اعمال رَسولان 18:19 - کتاب مقدس به زبان مازندرانی - گویش شرقی

¹⁹ وَختی اَفِسُسِ شَهر بَرِسینه، پولس شه هَمسَفِرونِ جِم سیوا بَییه و شه، عبادتگاه بُورده، یَهودیونِ هِمراه بَحث هاکارده.

گیله ماز

¹⁹ وَختِی به اَفِسُس شهر بَرِسیَن، پولُس خودِشِه هَمسَفَران جی سیفا هَبا و خودِش به عبادتگاه بَشَه و یَهودیِان هَمرهَ بَحث هَکردِه.

کتاب مقدس به زبان مازندرانی - گویش غربی

¹⁹ وختی اَفِسُسی شهری سِه بَرِسینِه، پولُس شی هَمسَفَرِنی جا سیوا بَوِه و شِه عبادتگاهی سِه بوردِه و یَهودیِنی هَمرا بَحث هاکِردِه.

اعمال رَسولان 18:19 Iomraidhean Croise

اعمال رَسولان 18:20

اون مووقه که وِشون پولُسِ جِم بَخواسِنه یه ذِره ویشتر وِشونِ هِمراه بَمونه، پولُس قَبول نَکارده

اعمال رَسولان 18:21

و وِشونِ هِمراه خِداحافظی هاکارده، بااوته: «اگه خِدا بِخوائه اَی دِواره شِمه پَلی اِمبه.» بعد یِتا کَشتی سِوار بَییه و اَفِسُسِ جِم بورده.

اعمال رَسولان 18:24

اون روزا، یِتا یَهودی، که وه اسم آپولُس واِسکندریهِ جِم بییه، اَفِسُس بییَمو. وه سُخنرانی هاکاردِنِ دِله اِسّا بییه و مِقَدَّسِ نوِشته هائه ره خَله دونِسه؛

اعمال رَسولان 18:4

پولُس هر مِقدَّسِ شَنبه، عِبادَتگاهِ دِله یَهودیون و یونانیونِ هِمراه بَحث کارده و تَقِلّا کارده وِشونِ قانع هاکانه.

اعمال رَسولان 19:1

ولی مووقه ای که آپولُس قُرِنتُسِ شَهرِ دِله دَییه، پُولس بعد از اینکه اون مَنطقهِ خِشکی راهِ جِم بُگذِشته، اَفِسُسِ شَهر بَرِسیه. اونجه چَن تا شاگرد پی دا هاکارده

اعمال رَسولان 19:17

اَفِسُسِ شَهرِ تِمومِ مَردِم، چه یَهودی و چه یونانی، این جَریانِ جِم خَوِردار بَینه، وِشون همه ره تَرس بَییته، جوری که از اون بعد عیسیِ خِداوندِ اسمِ خَله اِحترام اییِشتِنه.

اعمال رَسولان 19:26

ولی هَمون طی که ویندِنی و اِشنُنِنی، این پولُس نا فِقَط اَفِسُسِ دِله، بلکه تِمومِ آسیائه مَنطقهِ دِله، یَته خَله مَردِمِ قانع و گُمراه هاکارده. وه گانه خِدایونی که آدِمی دَسِ جِم بِساته بونِنه، خِدایون نینه.

اعمال رَسولان 19:28

وِشون وَختی اینِ بِشنُسِنه، خَله عَصِبانی بَینه، داد بَزونه که «گَتِ، اَفِسُسیونِ آرتِمیس!»

اعمال رَسولان 19:35

سَرآخِر، شَهرِ داروغه جَمیِّتِ آرووم هاکارده و بااوته: «ای اَفِسُسِ مَردا، کیِ که نَدونده اَفِسُسِ شَهر، گِتِ آرتِمیسِ مَعبِدِ نگهوونِ؟ کیِ که نَدونده اَفِسُسِ شَهر، مِقدَّسِ سَنگِ نگهوونِ، که آسِمونِ جِم جِر دَکِته؟

اعمال رَسولان 20:16

پولُس تَصمیم داشته دریائه راهِ جِم اَفِسُسِ وَرِ جِم بِگذره تا شه وَختِ آسیائه مَنطقهِ دِله هَدِر نَده، چوون که عَجِله داشته که اگه بووه، پِنتیکاستِ روز اورشَلیم دِله دَووه.

اعمال رَسولان 20:17

وه میلیتوسِ جِم یِتا پِیغوم اَفِسُسِ وِسه بَفرِسیه و کلیسائه مشایخِ شه پَلی صدا هاکارده.

اعمال رَسولان 21:29

وِشون قبلتَر تْروفیموسِ اَفِسُسی ره شَهرِ دِله، پولُسِ هِمراه بَدیئه بینه و خیال کاردِنه پولُس وه ره مَعبِدِ دِله بَوِرده.

اوّلین نامِه قُرنتیانی سِه 15:32

اگه مِن اَفِسُسِ شَهرِ آدِمون که وَحشیِ حیوونونِ وارینه، جَنگ هاکاردِمه، مِ وِسه چه سودی داشته. آدِمیِ دید، گَب زَمبه اگه مِرده ها زنده نَوونِنه، «بِئین بَخُریم و بَنوشیم چوون فِردا مییِرمی.»

اوّلین نامِه قُرنتیانی سِه 16:8

ولی تا پِنتیکاستِ عید، اَفِسُسِ شَهرِ دِله موندِمبه

اِفِسُسیان 1:1

پولُسِ طَرِف جِم که خِدائه خواسِ هِمراه، مَسیحْ عیسیِ رَسولِ، مِقدَّسینی ره که اَفِسُسِ شَهرِ دِله دَرِنه، اونایی که مَسیحْ عیسیِ دِله وِفادارِنه:

اول تیموتائوس 1:3

هَمون طی که وَختی مقدونیهِ مَنطقه دَیی شیمه، تِ جِم خواهش هاکاردِمه، اَت کش دییه اَی تِ جِم خوامبه که اَفِسُسِ شَهرِ دِله بَمونی تا بَعضیا ره دَستور هادی که هیچ جورواجورِ تعلیمی نَدِن

دوم تیموتائوس 1:18

خِداوند وه ره عطا هاکانه که اون روزِ دِله خِداوندِ جِم رَحمِت بَیره. و تِ تِمومِ اون خِدمِت هایی که اَفِسُسِ شَهرِ دِله هاکارده ره خوار دوندی.

دوم تیموتائوس 4:12

تیخیکوسِ، اِفِسُسِ شَهر راهی هاکاردِمه.

یوحنایِ مکاشفه 1:11

که گاته: «اونچی که ویندی ره یِتا کتابِ دِله بَنویس و این هفتا کلیسا: اَفِسُس، اِسمیرنا، پِرگاموم، تیاتیرا، ساردِس، فیلادِلفیه و لائودیکیهِ وِسه بَفرِس.»

یوحنایِ مکاشفه 2:1

«اَفِسُسِ کلیسائه فِرشتهِ وِسه بَنویس: «اون که شه راسِ دَسِ دِله هَفتا ستاره دارنه و هفتا طِلا لمپا پایهِ میون قَدِم زَنده، این طی گانه: