اعمال رَسولان 18:9 - کتاب مقدس به زبان مازندرانی - گویش شرقی

⁹ یِتا شو خِداوند رویائه دِله پولُسِ بااوته: «نَتِرس! گَب بَزِن و ساکت نَواش!

گیله ماز

⁹ ایتا شُو خُداوَند رویایِ دِلِه پولُسِ باگوتِه: «نَتِرس! گَب بَزِن و ساکت نَباش!

کتاب مقدس به زبان مازندرانی - گویش غربی

⁹ یَتِه شُو خِداوَند رویایی دِلِه پولُسِ بُتِه: «نَتِرس! گَب بَزِن و ساکت نَواش!

اعمال رَسولان 18:9 Iomraidhean Croise

اعمال رَسولان 16:9

شوِ مووقه، پولُس رویائه دِله بَدیئه که یِتا مَقدونی مَردی وه پیش اِیست هاکارده و وه ره اِلتماس کانده «مقدونیه بِرو و اِما ره کُمِک هاکان.»

اعمال رَسولان 18:10

چوون مِن تِ هِمرامه و هیچ کی نَتونده شه دَسِ دراز هاکانه تا تِ ره صَدِمه بَزِنه، چوون این شَهرِ دِله خَله آدِم دارمه.»

اعمال رَسولان 22:18

و خِداوندِ بَدیمه که بااوته: ”عَجِله هاکان و هر چی زودتر اورشَلیمِ جِم بور، چوون وِشون تِ شِهادتِ مِ خَوِری قَبول نَکاندِنه.“

اعمال رَسولان 23:11

هَمون شو، خِداوند پولُسِ پَلی اِیست هاکارده و بااوته: «تِ دِل قِرص بوئه! همون‌طی که اورشَلیمِ دِله مِ ره شِهادِت هِدایی، رومِ دِله هم وِنه شِهادِت هادی.»

اعمال رَسولان 9:10

دمشقِ دِله عیسیِ شاگِرد که وه اسم حَنانیا بییه زندگی کارده. خِداوند یِتا رویائه دِله وه ره بااوته: «حَنانیا!» جِواب هِدا: «بَفِرمی ای خِداوند.»

اوّلین نامِه قُرنتیانی سِه 9:1

مگه آزاد نیمه؟ مگه رسول نیمه؟ مگه اَمه خِداوند عیسی ره نَدیمه؟ مگه خِداوندِ دِله شِما مِ کارِ ثَمِر نینی؟

اوّل تِسالونیکیان 2:2

بلکه هر چَن قبلاً فیلیپیِ شَهرِ دِله عِذاب بَکِشیمی و اِما ره بَدی هاکاردِنه، اون طی که خجالِت آوِر بییه، هَمون طی که دوندِنی، ولی اِما شه خِدائه کُمِکِ هِمراه جرأت هاکاردیمی تا خِدائه انجیلِ خَله مخالفتهائه میون شِما ره اِعلام هاکانیم.