِنه، شه پییِرونِ خِدا ره پَرَسِش کامبه و هر اونچی هم که تورات و پیغمبِرونِ نوِشتهِ دِله بَنوِشته بَییه ره اعتقاد دارمه.

اعمال رَسولان 24:22

اون وَخت فِلیکْس که طَریقتِ خَله خوار اِشناسیه، محاکمه ره یه وَختِ دییهِ وِسه بییِشته و بااوته: «وَختی فَرمونده لیسیاس بِیّه، اون مووقه شِمه شکایتِ وِسه تَصمیم گِرمه.»

اعمال رَسولان 9:2

و وه جِم دَمشقِ عبادتگاه هائه وِسه نامه بَخواسه تا اونایی ره که عیسیِ دِمبالِرو هَسِنه و وِشونِ اَهل طریقت گاتِنه ره چه زِنا و چه مَردی، دَسگیر هاکانه و اورشَلیم بیاره.

دوّمین نامه قرنتیانِ وَسین 11:26

اون سَفر هائه دِله که پِشت در پِشت شیمه: رودخانه هائه خَطِرِ دِله، دِزائه خَطِر، شه قوم خَطِرِ جِم، غیرِ یَهودیونِ خَطِر؛ شَهرِ دلهِ خَطِر، صحرائه دلهِ خَطِر، دریائه دلهِ خَطِر؛ خطری که دِراغی بِرارونِ جِم داشتِمه؛

دوّمین نامه قرنتیانِ وَسین 6:5

کتک بَخُردَن هائه مووقه، زندونهائه دِله، بَلواهائه دِله، سختِ کارهائه دِله، شوِ نَخواتِن ها دِله، و وِشنایی هائه دِله؛ سِراغ دامی که خِدائه نوکِرون هَسیمی.

دوّمین نامه قرنتیانِ وَسین 6:9

اَمه هِمراه بی نام و نِشون هائه واری رِفتار بونه، با این حال اِما ره اِشناسِنِنه؛ اَمه هِمراه مِرده هائه واری رِفتار بونه، با این حال هارِشین هَمتی زِندِمی؛ اَمه هِمراه جوری رِفتار بونه که اِنگار مجازاتِ دِله دَرِمبی، با این حال هَمتی اِما ره نَکوشتِنه؛