اعمال رَسولان 18:7 - کتاب مقدس به زبان مازندرانی - گویش شرقی

⁷ بعد عِبادَتگاهِ جِم بیرون بورده و تیتوس یوستوسِ سِره بورده، که خداپَرِسِ آدِمی بییه و عِبادَتگاهِ پَلی سِره داشته.

گیله ماز

⁷ ایما عبادتگاهِ جی دِرگا بَشَه و تیتوس یوستوسِ سِرِه بَشَه که آدَمِ خداپَرسّی با و اونه سِرهِ عبادتگاهِ وَرجه با.

کتاب مقدس به زبان مازندرانی - گویش غربی

⁷ اَزما عبادتگاهی جا دیرگا بوردِه و تیتوس یوستوسی خِنِه بوردِه گه خِداپَرسِ آدَم وِه و عبادتگاهی وَر خِنِه داشتِه.

اعمال رَسولان 18:7 Iomraidhean Croise

اِنجیلِ یوحنا 9:31

اِما دومبی خِدا گِناهکارونِ دِعا ره گوش نَدِنه، ولی اگه کِسی خِداپَرِس بوئه و وه خواسه ره اِنجام هاده، خِدا وه دِعا ره گوش دِنه.

اعمال رَسولان 10:2

کُرنِلیوس یِتا دیندارِ مَردی بییه و تِمومِ وه خانِواده خِدائه جِم تَرسینه. کُرنِلیوس دست و دِلوازیِ هِمراه فَقیرونِ صَدَقه دائه و هَمِش خِدائه پلی دِعا کارده.

اعمال رَسولان 10:22

وِشون بااوتِنه: «اِما ره رومِ فَرمونده کُرنِلیوس بَفرِسیه. وه دِرِسکار و خِداترسِ آدِمِ و تِمومِ یَهودِ قوم وه خواری ره گانِنه.‌ وه یِتا مِقَدَّسِ فِرشتهِ جِم دَستور بَییته که تِ دِمبال بَفرِسه و تِ ره شه سِره دَعوِت هاکانه و تِ گَبِ بِشنُئه.»

اعمال رَسولان 13:42

وَختی پولُس و بَرنابا عِبادَتگاهِ جِم بیرون شینه، مَردِم وِشونِ جِم خواهش هاکاردِنه که شنبه بعدی هم این جَریانِ خَوِری وِشونِ وِسه گَب بَزِنِن.

اعمال رَسولان 13:43

بَعدِ از اینکه جَمیِّت، عِبادَتگاهِ جِم بوردِنه، یَته خَله یَهودیون و اون خداپَرِسِ مَردِم که یَهودی بَییه بینه، پولُس و بَرنابائه دِمبال راه دَکِتِنه. پولُس و بَرنابا این دَسهِ هِمراه گَب بَزونه و وِشونِ تَشویق کاردنه که خِدائه فِیضِ دِله اِدامه هادِن.

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 16:14

وِشونِ میون یِتا خداپَرِسِ زِنا، تیاتیرائه شَهرِ جِم دَییه که اَمه گَب ها ره گوش دائه. وه اسم لیدیه بییه و اَرغِوونی پارچه‌ که خَله گِرون بییه ره روته. خِداوند وه دلِ واز هاکارده تا پولُسِ پِیغومِ گوش هاده.

اعمال رَسولان 17:4

وِشونِ جِم بعضیا قانع بَینه که پولس و سیلاسِ مِلحق بَووِن. و همین طی یِتا گَتِ گروه خِداپَرَسِ یونانیون و سرشناسِ زَن هائه جِم یَته خَله وِشونِ مِلحق بَینه.

کولُسیان 4:11

عیسی که یوستوس هم وه ره گانِنه، شِمه وِسه سِلام رِسِندِنه. مِ همکارونِ میون، خِدائه پادشاهیِ کارِ دِله، فِقَط اینا، خَتنه بَیّه مَردا هَسِنه، و وِشون مِ تسلّیِ باعث بینه.