اعمال رَسولان 18:24 - کتاب مقدس به زبان مازندرانی - گویش شرقی

²⁴ اون روزا، یِتا یَهودی، که وه اسم آپولُس واِسکندریهِ جِم بییه، اَفِسُس بییَمو. وه سُخنرانی هاکاردِنِ دِله اِسّا بییه و مِقَدَّسِ نوِشته هائه ره خَله دونِسه؛

گیله ماز

²⁴ اون روزا، ایتا یهودِی که اونِه اِسم آپولُس و اسکندریه جی با به اَفسُس بوما. اون سخَنرانی هَکِردَنِ دِلِه اُسّا با و نِوشتِه های مُقَدَّسِ رِه خِیلی خوب دانِسِّه؛

کتاب مقدس به زبان مازندرانی - گویش غربی

²⁴ هون روزا، یَتِه یهودی گه وی اِسم آپولُس و اسکِندریه ای جا وِه اَفِسُسی سِه بیمو. وی سِخَنرانی هاکِردَنی دِلِه اِسّا وِه و مِقَدّسِ نِوِشتِه هارِه خِیلی دِنِّسِه؛

اعمال رَسولان 18:24 Iomraidhean Croise

اِنجیلِ مَتّی 13:52

عیسی وِشونِ بااوته: «پَس هَر شَریعتِ مَلِّم که آسِمونِ پادشاهیِ خَوِری تَعلیم بَییته بوئه، صاب خانه ای ره موندِنه که شه صَندِقِ جِم، پیت و نوِ چیا بیرون یارنه.

لوقا 24:19

عیسی بَپِرسیه: «چه چیایی؟» بااوتِنه: «اونچی که عیسیِ ناصریِ سَر بییَموئه. وه یِتا پیغَمبِر بییه که خِدائه پَلی و تِمومِ مَردِمِ پَلی، هم عَمِلِ دِله قَوی بییه و هم کِلامِ دِله.

اعمال رَسولان 18:19

وَختی اَفِسُسِ شَهر بَرِسینه، پولس شه هَمسَفِرونِ جِم سیوا بَییه و شه، عبادتگاه بُورده، یَهودیونِ هِمراه بَحث هاکارده.

اعمال رَسولان 18:21

و وِشونِ هِمراه خِداحافظی هاکارده، بااوته: «اگه خِدا بِخوائه اَی دِواره شِمه پَلی اِمبه.» بعد یِتا کَشتی سِوار بَییه و اَفِسُسِ جِم بورده.

اعمال رَسولان 18:28

چوون همهِ چِشِ پَلی یَهودیونِ هِمراه بَحث کارده و وِشونِ عقایدِ قِوَّتِ هِمراه رَد کارده، و مِقَدَّسِ نوِشته هائه هِمراه ثابت کارده که مَسیحِ موعود هَمون عیسیِ.

اعمال رَسولان 19:1

ولی مووقه ای که آپولُس قُرِنتُسِ شَهرِ دِله دَییه، پُولس بعد از اینکه اون مَنطقهِ خِشکی راهِ جِم بُگذِشته، اَفِسُسِ شَهر بَرِسیه. اونجه چَن تا شاگرد پی دا هاکارده

اعمال رَسولان 27:6

رومِ افسِر اونجه یِتا کَشتی‌ پی دا هاکارده که اسکندریهِ شَهرِ جِم، ایتالیا شییه، و اِما ره اونِ سِوار هاکارده.

اعمال رَسولان 6:9

اون مووقه چَن نَفِر، یِتا عبادتگاه جِم، که اونِ اسم «آزاد بَییه هائه عبادتگاه» بییه، که قیرَوانِ یَهودیونِ جِم و اسکندریه و کیلیکیه و آسیائه مَنطقهِ جِم هم بینه، استیفانِ هِمراه بَحث هاکاردِنه.

اعمال رَسولان 7:22

این طی موسی تِموم مِصرِ حِکمتِ یاد بَییته و گفتار و اَعمالِ دِله قِوَّت بَییته.

اوّلین نامِه قُرنتیانی سِه 1:12

مِ مَنظور اینِ که شِمه جِم یه نَفِر گانه، «مِن پولُسِ دِمبالرو هَسِمه»؛ اون یِتا گانه، «مِن آپولُسِ دِمبالرو هَسِمه»؛ یِتا دییه گانه، «مِن کیفائه دِمبالرو هَسِمه»؛ و یه نَفِر دییه هم گانه، «مِن مَسیحِ دِمبالرو هَسِمه.»

اوّلین نامِه قُرنتیانی سِه 16:12

اِسا اَمه بِرار آپولُسِ خَوِری، خَله وه جِم بَخواسِمه که بَقیه بِرارونِ هِمراه شِمه پَلی بِیّه، ولی اَصلاً راضی نَییه که اَلان بِیّه. ولی هر وَخت فرصت هاکانه، اِنه.

اوّلین نامِه قُرنتیانی سِه 4:6

ای بِرارون، مِن همهِ این چیا ره شه خَوِری و آپولُسِ خَوِری شِمه خیر و صِلاحِ وِسه بااوتِمه تا شِما این گَب هائه مَعنی ره اَمه جِم یاد بَیرین که، اونچیِ جِم که بَنوِشته بَییه، جلوتر نَشوئین. تا هیچ کِدوم از شِما، یه نَفِرِ دییهِ روب رو فَخر نَکِنه.

دوّمین نامه قرنتیانِ وَسین 10:10

چوون که گاننه: «وه نامه‌ها سَخت و سنگینِ، ولی رو در رو ضعیفِ و وه گَب بَزوئِن تعریفی نِدارنه.»

کولُسیان 3:16

مَسیحِ کِلام شِمه دِله فِراوونیِ هِمراه بَمونه؛ تِمومِ حِکمتِ هِمراه هَمدییه ره نصیحت هاکانین و تَعلیم هادین؛ مزامیر، سرودها و آوازهائه هِمراه که خِدائه روحِ جِم هَسه، و شِکر هاکاردِنِ هِمراه شه دِلهائه دِله خِدائه وِسه بَخونین.

تیتوس 3:13

تا اونجه که توندی، وکیل زیناس و آپولُسِ اون سَفِرِ دِله که دارنِنه کُمِک هاکان، تِ حِواس دَووه، کمِ کسری نِدارِن