اعمال رَسولان 19:1 - کتاب مقدس به زبان مازندرانی - گویش شرقی

¹ ولی مووقه ای که آپولُس قُرِنتُسِ شَهرِ دِله دَییه، پُولس بعد از اینکه اون مَنطقهِ خِشکی راهِ جِم بُگذِشته، اَفِسُسِ شَهر بَرِسیه. اونجه چَن تا شاگرد پی دا هاکارده

گیله ماز

¹ وَلی موقِه ایی که آپولُس قُرِنتُسِ شهرِ دِلِه دَبا، پولُس بعدِ اینکه اون منطقه یه خُشکی یه راهِ جی بُگذشتِه، به اَفِسُسِ شهر بَرِسیِه. اوجِه چَن تا شاگِرد پیدا هَکوردِه

کتاب مقدس به زبان مازندرانی - گویش غربی

¹ ولی موقِه ای گه آپولُس قُرِنتُسی شهری دِلِه دَوِه، پولُس بعد از هَینگِه هون مَنطقِه ای خِشکی ای راهی جا بِگذِشتِه، اَفِسُسی شهری سِه بَرِسیِه. اوجِه چَن تا شاگِرد بَنگیتِه

اعمال رَسولان 19:1 Iomraidhean Croise

اعمال رَسولان 18:1

بعد از این، پولُس آتِنِ جِم، قُرِنتُسِ شَهر بُورده.

اعمال رَسولان 18:8

ولی عبادتگاه رئیس کْریسپوس، تِمومِ شه خانوادهِ هِمراه خِداوندِ ایمون بیاردِنه. همین طی هم قُرِنتُسِ اَهالیِ جِم خَیلیا وَختی پیغومِ بِشنُسِنه، ایمون بیاردِنه و غسل تَعمید بَییتِنه.

اعمال رَسولان 19:17

اَفِسُسِ شَهرِ تِمومِ مَردِم، چه یَهودی و چه یونانی، این جَریانِ جِم خَوِردار بَینه، وِشون همه ره تَرس بَییته، جوری که از اون بعد عیسیِ خِداوندِ اسمِ خَله اِحترام اییِشتِنه.

اعمال رَسولان 19:26

ولی هَمون طی که ویندِنی و اِشنُنِنی، این پولُس نا فِقَط اَفِسُسِ دِله، بلکه تِمومِ آسیائه مَنطقهِ دِله، یَته خَله مَردِمِ قانع و گُمراه هاکارده. وه گانه خِدایونی که آدِمی دَسِ جِم بِساته بونِنه، خِدایون نینه.

اعمال رَسولان 20:16

پولُس تَصمیم داشته دریائه راهِ جِم اَفِسُسِ وَرِ جِم بِگذره تا شه وَختِ آسیائه مَنطقهِ دِله هَدِر نَده، چوون که عَجِله داشته که اگه بووه، پِنتیکاستِ روز اورشَلیم دِله دَووه.

اعمال رَسولان 20:18

وَختی بییَمونه، پولُس وِشونِ بااوته: «شِما شه هم خَوِر دارنِنی که هَمون اَوِّلین روز که آسیائه مَنطقهِ دِله لینگ بییِشتِمه، چی طی شه تِمومِ وَختِ شِمه هِمراه سَر هاکاردِمه.

اعمال رَسولان 21:29

وِشون قبلتَر تْروفیموسِ اَفِسُسی ره شَهرِ دِله، پولُسِ هِمراه بَدیئه بینه و خیال کاردِنه پولُس وه ره مَعبِدِ دِله بَوِرده.

اوّلین نامِه قُرنتیانی سِه 1:12

مِ مَنظور اینِ که شِمه جِم یه نَفِر گانه، «مِن پولُسِ دِمبالرو هَسِمه»؛ اون یِتا گانه، «مِن آپولُسِ دِمبالرو هَسِمه»؛ یِتا دییه گانه، «مِن کیفائه دِمبالرو هَسِمه»؛ و یه نَفِر دییه هم گانه، «مِن مَسیحِ دِمبالرو هَسِمه.»

اوّلین نامِه قُرنتیانی سِه 15:32

اگه مِن اَفِسُسِ شَهرِ آدِمون که وَحشیِ حیوونونِ وارینه، جَنگ هاکاردِمه، مِ وِسه چه سودی داشته. آدِمیِ دید، گَب زَمبه اگه مِرده ها زنده نَوونِنه، «بِئین بَخُریم و بَنوشیم چوون فِردا مییِرمی.»

اوّلین نامِه قُرنتیانی سِه 16:12

اِسا اَمه بِرار آپولُسِ خَوِری، خَله وه جِم بَخواسِمه که بَقیه بِرارونِ هِمراه شِمه پَلی بِیّه، ولی اَصلاً راضی نَییه که اَلان بِیّه. ولی هر وَخت فرصت هاکانه، اِنه.

اوّلین نامِه قُرنتیانی سِه 16:8

ولی تا پِنتیکاستِ عید، اَفِسُسِ شَهرِ دِله موندِمبه

اوّلین نامِه قُرنتیانی سِه 4:6

ای بِرارون، مِن همهِ این چیا ره شه خَوِری و آپولُسِ خَوِری شِمه خیر و صِلاحِ وِسه بااوتِمه تا شِما این گَب هائه مَعنی ره اَمه جِم یاد بَیرین که، اونچیِ جِم که بَنوِشته بَییه، جلوتر نَشوئین. تا هیچ کِدوم از شِما، یه نَفِرِ دییهِ روب رو فَخر نَکِنه.

اِفِسُسیان 1:1

پولُسِ طَرِف جِم که خِدائه خواسِ هِمراه، مَسیحْ عیسیِ رَسولِ، مِقدَّسینی ره که اَفِسُسِ شَهرِ دِله دَرِنه، اونایی که مَسیحْ عیسیِ دِله وِفادارِنه: