اعمال رَسولان 18:18 - کتاب مقدس به زبان مازندرانی - گویش شرقی

¹⁸ پولُس بعد از اینکه خَله زِمون قُرِنتُسِ دِله بَمونِسه، بِرارونِ هِمراه خِداحافظی هاکارده و دریائه راهِ جِم، سوریه بورده. این سَفِرِ دِله، پْریسکیلا و آکیلا هم وه هِمراه دَینه. پولُس کِنخْریه دِله شه کلّه ره بَتِراشیه، چوون این طی نَذر هاکارده بییه.

گیله ماز

¹⁸ پولُس بعدِ اینکه خِیلی زَمان قُرِنتُسِ دِلِه بُمانِسّه، اَداشانِ هَمرهَ خدافظی هَکردِه و دَریای راهه جی سوریه سَمت بَشَه. این سَفرِ دِلِه، پْریسکیلا و آکیلا هَم اونِه هَمرهَ دَبان. پولُس کِنخْریه یه دِلِه خودِشِه سَرِ بِتراشیِه، چون اینجور نَذر هَکُردِ با.

کتاب مقدس به زبان مازندرانی - گویش غربی

¹⁸ پولُس بعد از هینگِه خِیلی زِمِن قُرِنتُسی دِلِه بَمونِسِه، بِرارِنی هَمرا خِدافظی هاکِردِه و دَریایی راهی جا سوریه ای سِه بوردِه. هَین سَفری دِلِه، پْریسکیلا و آکیلا هَم وی هَمرا دَوِنِه. پولُس کِنخْریه ای دِلِه شی کَلِّه رِه بَتاشیِه، چون هَینجور نَذر هاکِرد وِه.

اعمال رَسولان 18:18 Iomraidhean Croise

اِنجیلِ مَتّی 4:24

عیسیِ شِهرَت تِمومِ سوریهِ دِله دَپیته و تِمومِ اونایی که هَر جور دَرد و مَرِضِ دِچار بینه و اونایی که دِو بَزو بینه و غَشگری داشتِنه و چِلِخا ره وه پَلی یاردِنه و وه اونا ره شِفا دائه.

مَرقُس 6:46

عیسی بَعدِ از اینکه جَمیِّتِ راهی هاکارده، شه کوهِ سَر بُورده تا دِعا هاکانه.

اعمال رَسولان 1:15

یِتا از اون روزا، پِطرُس، بِرارونِ میون که حدود صد و بیست نَفِر بینه، اِیست هاکارده

اعمال رَسولان 15:23

بعد یِتا نامه ‌وِشونِ دَس هِدانه، که بنوشته بَییه: اِما بِرارونِ طَرِف جِم هم رَسولون و هم مشایخ، غیریهودِ بِرارونِ وِسه که اَنطاکیه، سوریه و کیلیکیهِ دِله دَرِنی، سِلام!

اعمال رَسولان 15:41

پولُس وَختی دَییه سوریه و کیلیکیهِ جِم رَد بونِسه، کلیساها ره تَقویت کارده.

اعمال رَسولان 18:2

اونجه یِتا یَهودی مَردیِ هِمراه، که وه اسم آکیلا بییه آشنا بَییه. آکیلا، پونتوسِ مَنطقهِ جِم بییه. وه شه زنا پْریسکیلائه هِمراه تازه ایتالیائه جِم بییَمو بییه، چوون رومِ امپراطور کْلودیوس دَستور هِدا بییه که تِمومِ یَهودیون رومِ جِم بورِن. پولُس وِشونِ بدیئِنِ وِسه بُورده،

اعمال رَسولان 18:26

آپولُس جِرأتِ هِمراه یَهودیونِ عِبادَتگاهِ دِله گَب بَزوئِنِ شِروع هاکارده. ولی وَختی پْریسکیلا و آکیلا وه گَبِ بِشنُسِنه، وه ره یِتا گوشه بَکِشینه و خِدائه راهِ، دِرِستر وه ره سِراغ هِدانه.

اعمال رَسولان 18:27

وَختی آپولُس قَصد هاکارده اَخائیهِ مَنطقه بوره، بِرارون وه ره تَشویق هاکاردِنه و شاگردونِ وِسه بَنوِشتِنه وه ره ‌گرمیِ هِمراه قبول هاکانِن. وَختی آپولُس اونجه بَرِسیه، اونایی که فیضِ جِم ایمون بیارده بینه ره خَله کُمِک هاکارده.

اعمال رَسولان 21:23

پَس اونچی که تِ ره گامبی ره هاکان. اینجه اَمه پَلی چهارتا مَردی دَرِنه که نذر دارنِنه.

اعمال رَسولان 21:24

وِشونِ شه هِمراه بَوِر و وِشونِ هِمراه تَطهیرِ رَسم و رسومِ به‌جا بیار و وِشونِ خَرجِ هاده تا بَتونِن شه کَلّه ره بَتِراشِن. این طی همه فَهمِنِنه که این شایعات تِ خَوِری راس نییه، بلکه تِ هم شَریعتِ دارنی و اونِ دِله زندگی کاندی.

اعمال رَسولان 21:3

قبرسِ شه چپِ وَر بَدیمی و اونجهِ جِم رَد بَیمی، سوریهِ سمت راه دَکِتیمی. بعد صورِ دِله پیاده بَیمی، چوون وِنه اونجه، کَشتیِ بارِ خالی کاردِنه.

رومی ایشون 16:1

اَمه خواخِر فیبیِ سِفارشِ شِما ره کامبه. وه کِنخْریهِ شَهرِ کلیسائه خادمونِ جِم هَسه.

اوّلین نامِه قُرنتیانی سِه 9:20

یَهودیونِ پَلی یَهودیونِ واری رِفتار هاکاردِمه، تا یَهودیونِ مَسیحِ وِسه به دَس بیارِم. کِسایی هِمراه که شَریعتِ بِن دَرِنه، کِسایی واری که شَریعتِ بِن دَرِنه، رِفتار هاکاردِمه تا کِسایی که شَریعتِ بِن دَرِنه ره مَسیحِ وِسه به دَس بیارِم، (هرچن شه شَریعتِ بِن دَنیمه).

غَلاطیان 1:21

بعد از اون، سوریه و کیلیکیهِ مَنطقه بوردِمه.