اعمال رَسولان 18:26 - کتاب مقدس به زبان مازندرانی - گویش شرقی

²⁶ آپولُس جِرأتِ هِمراه یَهودیونِ عِبادَتگاهِ دِله گَب بَزوئِنِ شِروع هاکارده. ولی وَختی پْریسکیلا و آکیلا وه گَبِ بِشنُسِنه، وه ره یِتا گوشه بَکِشینه و خِدائه راهِ، دِرِستر وه ره سِراغ هِدانه.

گیله ماز

²⁶ آپولُس جرأتِ هَمرهَ یَهودیانِ عبادَتگاهِ دِلِه شروع به گَب بَزَئن هَکردِه. ولی وختی پْریسکیلا و آکیلا اونِه گَبِ بِشنَوِسَّن، اونِه ایتا گوشِه بَکشین و خُدای راه رِه درستَر اونِه نِشان هَدَئن.

کتاب مقدس به زبان مازندرانی - گویش غربی

²⁶ آپولُس جِرأتی هَمرا یَهودینی عبادَتگاهی دِلِه گَب بَزوئَنِ شِرو هاکِردِه. ولی وختی پْریسکیلا و آکیلا وی گَبِ بِشنُسِنِه، وِرِه یَتِه گوشِه بَکشینِه و خِدایی راه رِه دِرستَر وِرِه هَم هادانِه.

اعمال رَسولان 18:26 Iomraidhean Croise

مَرقُس 10:15

حَییقَتاً، شِما ره گامبه، هر کی خِدائه پادشاهی ره وچهِ واری قبول نَکِنه، هیچ وَخت اونِ دِله نَشونه.»

لوقا 19:26

اون مَردی بااوته: ”شِما ره گامبه هر کی که دارنه، وه ره ویشتر هِدا بونه؛ ولی اونی که نِدارنه، حَتَّی هَمونی که دارنه هم وه جِم بَییته بونه.

لوقا 24:27

عیسی، موسی و تِمومِ پِیغَمبِرونِ جِم شِروع هاکارده و اونچیِ که تِمومِ مِقدَّسِ نوِشته هائه دِله وه خَوِری بااوته بَییه ره وِشونِ وِسه توضی هِدا.

اِنجیلِ یوحنا 7:17

اگه کِسی بِخوائه خِدائه خواسه ره اِنجام هاده، فَهمِنه که این تعالیم خِدائه جِم هَسه یا مِن شه جِم گامبه.

اعمال رَسولان 14:3

پَس پولُس و بَرنابا خَله زِمون اونجه بمونِسِنه و جِرأتِ هِمراه خِداوندِ وِسه گَب بَزونه، خِداوندی که وِشونِ قِوَّت هِدا تا نشونه ها بیارِن و معجزات هاکانِن، این طی شه فِیض بَخشِ پیغومِ تأیید کارده.

اعمال رَسولان 18:18

پولُس بعد از اینکه خَله زِمون قُرِنتُسِ دِله بَمونِسه، بِرارونِ هِمراه خِداحافظی هاکارده و دریائه راهِ جِم، سوریه بورده. این سَفِرِ دِله، پْریسکیلا و آکیلا هم وه هِمراه دَینه. پولُس کِنخْریه دِله شه کلّه ره بَتِراشیه، چوون این طی نَذر هاکارده بییه.

اعمال رَسولان 18:25

خِداوندِ راهِ دِله، آموزش بَییته بییه و روحِ حِرارتِ هِمراه گَب زوئه و ‌دِرِسیِ هِمراه عیسیِ خَوِری تَعلیم دائه، هر چَن فِقَط یحییِ تعمیدِ جِم خَوِر داشته.

اعمال رَسولان 19:8

بَعد پولُس یَهودیونِ عبادتگاه بُورده، اونجه سه ماه جِرأتِ هِمراه گَب زوئه و خِدائه پادشاهیِ خَوِری بَحث کارده و وِشونِ قانع کارده.

اعمال رَسولان 28:23

پَس وِشون یِتا روزِ تعیین هاکاردِنه و خَله آدِمون پولُسِ سِره بییَمونه تا وه ره بَوینِن. وه صِواحی تا شو، خِدائه پادشاهیِ خَوِری وِشونِ وِسه شهادت دائه و تَقِلّا کارده، موسیِ تورات و پیغمبِرونِ نوِشتهِ هِمراه، عیسیِ خَوِری وِشون قانع هاکانه.

اعمال رَسولان 8:31

بااوته: «اگه کِسی مِ ره رانِمایی نَکِنه، چی طی تومبه بَفِهمِم؟» پَس فیلیپُسِ جِم خواهش هاکارده سِوار بَووه و وه پَلی هِنیشه.

اوّلین نامِه قُرنتیانی سِه 12:21

چِش نَتونده دَسِ باره، «تِ مِحتاج نیمه!» و کَلّه هم نَتونده لینگا ره باره، «شِمه مِحتاج نیمه!»

اوّلین نامِه قُرنتیانی سِه 3:18

شه ره گول نَزِنین. اگه شِمه جِم کِسی فکر هاکانه، این زِمونه دِله حَکیمِ آدِمِ، اینِ وِسه که حکیم بَووه، وِنه نادون بَووه.

اوّلین نامِه قُرنتیانی سِه 8:2

اگه یه نَفِر گَمون کانده یه چی دونده، هَمتی اون چی که وِنه بَدونِ ره نَدونده.

نامِه مَسیحینی عبرانی نِژادی سِه 6:1

پَس بِئین مَسیحِ اَوِّلین تَعلیم ها ره پِشتِ سَر بییِلیم، بالغ بَیِّنِ سَمت جلو بوریم، اِما نَوِسه اَت کَش دییه پِیِ تووبه هاکاردِن و بیخودی کارا و خِدا ره ایمون داشتن،

پطرسی دِوّمین نامِه 3:18

بلکه اَمه خِداوند و نجات‌دهنده، عیسی مَسیحِ فِیض و بِشناسییِنِ دِله رشد هاکانین، که وه ره از اَلان تا اَبد جِلال بوئه! آمین.