اعمال رَسولان 19:19 - کتاب مقدس به زبان مازندرانی - گویش شرقی

¹⁹ خَیلیا هم که قبل از اون جادوگری کاردِنه، شه کتاب ها ره بیاردِنه و همهِ چِشِ پَلی بَسوزِندینه. وَختی کتاب هائه قیمتِ حِساب هاکاردِنه، پِنجاه هزار تا نِقره سِکّه بییه.

گیله ماز

¹⁹ خِیلیان هَم که پِش اَزون جادوگری کِانِه بان، خودشانِه کتابِشانِ بیاردِن و همه یه چِشمِ وَر بَسوزاندِن. وَختِی کتابِشانِ قیمَتِ حِساب هَکُردَن، پَنجاه هِزار تا سِکِّه نِقره با.

کتاب مقدس به زبان مازندرانی - گویش غربی

¹⁹ خِیلیا هَم گه پِش اَزون جادوگری کِردِنِه، شی کیتابیشونِه بیاردِنِه و هَمه ای چِشی وَر بَسوجانینِه. وختی کیتابیشونی قیمَتِ حِساب هاکِردِنِه، پَنجاه هِزار تا نِقره سِکِّه وِه.

اعمال رَسولان 19:19 Iomraidhean Croise

لوقا 14:33

همین طی، هیچ‌ کِدوم از شِما هم اگه تِموم چیایی جِم که دارنه دَس نَکِشه، نَتونده مِ شاگرد بوئه.

لوقا 15:8

«و یا کِدوم زِنائه که دَه تا نِقره سِکّه داره و وَختی یِتا از اونا گوم بَووه، لَمپا رووشِن نَکانده و سِره ره سازه نَزِنده و تا اونِ پی دا نَکارده، بَگِردِسِنه جِم اِیست نَکانده؟

اعمال رَسولان 13:6

وِشون تِمومِ جزیره ره بَگِردِسِنه تا پافوسِ شَهر بَرِسینه. اونجه یِتا یَهودی مَردی که وه اسم بارْ‌یِشوع بییه ره بَدینه، که دِراغی پِیغَمبِر و جادوگر بییه.

اعمال رَسولان 13:8

ولی اون جادوگر - که وه اسم مَعنی عالم بییه- وِشونِ هِمراه مخالفت هاکارده و تَقِلّا کارده نییِله فرموندار ایمون بیاره.

اعمال رَسولان 19:18

و خَله از اونایی که ایمون بیارده بینه، جلو بییَمونه، شه کارا ره آشکارا اِعتراف هاکاردِنه.

نامِه مَسیحینی عبرانی نِژادی سِه 10:34

چوون شِما اونایی هِمراه که زِندونِ دِله دَینه، همدردی کاردینی و اون مووقه که شِمه مال و مِنالِ غارِت کاردِنه خِشالیِ هِمراه قبول کاردینی، چوون شِما شه دونِسِنی یِتا بهترِ مال و مِنالِ صاحابِنی که تا اَبد موندِنه.