اعمال رَسولان 19:21 - کتاب مقدس به زبان مازندرانی - گویش شرقی

²¹ بعد از این اتفاقا، پولُس خِدائه روحِ هِمراه هِدایت بَییه که مقدونیه و اَخائیهِ مَنطقهِ راهِ جِم، اورشَلیم بَردَگِرده. پولُس گاته: «بعد از اینکه اونجه بُوردِمه، وِنه رومِ شَهرِ جِم هم دیدَن هاکانِم.»

گیله ماز

²¹ بعدِ این اِتفاقان، پولُس خُدای روحِ هَمرهَ هِدایت هَبا که مَقدونیه و اَخائیه یه منطقه یه راهِ جی به اورشَلیمِ وَگِردِه. پولُس گونِه با: «بعدِ اینکه اوجِه بَشَم، بایسّی رومِ شهرِ جی هم دیدَن هَکُنَم.»

کتاب مقدس به زبان مازندرانی - گویش غربی

²¹ بعد از هَین اِتِّفاقا، پولُس خِدایی روحی هَمرا هِدایت بَوِه گه مَقدونیه و اَخائیه ای مَنطقِه ای راهی جا اورشَلیمی سِه دَگِردِه. پولُس گِتِه: «بعد از هَینگه اوجِه بوردِمِه، وِنِه رومی شهری جا هَم دیدَن هاکِنِم.»

اعمال رَسولان 19:21 Iomraidhean Croise

اعمال رَسولان 16:12

از اونجه فیلیپیِ شَهر بوردیمی که یِتا از شهرایی بییه که رومیون اونجه زندگی کاردِنه و مقدونیهِ خاکِ دِله دَییه، و چَن روز اون شَهرِ دِله بَمونِسیمی.

اعمال رَسولان 18:12

ولی اون مووقه که گالیو، اَخائیهِ مَنطقه حاکم بییه، یَهودیون هَمدَس بَینه، پولُسِ سَر دَکِتِنه و وه ره مَحکمه بیاردِنه،

اعمال رَسولان 18:21

و وِشونِ هِمراه خِداحافظی هاکارده، بااوته: «اگه خِدا بِخوائه اَی دِواره شِمه پَلی اِمبه.» بعد یِتا کَشتی سِوار بَییه و اَفِسُسِ جِم بورده.

اعمال رَسولان 19:22

بعد شه همکارونِ جِم دِ نَفِر، تیموتائوس و اِراستوسِ، مقدونیه بَفرِسیه و شه چَن وَخت آسیائه مَنطقهِ دِله بَمونِسه.

اعمال رَسولان 19:29

تِمومِ شَهرِ دِله بَلوا بَییه! تِمومِ مَردِم هَمدَس بَینه و مسابقاتِ میدونِ سَمت هجوم بَوِردِنه. وِشون گایوس و آریستارخُسِ که اَهلِ مَقدونیه و پولُسِ هِمراهون بینه ره کَشینه و شه هِمراه وَردِنه.

اعمال رَسولان 20:16

پولُس تَصمیم داشته دریائه راهِ جِم اَفِسُسِ وَرِ جِم بِگذره تا شه وَختِ آسیائه مَنطقهِ دِله هَدِر نَده، چوون که عَجِله داشته که اگه بووه، پِنتیکاستِ روز اورشَلیم دِله دَووه.

اعمال رَسولان 20:22

«و اِسا، خِدائه روحِ هدایتِ هِمراه اورشَلیم شومبه و ندومبه اونجه چی مِ سَر اِنه؛

اعمال رَسولان 21:17

وَختی اورشَلیم بَرِسیمی، بِرارون ‌خِشالیِ هِمراه اَمه پیشواز بییَمونه.

اعمال رَسولان 21:4

شاگردونِ اونجه پی دا هاکاردیمی، هَفت روز وِشونِ پَلی بَمونِسیمی. وِشون خِدائه روحِ هدایتِ هِمراه، پولُسِ بااوتِنه اورشَلیم نَشوئه.

اعمال رَسولان 23:11

هَمون شو، خِداوند پولُسِ پَلی اِیست هاکارده و بااوته: «تِ دِل قِرص بوئه! همون‌طی که اورشَلیمِ دِله مِ ره شِهادِت هِدایی، رومِ دِله هم وِنه شِهادِت هادی.»

اعمال رَسولان 27:1

وَختی تَصمیم بَییتِنه که اِما، دریائه راهِ جِم ایتالیا بُوریم، پولُس و چَن تا دییه از زِندونیونِ، یِتا اَفسِر که وه اسم یولیوس و اِمپراطورِ گوردانِ جِم بییه، تحویل هِدانه.

اعمال رَسولان 27:24

و بااوته: ”پولُس، نَتِرس. تِ وِنه محاکمهِ وِسه، اِمپراطورِ پلی حاضر بَووی، و حَییقَتاً خِدا تِمومِ تِ همسَفِرونِ جانِ هم تِ ره بِبَخشیه.“

اعمال رَسولان 28:16

وَختی روم بَرِسیمی، پولُسِ اِجازه هِدانه تا یِتا محافظِ سربازِ هِمراه شه سِره دِله بَمونه.

رومی ایشون 1:11

چوون شِمه بَدیئِنِ وِسه ذوق دارمه تا روحانی عطایا، شِمه ایمونِ تقویتِ وِسه شِما ره هادِم-

رومی ایشون 1:13

ای بِرارون، نِخوامبه بی خَوِر بوئین که چَن کَش خواسِمه شِمه پَلی بِیِّم، ولی هر کَش یه چی پیش بییَمو. خوامبه که شِمه میون هم اَت کم محصول دِرو هاکانِم، هَمون طی که دییه غیر یَهودیونِ میون هاکاردِمه.

رومی ایشون 1:15

اینِ وِسه خَله ذوق دارمه، انجیلِ شِمه وِسه که رومِ دِله زندگی کاندینی، اِعلام هاکانِم.

اوّلین نامِه قُرنتیانی سِه 16:5

بعد از این که مقدونیهِ مَنطقهِ جِم بُگذِشتِمه شِمه پَلی اِمبه، چوون مقدونیه جِم رد بومبه.

اوّلین نامِه قُرنتیانی سِه 4:19

ولی اگه خِدا بِخوائه، خَله زود شِمه پَلی اِمبه و نا فِقَط این مَغرورونِ گَبِ وِسه، بلکه تا وِشونِ قِوَّتِ هم پِی بَوِرِم.

دوّمین نامه قرنتیانِ وَسین 10:16

تا بَتونیم انجیلِ اون دیارائه دِله که شِمه جِم دورِنه اِعلام هاکانیم. چوون نِخوامبی اون کاری ره که یه نَفِرِ دییه قبلتر شه سامونِ دِله هاکارده ره اِفتخار هاکنیم.

غَلاطیان 2:1

بَعدِ چهارده سال، اَت کَش دییه بَرنابائه هِمراه اورشَلیم بوردِمه و تیتوسِ هم شه هِمراه بَوِردِمه.

اوّل تِسالونیکیان 1:7

هَمون طی که شِما تِمومِ مَقدونیه و اَخائیهِ اِیموندارونِ وِسه سَرمخش بَینی،