اعمال رَسولان 19:22 - کتاب مقدس به زبان مازندرانی - گویش شرقی

²² بعد شه همکارونِ جِم دِ نَفِر، تیموتائوس و اِراستوسِ، مقدونیه بَفرِسیه و شه چَن وَخت آسیائه مَنطقهِ دِله بَمونِسه.

گیله ماز

²² ایما خودِشِه همکارانِ جی دو نفر، تیموتائوس و اِراستوسِ به مَقدونیه روانه هَکوردِه و خودِش چَن وَخت آسیای منطقه یه دِلِه بُمانِسّه.

کتاب مقدس به زبان مازندرانی - گویش غربی

²² اَزما شی همکارِنی جا دِ نفر، تیموتائوس و اِراستوسِ مَقدونیه ای سِه بَرِسانیِه و شِه چَن وَخت آسیایی مَنطقِه ای دِلِه بَمونِسِه.

اعمال رَسولان 19:22 Iomraidhean Croise

اعمال رَسولان 13:5

وَختی سَلامیسِ شَهرِ دِله بُوردِنه، یَهودیونِ عبادتگاه هائه دِله خِدائه کِلامِ اِعلام هاکاردِنه. اونا یوحنائه معروف به مَرقُس هم شه هِمراه بَوِردِنه تا وِشونِ کُمِک هاکانه.

اعمال رَسولان 16:1

پولُس اَوِّل دِربِه و بعد لِستْرهِ شَهر بُورده. اونجه یِتا شاگِرد که وه اسمِ تیموتائوس بییه زندگی کارده که وه مار یَهودی و ایموندار بییه، ولی وه پییِر یونانی بییه.

اعمال رَسولان 16:3

پولُس چوون خواسه وه سَفِرِ دِله وه ره هِمراهی هاکانه، یَهودیونِ خاطِری که اون مَنطقهِ دِله زندگی کاردِنه، وه ره خَتِنه هاکارده، چوون همه دونِسِنه وه پییِر یونانیه.

اعمال رَسولان 18:5

وَختی سیلاس و تیموتائوس مَقدونیهِ جِم بییَمونه، پولُس تِمومِ شه وَختِ، خِدائه کِلامِ وِسه بییشته بییه، یَهودیونِ شِهادت دائه که مَسیحِ موعود هَمون عیسیِ.

اعمال رَسولان 19:10

دِ سال همین طی بُگذِشته و این مُدّتِ دِله، تِمومِ آسیائه مَنطقهِ مَردِم، چه یهودی و چه یونانی، خِداوندِ کِلامِ بِشنُسِنه.

اعمال رَسولان 19:21

بعد از این اتفاقا، پولُس خِدائه روحِ هِمراه هِدایت بَییه که مقدونیه و اَخائیهِ مَنطقهِ راهِ جِم، اورشَلیم بَردَگِرده. پولُس گاته: «بعد از اینکه اونجه بُوردِمه، وِنه رومِ شَهرِ جِم هم دیدَن هاکانِم.»

اعمال رَسولان 19:29

تِمومِ شَهرِ دِله بَلوا بَییه! تِمومِ مَردِم هَمدَس بَینه و مسابقاتِ میدونِ سَمت هجوم بَوِردِنه. وِشون گایوس و آریستارخُسِ که اَهلِ مَقدونیه و پولُسِ هِمراهون بینه ره کَشینه و شه هِمراه وَردِنه.

اعمال رَسولان 20:1

وَختی بلوا تِموم بَییه، پولُس، شاگردونِ شه پَلی صدا هاکارده و بعد از این که وِشونِ تَشویق هاکارده، وِشونِ هِمراه خِداحافظی هاکارده و مقدونیهِ مَنطقه سمت راه دَکِته.

اعمال رَسولان 20:34

شه شِما دوندِنی که شه دَسِ هِمراه، شه و شه هَمراهونِ نیازها ره فِراهم هاکاردِمه.

رومی ایشون 16:23

گایوس که مِ جِم و تِمومِ اینجهِ کلیسائه آدِمونِ جِم مِهمون نِوازی هاکارده، شِمه وِسه سِلام رِسِندِنه. اِراستوس که شَهرِ خزونه‌دارِ، و اَمه بِرار کوآرتوس شِمه وِسه سِلام رِسِندِنِنه.

دوّمین نامه قرنتیانِ وَسین 1:16

مِن خواسِمه که شه راهِ سَر به مقدونیه شِما ره بَوینِم و مقدونیهِ جِم اَی هم شِمه پَلی بَردَگِردِم تا مِ ره یَهودیهِ مَنطقه راهی هاکانین.

دوّمین نامه قرنتیانِ وَسین 11:9

و اون مووقه که من شِمه هِمراه دَیمه و یه چیِ محتاج بیمه، هیچ کسِ دوشِ سَر باری نییِشتِمه، چوون برارونی که مقدونیهِ مَنطقهِ جِم بییَمونه مِ احتیاجاتِ برطرف هاکاردِنه. و مِن هیچ باری شِمه دوشِ سَر نیشته بیمه و نییِلمه.

دوّمین نامه قرنتیانِ وَسین 2:13

ولی اَی آروم و قِرار نِداشتِمه چوون شه بِرار تیتوسِ پی دا نَکاردِمه. پَس اونجهِ مَردِمِ هِمراه خِداحافظی هاکاردِمه، مقدونیهِ مَنطقه بوردِمه.

دوّمین نامه قرنتیانِ وَسین 8:1

ای بِرارون، خوامبی شِما ره اون فیضی جِم که خِدا مقدونیهِ مَنطقهِ کلیساها ره هِدا، باخَوِر هاکانیم.

دوّمین نامه قرنتیانِ وَسین 8:19

و نا فِقَط این، بلکه اون بِرار کِلیساهائه طَرِفِ جِم تعیین بَییه تا این کارِ خیر که اونِ اِنجام هِدائِن و اداره هاکاردِن اَمه وظیفه ئه، اَمه هِمراه همسَفِر بَووه. اون کاری که خِداوندِ جِلالِ وِسه هَسه و اَمه خیرخواهی ره هم سِراغ دِنه.

اوّل تِسالونیکیان 1:8

چوون نا فِقَط خِداوندِ کِلام شِمه طریق مقدونیه و اَخائیه مَنطقه هائه دِله دَپیته، بلکه شِمه ایمون داشتن به خِدا، تِک هائه سَر دَکِته، جوری که دییه لازم نییه اِما یه چی باریم.

دوم تیموتائوس 4:20

اِراستوس قُرِنتُسِ شَهرِ دِله بَمونِسه، و مِن، تْروفیموس که ناخِش بییه ره، میلیتوسِ شَهرِ دِله سَر اییِشتِمه.