اعمال رَسولان 18:5 - کتاب مقدس به زبان مازندرانی - گویش شرقی

⁵ وَختی سیلاس و تیموتائوس مَقدونیهِ جِم بییَمونه، پولُس تِمومِ شه وَختِ، خِدائه کِلامِ وِسه بییشته بییه، یَهودیونِ شِهادت دائه که مَسیحِ موعود هَمون عیسیِ.

گیله ماز

⁵ وَختِی سیلاس و تیموتائوس مَقدونیه جی بومَن، پولُس تمام خودِشِه وخَتِ خُدای کَلامِ وَسین بَنَه با، یَهودیانِ شهادت دَنِه با که مسیحِ موعود هَمون عیسائِه.

کتاب مقدس به زبان مازندرانی - گویش غربی

⁵ وختی سیلاس و تیموتائوس مَقدونیه ای جا بیمونِه، پولُس دِشتِه شی وَختِ خِدایی کَلامی سِه بِشت وِه، یَهودیِنِ شهادت داوِه گه مسیحِ موعود هَمون عیسائِه.

اعمال رَسولان 18:5 Iomraidhean Croise

لوقا 12:50

ولی مِن غسلِ تعمیدی دارمه که وِنه اونِ بَیرِم و تا اون اِنجام بَووه، چَنده فشارِ بِن دَرِمبه.

لوقا 16:28

چوون مِن پَنج تا بِرار دارمه. وه ره بَفرِس تا مِ بِرارونِ هِشدار هاده، نَکِنه وِشون هم اینجه دَکِفِن و عِذاب بَکِشِن.“

اِنجیلِ یوحنا 1:41

وه اَوِّل، شه بِرار شَمعونِ پی دا هاکارده و وه ره بااوته: «اِما ماشیَحِ پی دا هاکاردیمی، یعنی مَسیحِ موعود.»

اِنجیلِ یوحنا 10:24

پَس یَهودیون وه دور جَمع بَینه و بااوتِنه: «تا کِی خوانی اِما ره شَکِ دِله داری؟ اگه مَسیحِ موعود هَسی، اِما ره عَلِنی بار.»

اِنجیلِ یوحنا 15:27

و شِما هم شِهادت دِنِنی، چوون از اَوِّل مِ هِمراه دَینی.

اِنجیلِ یوحنا 3:28

شِما شه شاهدینی که مِن بااوتِمه مَسیحِ موعود نیمِه، بلکه وه جِم قبلتر بَفرِسیه بَیمه.

اعمال رَسولان 10:42

وه اِما ره دَستور هِدا تا حَییقَتِ قومِ وِسه اِعلام هاکانیم و شِهادَت هادیم که خِدا وه ره انتخاب هاکارده تا زِنده ها و مِرده هائه داوِر بوئه.

اعمال رَسولان 15:22

پَس رَسولون و مشایخ، تِمومِ کلیسائه هِمراه تَصمیم بَییتِنه شه دِله مَردایی ره انتخاب هاکانِن و وِشونِ پولُس و بَرنابائه هِمراه اَنطاکیهِ شَهر بَفرِسِن. پَس یهودائه مَعروف به بَرسابا و سیلاسِ که بِرارونِ دِله رَهبِر بینه ره، انتخاب هاکاردِنه.

اعمال رَسولان 16:1

پولُس اَوِّل دِربِه و بعد لِستْرهِ شَهر بُورده. اونجه یِتا شاگِرد که وه اسمِ تیموتائوس بییه زندگی کارده که وه مار یَهودی و ایموندار بییه، ولی وه پییِر یونانی بییه.

اعمال رَسولان 16:12

از اونجه فیلیپیِ شَهر بوردیمی که یِتا از شهرایی بییه که رومیون اونجه زندگی کاردِنه و مقدونیهِ خاکِ دِله دَییه، و چَن روز اون شَهرِ دِله بَمونِسیمی.

اعمال رَسولان 16:9

شوِ مووقه، پولُس رویائه دِله بَدیئه که یِتا مَقدونی مَردی وه پیش اِیست هاکارده و وه ره اِلتماس کانده «مقدونیه بِرو و اِما ره کُمِک هاکان.»

اعمال رَسولان 17:3

و توضیح دائه و دلیل یارده که وِنه مَسیح عِذاب بَکِشه و مِرده هائه جِم زنده بَووه. وه گاته: «این عیسی که وه ره شِما ره اِعلام کامبه، هَمون مَسیحِ موعودِ.»

اعمال رَسولان 18:28

چوون همهِ چِشِ پَلی یَهودیونِ هِمراه بَحث کارده و وِشونِ عقایدِ قِوَّتِ هِمراه رَد کارده، و مِقَدَّسِ نوِشته هائه هِمراه ثابت کارده که مَسیحِ موعود هَمون عیسیِ.

اعمال رَسولان 2:36

«پَس اِی یَهودِ قوم همه یقینِ هِمراه بَدونِن که خِدا این عیسی ره که شِما وه ره صلیب بَکِشینی، هم خِداوند و هم مَسیحِ موعود هاکارده.»

اعمال رَسولان 20:21

هم یَهودیون و هم یونانیونِ اِعلام هاکاردِمه که وِنه تووبهِ هِمراه خِدائه سَمت بَردَگِردِن و اَمه خِداوند عیسیِ مَسیحِ ایمون بیارِن.

اعمال رَسولان 20:23

مگه اون که هر شَهرِ دِله روح‌ القدس هِشدار دِنه که سختی و زندون مِ اِنتِظار دَره.

اعمال رَسولان 20:24

ولی مِن، هم جانِ و هم زندگی ره شه وسه بی‌ارزش دومبه، فِقَط اگه بَتونِم شه دوره ره تِموم هاکانِم و خِدمِتیِ که عیسیِ خِداوندِ جِم بَییتِمه ره سَراِنجام بَرِسونِم و خِدائه فیضِ خَوِرِ خِشِ شِهادت هادِم.

اعمال رَسولان 4:20

چوون اِما نَتومبی اونچی بَدیمی و بِشنُسیمی ره ناریم.»

اعمال رَسولان 9:22

ولی شائول روز به روز ویشتر قِوَّت گِته و دَمشقِ یَهودیونِ وِسه دلیلِ هِمراه ثابت کارده که عیسی، هَمون مَسیحِ موعود هَسه.

دوّمین نامه قرنتیانِ وَسین 1:19

چوون خِدائه ریکا، عیسی مسیح، که مِن و سیلاس و تیموتائوس، شِمه میون وه ره اِعلام هاکاردیمی، ’اَره‘ و’نا‘ نَییه، بلکه وه دِله هَمش ’اَره‘ هَسه.

دوّمین نامه قرنتیانِ وَسین 11:9

و اون مووقه که من شِمه هِمراه دَیمه و یه چیِ محتاج بیمه، هیچ کسِ دوشِ سَر باری نییِشتِمه، چوون برارونی که مقدونیهِ مَنطقهِ جِم بییَمونه مِ احتیاجاتِ برطرف هاکاردِنه. و مِن هیچ باری شِمه دوشِ سَر نیشته بیمه و نییِلمه.

دوّمین نامه قرنتیانِ وَسین 5:14

چوون مَسیحِ مِحَبَّت اِما ره کنترل کانده، چوون بَفِهمِسیمی: که یه نَفِر همهِ وِسه بَمِرده، پَس همه بَمِردِنه.

فیلیپیان 1:23

این دِتائه میون بَدجور دَره جنگِمبه: چوون که آرزو دارمه این دِنیائه جِم بورِم و مَسیحِ هِمراه دَووِم، چوون این خَله بِهترِ؛

اوّل تِسالونیکیان 3:2

اِما تیموتائوسِ که اَمه بِرار و خِدائه همکار، مَسیحِ انجیلِ کارِ دِله هَسه ره شِمه پَلی بَفرِسیمی تا شِما ره شِمه ایمونِ دِله تقویت و تَشویق هاکانه،

اوّل تِسالونیکیان 3:6

ولی اِسا که تیموتائوس شِمه پَلیِ جِم اَمه پَلی بَردَگِردِسه و شِمه ایمون و مِحبَّتِ جِم، اَمه وِسه خوارِ خَوِر بیارده. و خَوِر هِدا که شِما هَمِش اَمه جِم خواریِ هِمراه یاد کاندینی و اَمه بَدیئِنِ وِسه ذوق دارنِنی، هَمون طی که اِما هم شِمه بَدیئِنِ وِسه ذوق دارمی.

اول پِطرُس 5:12

سیلاسِ طریق که وه ره یِتا وِفادارِ بِرار دومبه، شِمه وِسه خِلاصه بَنوِشتمه تا شِما ره سفارش هاکانِم و شِما ره اِعلام هاکانِم که خِدائه حَییقی فِیض اینِ. اونِ دِله پابرجا بَمونین.